سلاااااااااااااام مربع للجدعاااااااااااااان

نشكر لكم تواصلكم <<< تدق نفسها بالهرج خخخخخ

معليش نظراً لتعطش الجمهور لتكملة المقلب الرائع<<<من يشهد للخوخوة قالو المشمشة

نعتذر عن تقديم الفواصل الاعلانية

ولا كان بودنا نجيب كت كات لذكرى

وبيبسي لعشوقة

وسنيمون لمزن<< هي فينها وحشتني والله:(

ياله خيرها في غيرها

نعود لصلب الموضوع

؛
؛
؛
؛
؛

بعد ما دخلت (أ) ومعاها التلاتة التانين الفصل وكانت عندنا أبلة العربي الرقيقة

قالت للأبلة أبلة ممكن

قالتها نعم يا (أ) أبغى دفتر الكيمياء حقي أخدتو خوخة

راحت قالتلي الأبلة أعطيها الدفتر يا خوخة

قولتلها يا أبلة ما أخدت والله ما أخدت دفترها

(أ) إلا إنتي أخدتيه

خوخة : والله ما أخدت دفترك

أجل مع (ح) و(إ) <<< اللي شالو الدفاتر

(ح) و(إ) : والله مهي معانا

وجلسنا معاكم ........لأ

أخدتيه لأ

ونحلف

وترى حلفنا تمام أنا أحلف ما أخدت الدفاتر لإن (ح) و(إ) هما اللي أخدوها وحطوها في درجي

وأنا ما مسكتها

ودولاك يحلفو مهي معاهم لإنها معايا أنا والله رهيبين إحنا


راحت بعدين الأبلة قالت معليش(أ) بعد ما فهمتها الأخت إني هددتها

معليش شكلك نسيتي دفترك إنتي وصحباتك في البيت

صدقوني مهي مع بناتي<<< علينا

خوخة هادئة مهي حقت الحركات دي <<< مسكينة والله ما تعرفني خخخخخخ

المهم وخرجو دولاك مطرطعين

ولمن نص الحصة قمت أنا و(إ)<<< اللي فرضت نفسها

وقولنا للأبلة ممكن نروح تانية/* نعطيهم دفاترهم الكيميا

الأبلة ما أوصفلكم شكلها بس كنك كبيت عليها موية باااااااااااااردة

مهي مصدقة

تقولنا كيف متى إنتو لأ

مني مصدقة إنتو معقولة

عملتوها يعني

والله خوفت تروح فيها كنها انصدمت في مدري مين خخخخ

المهم خلتنا نروح نودي الدفاتر وهي مررة زعلانة

وروحنا إحنا الهبل لجيرانا وإحنا مكشخين<< يعني يعني قد التحدي

وندق الباب ونستأذن من أبلة الكيميا ونحط الدفاتر عند أول ماصة ونخرج جري ونضحك

وأحلى مافي الموضوع كان عندهم تجميع دفاتر

ما قولتلكم كنا نأشر ل(أ) ونقولها دفتر أهو من برا والأبلة ما تشوفنا وديك معصبة وتقولنا ما أبغاه

المهم رجعنا الفصل وجلسنا جلست المنتصر في معركة<<<ما ندري إن النصر كان نشوة فقط

خرجت بنت من فصلنا وراحت تشرب موية<<< تعرفو حركات البنات موية علشان تروح عند المراية ربع ساعة تمشط وتحدد حواجبها وتحط المرطب الوردي< محنا فاضين

ولمن رجعت قالتلنا خوخة و(ح) أبلة الكيميا تبغاكم<<< كان لازم من الموية يعني

(ح) انفجعت قالتي إش تبغى يا خوخة <<< ترا دي(ح) اللي أنا أقنعتها

قولتلها يا شيخة عادي نلعب مع صحابتنا أبلة الكيميا طيبة وتحبنا أنا وإياك ماراح تزعل مننا<<< وإنتي الصادقة الواحد ما يزعل اللي من اللي يحبو

المهم رحنا انا و(ح) عند الأبلة كانت تستنانا برا الفصل صراحة كان وجهها زعل ما شوفتها كدا أبدن

المصيبة إنو أنا مبتسمة من الأذن للأذن وماشية مهيصة واللي جمبي خايفة

ونروح وتقولنا إِش هادا اللي سويتو وأنا بكل عبببببططط أقولها نمزح

تمزحو هادا مزح تآخدو دفاتر زميلاتكم وتقولو مزح إنتو تانية ثانوية ولا تانية ابتدائي<<< أوف يا كبرها الكلمة دي

وإنتي يا (ح) علشان كدا تسأليني إنتاي عليهم بعد الفسحة

هاااا لأ مو أصلن انا<<< (ح)

المهم مشيت وهيا زعلانة وأنا تأثرت وترقرقت الدموع والكل قام عليا إنتي السبب

إنتي اللي قولتي ومش عارفة إيه<<< كني ضربتهم على يدهم

ونزلنا المعمل كان عندنا فيزيا وإحنا سكتم بكتم ولا حس ولا نفس على غي عوايدنا

راحت الأبلة تطاااااااااالع فينا وتقول

خير إن شاء الله مالكم كدا اليوم كنو على روؤسكم الطير

أكييييد عملتو عملة وأكلتو تهزيئة من اللي يوحبها قلبكم<<< يقطع شرك كيف عرفتي؟؟؟؟

المهم أخدنا الدرس وما أخدنا المخ قفل خلاص وإحنا طالعين قابلت واحد من بنات جيرانا

مو من اللي أخدنا دفاترهم

خوخة خوخة إشبك اليوم زعلتي أبلتك منك<<< أبلة الكيميا

خير

اليوم لمن دخلتي إنتي و ( إ) وحطيتو الدفاتر

قالتلنا دي خوخة اللي جت قولنا إيوا ومعاها (إ) قالت طيب

وهيا تكلمني شوفت أبلة الكيميا وأروح أوقف والدموع تحجرت مهي راضية تسعفني<<< ندالة

والله يا أبلة ما كان قصدي أنا كنت أمزح وما توقعت الموضوع راح يوصل لدي المواصير

قالتلي ما توقعت منك يا خوخة أبدن كدا

معقولة طيب ما فكرتي إنو ممكن أخسفلهم من الدرجات عشان ما جابو الدفاتر واليوم التجميع

و و و و و و و و و<<< كلااااااااااااااااااااام

وجت (ح) جمبي تشاركني

المهم وطلعت الأبلة

بعدين قابلتني وقالتلي خوخة منتي زعلانة صح<< لا غلط يا عيوني

كيف ما أزعل يا أبلة كلهم غلطوني انا وحملوني المسؤلية

معليش خوخة إمكن عشانها فكرتك

المهم معج تعيديها وتكون درس لك للمرات الجاية

إن شاء الله يا أبلة وتووووبة أعيدها مرة تانية<<<< إلا المقالب ما أقدر أقاوم إدمانها

وفنششششش

إش رأيكم فيا

على فكرة ما لاحظتو حاجة

إنو (إ)<<< اللي فرضت نفسها

خرجت من الموضوع زي الشعرة من العجين

لا الأبلة نادتها ولا اتهزأت معانا ولا شئ

مع أنو هي اللي جت معايا تودي الدفاتر و(ح) ما جت

لكن إييييه

دنيا حظوظ

استنوني

معايا مقالب حلوة وخصوصاً اللي قبل الأخير

تحياتي

خوخة

أيش هادا يابت ياخوخه والله انك خطيره وفيكي عرق نذاله :30:

أجل سارقه الدفتر ورازه وجهك قدام الأبله :23: لو أنا مكانك كان تطقني أم الركب :08:

وإلا (ح) يامسكينه انا لو منها أقاطعك وماعاد أكلمك أبد يالشينه أجل كذا تسوين فيني <<<< كخخخخخ عاشت الدور :23:


هيا كملي المقالب ننتظرك :o

مرااااااااحب

اسمعوووووا هذا النشيد

نزلته في الصوتيات

بـــــــس شفت هذا الموضوع ماااااااشي معااااه قلت اجيبو


مصيرك ياساااااااارق في يووووووووم يمسكوك:23:

قد ضاق حالي ياناس ... شريط يستر عليك

http://www.sahwah.net/~alhammad/nasheed/ked.ra