كيفك عساكم بخير :27:
انا اليوم بنزلكم جدولي لعلاج البشرة..
بس بالاول خليني اقولكم على المشاكل اللي بعاني منها
اممممممممم ببدأ من فوق لين تحت
1.الشعر: شعري فيه تقصف وكم مرة قصيته وبرضو يرجع التقصف، طوله لين الكتف وان طال اكثر يكون متقصف واضطر اقصه، من حيث الغزارة لابأس لاهو خفيف ولا كثيف، وملمسه ناعم بس فيه تجعيدات، واللون مو عاجبني "اسود"......
2.البشرة: انا بشرتي ماعرفتلها مرات احسها دهنية ومرات احسها عادية ..المهم وجهي الحمد لله صافي ومافيه حبوب ماغير وحده او اثنين وفيه شعر خفيف وملمسه ناعم نوعا ما وابيض من جسمي بس عندي المسامات واسعة
الجسم: ولو بقولكم على مشاكل جسمي بألف كتاب
اول شي الركب والكيعان عندي سودة مو بنية لا سوووووووودة وملمسها حجر
وعندي خطوط بيضا مع اني طول عمري صعلوكة مادي من وين جت :16:
وجسمي ملون في اماكن فاتحة واماكن غامقة عندي سواد بالابط وبين الافخاذ وبين نهودي :icon33:
والملمس فيه جفاف
ايديني جافة من كثر الغسيل
والاقدام بعد جافة وفيه سواد بمفاصل الايدين والرجلين
وعلى فكرة انا لوني حنطي فاتح وجسمي لونه مو موحد
ونحيفة وابغى اسمنننننننننننننن
وصدري مومشدود
نجي للعيون:عندي هالات من يوم يومي شكلها وراثة ونظري ضعيف ورموشي وسط وحواجبي خفيفه
بس هذي هي مشاكلي كلها
نجي للجدول ومدته 8 اسابيع
قبل كل شي لازم نسوي شوية اشياء عشان تكون بدايتنا صحيحة
اول شي نحف الجسم كله ونستعمل كريم السعد عشان يخفف من الشعر
وطريقته انك تشتري نبات السعد من عند العطار وتاخذي منه ملعقة كبيرة مع كل كاس ماي وتخليه يغلي لين يتبخر الماي ويبقى السعد بالقدر بعد كذا خذي اللي بقي واخلطيه مع كريم تستعمليه وادهني جسمك بالكريم مرتين بالصبح الليل
ثاني شي نسوي تنظيف للبشرة وحمام مغربي او دلكة سودانية وبديكير
ثالث شي نسوي زيارة لدكتور الاسنان عشان نتمم على اسناننا وهذي اهم خطوة عشان الابتسامة الحلوة :D
ثالث شي نشد العزم زناخذ القرار ونتوكل على الله بدون تكاسل :D
ونبدا بالجدول
في الصباح اول ماقوم من النوم تقريبا الساعة عشر او حسب مواعيدكم
اشغل جهاز البخار بالحمام واحط داخله بابونج واخلي الحمام يتعبى بالبخار
بعدين احط خلطة بشعري فايدتها انها تمنع التقصف وتطول الشعر مع الاستمرار بس مابستعملها كل يوم بس الاوقات اللي يكون بشعري زيت
وهذي مكوناتها
خلطة الشعر" محلب مطحون وحلبه مطحونه وحبة سوداء
وصابون مغربي وحمام زيت باراشوت وحمام زيت بالصبار وزبادي وعسل وزبده وخميرة
اخليها بشعري والفه ببلاستيك
بعدين ادهن جسمي كله بالصابون المغربي والحنا اليمنيه ممتازة للتبييض وتوحيد لون الجسم واجلس بالبخار 10 دقايق
بعدها افرك جسمي بالليفة تقريبا 5 دقايق
بعدها اكون محضرة صحن فيه ملح خاص بالجسم تلقوه عند العطار وحمص مطحون وافرك فيها جسمي وهو مبلول تقريبا 5 دقايق واخليه 10 دقايق وبعدين اغسله وهذي الخطوة عشان ازيل الجلد الميت من جسمي وانعمه
بعدين اسكر البخار
و احط خلطة الجسم لمدة20 دقيقة وفايدتها تفتيح لون الجسم وتوحيده هذا غير النعومة
وهذي مكوناتها
حلبة مطحونه، طحينة، صنفرة اي نوع ، ليمون، حليب بودرة
وبنفس الوقت احط قناع لوجهي ولعيوني عشان الهالات وهذي مكوناته
حلبة مطحونة، لبن روب، نشا، ماءورد
بعد ماتمر 20 دقيقة
اغسل شعري بشامبو يناسبني وانا بستعمل هربل اسنسز
واحط البلسم على شعري
وغسل الجسم بصابونة الفحم روعة لتفتيح اللون
واشطف شعري بغسول اناعاملته وهو عبارة عن بابونج مغلي بيطول الشعر ويفتح لونه
بعدها اغسل الوجه بالغسول الطبي انا بستعمل الفومنج جل من عند اوباجي
وبعد ما اجفف جسمي ادهن الكريمات وهي كالتالي
" كريم الصدر بيشد الصدر ويصغره وتقدري تستعملي اي نوع بتثقي فيه
كريم الإبط وهو لتفتيح المنطقة وللعرق بنفس الوقت واستعملي اي نوع تثقي فيه
وكريم الجسم لتفتيح الجسم وانا بستعمل بيزلاين الجل..
وكذا نكون خلصنا الحمام وكل هذا يستغرق بس 120 دقيقة
تعبتوا صح بس لازم المداومة عشان نلاقي نتيجه :D
بعد ماطلع من الحمام ارتاح شوي من المجهود العضلي
ويكون شعري مبلول احط كريم النخاع التونسي رائع للتنعيم والف شعري بالفافات الكبيرة واحط شعري تحت الاستشوار اللي بالصالونات عرفتوه اكيد واخليه لين يجف وبعدها افكه وشوفو النعومة لا تجاعيد ولا شي
بعدين اخذ الحبوب تبع فتح الشهية لأني ابغى اسمن وهي الموسيقور، stresstabs 600،
وبعدها احط زيت الشفاه بلعسل جنان،
وكريم العيون اخذته من البدي شوب
مسكارا للرموش لتطويلها
وادهن حاجبي بالخروع
وبعدها اعيش حياتي اسوي اي شي لين بعد العصر
اغسل وجهي بلغسول وادهنه بزيت اللوز بس لوكنت طالعه باخليه لين ارجع وادهنه عشان مايسمرني
واسوي رياضة80 دقيقة.
وكمان السباحة عشان الجسم ينشد والعضلات تقوى
وفي الليل قبل النوم
اغسل وجهي بالغسول، وازيت الشعر باي زيت يناسبني بس مو كل يوم ثلاث مرات بالاسبوع
وافرك ايديني ورجليني بالليمون عشان النعومة
ودهن الجسم بالسكرب للتفتيح ماخذته من عند وحده والصباح اغسله
وأكل البطاطس الني عشان اسمن :(
واحط مسكارا الرموش قبل النوم وكل وقت، وحوجبي بالخروع
مقشر الشفاه من البدي شوب ،
وهذا البرنامج اليومي يعني لازم تسوي هذي الاشياء يوميا ماعدا الشعر يكفي تزيتييه ثلاث مرات بالاسبوع فقط
اما البرنامج الاسبوعي فهو شي مهم كلنا نعرفه
الا وهو الحمام المغربي والدلكه السودانيه انا بسويها مرة بالاسبوع ضروري عشان البشرة تتجدد
والبرنامج الشهري هو البديكير لازم نسويه كل شهر على الاقل وانا بسويه بالبيت
وانا ناوية بعد مايخلص البرنامج اني اسوي ليزرك لعيوني عشان استغني عن النظارة والعدسات
وكمان ناوية اسوي شي جديد وهو قطع الالماس او الكرستال اللي بالاسنان شكلها بيطلع جنان
يعني راح اغير بنفسي 180 درجة وارمي كل اللي فات ورايا :angry: وابدا من جديد انسانة جديدة
وسلامتكم
ادري طولت بس انا ناويه استمر على هذا البرنامج كل يوم لمدة 8 اسابيع ابتداء من تاريخ 18 -5
وبعدها برجع بقولكم النتايج ياحلوين
يلا همتكم معايه وسجلو بالبرنامج واهم شي الالتزام وعدم التكاسل عشان نلاقي نتيجه
:)
rawannnnnnn @rawannnnnnn
عضوة نشيطة
يلزم عليك تسجيل الدخول أولًا لكتابة تعليق.
ام نوسه الحلو
•
صراحه فكره حلوه بس انا عجازه والله يساعدك امين
وانا بعد خاطري أسوي بس أعرف نفسي ملوله يمكن يوم واترك
الله يسهل عليج ويناولج إللي في بالج ...
الله يسهل عليج ويناولج إللي في بالج ...
الصفحة الأخيرة