برنامج اختي الي وعدتكم فيه الي غيرشعرها من سلك تلفون وشوشةالى ..ادخلومن&فتاةالمستحيل&

السلام عليكم
يسعدلي صباحكم جميعا

طبعاانا نزلت موضوع عن خلطة زيت وكثير منكم طلبو اني انزل برنامج اختي الي غير شعرها خلوني اقولكم كيف شعرها ومواصفاته

اول شي شعرها خشن وكان متعب التسريح بس كان كثير وسبحان الله جتها عين وراح شعرها وصار ذيل فأر وربي حتى ذيل الفأر يمكن ينمسك وهي لا لما دخلت الثانويه لعبت فيه طبعا ويوم هي بالمتوسطه فردته مرتين يمكن فرد اطفال لما دلخت الثانويه استخدمت فرد عادي وتعرفون الفرد ومايفعل وبعدها اقل من شهر سوت فرد ثاني وبعدها بشهر سوت فرد وانا نصحتها انه بيحترق ولاسمعت كلامي وراحت فردت هي وصديقتها وسبحان الله طول الفرد على شعرها واحترق وصار حالته سئيه جدا الي درجة كان تربطه على طول كأنها عجوز وحالته يحزن ودايم اهاوشه على طريقة لف شعرها الي يكسره زياده وهي ماتحب الزيوت والحناء المهم مسكتها وقلت هذا شكل وحده بنت توها في الثانويه وش هالاهمال .................الخ وكلام قاسي قالت وش اسوي المهم قلت قصيه قالت الوالد بيرفض قلت انا اقنعه طبعا فترتها كان شعري متحسن وجاته العين وتحول وصار منتف واقنعت الوالد وكان حزين ومتأثر على شعري لاني اناالوحيده الي طولته وكان فرحنا فيه وبصراحه الوالد خسر على شعري مبلغ وقدره لين وصلته لذاك المستوى المهم الله يسامح من سكتني عين:44: ورحت اقص شعري وخلصت وقمت قلت للكوافيره كيف تقص شعري اختي وكانت خايفه خليته مره قصير يعني تقريبا بوي وصار شكلها تغير مره وحلو وقلت لها لازم اهتمام والاخت ماقصرت اهتمت فيه شوي وبعدين دخلت ثالث ثانوي اهلي وكل يوم استشور وربي انه انحرق وصار شعرها فيه صلع خف كثير وكنت اهاوشه ولاحياة لمن تنادي وبعد ماخلصت اخذتها وياي وقصيت انا وياها وقلت اناالحين بمسك شعرك واشوف تلعبين فيه المهم

ايوه ترى شعرها لما ينشف يصير ملفلف مثل سلك التلفون وطاير تقولين شمس فوق راسها وشعرها واقف وحالتها حاله

نجي الحين كيف كانت عنايتي

كنت اخليه تزيته مافي زيت معين كنت اسوي اي زيت اخليها تستخدمه معي

مرتين بالاسبوع اسوي لها هالخلطه ولي انا مره او كل ماحسيت انه شعري بحاجتها

زبادي+مايونيز +صفار بيضه+زيت زيتون او اي زيت+قطعه زبده صغيره+هذااحيانااسوي لها اكليل الجبل واحيانا لا واخلطهم مع بعض واحطها على شعرها وفروة راسها لمده ساعه وبالكثير ساعتين وتقوم تتروش وترجع تجفف شعرها بالمنشفه وكنت اخليها تدهن شوي من كريم براشوت للعنايه المكثفه

سويت شمع وكنت استخدمه لشعرها ومرررررررررررره روعه يعطي طراوه ولمعه للشعر اذا حابين طريقتها على هالرابط يصلح يستخدم للشعر وللبشره

http://forum.hawaaworld.com/showthread.php?t=1120430

طبعا شريت حمام كررررررررررررررريم لو اقول روووووووووووووعه من هنا للصبح ماوفيته فعلا هذا له فضل كبير بعد ربي في تغيره وتحسينه اكثر
تحصلونه على هالرابط هو والصوره في الصفحه الثانيه
http://forum.hawaaworld.com/showthread.php?t=1087404
كنت اخليها تسوي من مره بالاسبوع تقعد ساعه وتغسله وكل يوم تستخدمه مثل بلسم وتغسله واحلى شي كنت انا وياها نحط على الفروه مايساقط الشعر مثل فاشكول وبانويل والباقي وهذا غير ريحته الي تجنن وحتى صديقتي اختي نفس شعرها تقريبا شرت منه وعاجبه مره والحين مستمره عليه

طبعا كنت اسوي حنه واضافات لها مره بالاسبوع لها هي و ممنوع الاستشوار
لما خلص براشوت صرت اخليها تستخدم ابو ورده مسحه خفيفه بس بعد الشور
ولما خلص حمام الكريم شريت شمع الكراتين كمان رررررررررررروعه وخاصة للي شعرهم مصبوغ وان شاءالله بتشري ثاني واصوره لكم
وحاليا تستخدم معي الزيت الي نزلت عنه الموضوع

والله يابنات انه الكوافيره قبل فتره رحنا نستشور وشافت شعر اختي قالت لها انتي وش مسويه قلت لها ليش قالت مره متغير ومتحسن مستحيل نوعية الشعر تتغير كذا وش مسويه لها وضحكت وقلت عادي عنايه زياده وقلت لها والله يابنات يوم اختي تستشور كان على ينفش هالمره ماشاءالله هاجد وناعم وله لمعه قويه ماتصدقو انه هذا شعرها

ومن غير الاستشور صار كيرلي وهاجد مو مثل اول سلك تلفون وطاير وحتى كل البيت لاحظ وقالو ايوه كذاالشعر مو اول تخوفي طاير واقف تقولين اريل :) وهي مبسوطه وعلى فكره صار كثير عن الاول وهي مستانسه حدها

والحين بعد حنة البخور صارة هي الي تجي تقولي يلا سوي ووحطي لي حنه مع الاضافات حقتي


طبعا تغذيتها سئيه يمكن لو تأكل زين وفيتامينات كان شعرها صارااكثر وماشاءالله صار يطول بسرعه وهذا كل شي بتفاصيل عارفه اني هذرت واجد بس عشان يكون كل شي واضح لكم


واي شي انا حاضره


ومثل ماوفيت لكم بوعدي لكم ابي منكم بس شي واحد

انه الله يتمم لي الموضوع الي بالي ويسخر لي عباده الي يسرو لي هالموضوع ويتم بيسر وسهوله وعلى خير ويجمعني بخطيبي
وربي يشهد ماابي منكم ولاطماعنه فيكم غير بالدعوتين :)

واي خدمه انا حاضره او استفسار لايردكم شي