اخواتي قبل كل شي رجااااااااء خاص جدا اتمنى تطبقون هالكلام لان عواقب الامساك مو كويسه
بالذات للاطفال والرضع خصوصااواوعدكم رح تجوني بعد اسبوع اسبوعين تبشروني بالنتايج
في البدايه احب اقولكم قصة بنتي الي لحقت عليها في اخر لحظه وبحكم انها طفلتي الوحيده مالي خبره بالاطفال
فكنت ساكته ولكن ماطول سكوتي تلاحقت المشكله الحمدلله
بنتي من اول ماجبتها وهيه تمام لا امساك لاغازات ولاغيره ولما تمت شهرين بدت تمر ايام والبنت ماتتبرز
بعدين صارت كل 3 ايام واكثر واذا اخرجت تتعصر سساعه وتبكي وبعد جهد وتعب اجي ابي ابدلها مالاقي شي البامبرز نظيفه يتقطع قلبي عليها معقوله كل ذا عالفاضي
وماخليت طبيب ماوديتها خسرت فلوس والله العظيم انها تعدت ال2000 ريال بين كشفيات وادويه مالها داعي
وبعد ماشافها اكثر من 6 اطباء كل واحد يقول الحليب والي يقول كل الاطفال كذا المهم بدون نتيجه
اخر شي قلت اعملها فحص شامل اشعه للجهاز الهضمي والالبطن كله
وفعلا سويناها وطلع معاها كسل شدددديد بالقولون يعني القولون مايتحرك ولايطرد الاكل منو فيبقى فيه ومع الايام كانت تزي الحاله الين صار امساك مزمن ماينفع معاه اي ملين لازم يتنظف القولون ويرجع طبيعي
وبعدين تركت الاطباء وقررت اعالجها بنفسي
رحت جبت فواكه مجففه
وشعير
لاتستغربون ايوه شعير الي بالسوبر ماركت
والبقيه رح اتكلم عنها لاحقا
المهم شوفو هالصور
عشان اقولكم ايش سويت وكيف كانت النتيجه وكلكم رح تدعولي
هذا الصحن فيه تين مجفف والي لونو اسود قراصيا الي هيه البرقوق المجفف والاورنج مشمش مجفف
شوفوها كيف بتنباع بالسوبرماركت بهالشكل
وهذا الشعير برضو تلاقوه بالسوبر ماركت بالصوره مجروش
نكمل
اول حاجه تعمليها تجيبي ننه((رضعه)) 150 مل وتعبيها مويه وتحطي في بالك مايعدي اليوم الا طفلك مخلصها على فترات طبعا
هذا بالصيف وبالشتاء 100 مل بتكفي
هالاكلات تحذفيها من نظامه نهاااااااائيا
الرز المصري البطاطس الي لحالها السيريلاك<<--- خاصة السيريلاك لاتشتريه نهائيا
والشيبسات والغازات وخرابيط التسالي الي تضر ماتفيد
ورح اعلمك على سيريلاك طبيعي ولذيذ
كل وحده تكمل على نظامها الي متبعاه مع طفلها لانو مو كل الاطفال يحبو نفس الاكل مع مراعاة اخذ الاساسيات الي بقولها وحذف الممنوعات
الممنوعات ذكرناها
الاساسيات
المويه
رضعة الفواكه المجففه وطريقتها
3 تمرات و2 من التالي(يامشمش ياتين ياقراصيا) نوع واحد بس وبدلي بينهم خلال الاسبوع
رضعة الفواكه ليله ايوه وليله لا
ولاتنسي اغسليها مزبووووووووط
انقعيهم في ماء مغلي 150 مل او 200مل براحتك وغطيهم لمدة ساعتين وصفيهم مزبوط الين تنزل كلها بالرضعه يعني لاتتركي الا القشور الي يعلق بالمصفاه اكشطيه بالملعقه وحطيه بالرضعه بيكون ناااااااااعم لانو متصفي جدا وخذي حلمة بايجون لارج روووعه مايحتاج تخرميها زياده
وبعد مايخلصها بالعافيه اعطيه مويه لونقطتين المهم لازم يشرب بعدها مويه
هالرضعه تعطينه هيه بأي وقت ولكن الافضل على الريق انا اعطيها بنتي وهيه نايمه لانها مستحييييييل تشربها
واذا بتعطينه وقت النوم يكون قبل مايصحى بساعه ساعتين
الوجبه الثانيه الي من الاساسيات
برتقال اوكيوي اوعنب اواعمليها كوكتيل كلها وكلها بزيت زيتون او زيت سمسم
كل 150 مل برتقالا وعنب اوكيوي مع ملعقه كبيره زيت رجيهم واعطيه رح يشربها لو لعب كثير وتعب
نكمل الاساسيات
وجبات الاكل حاولي تخليها تحتوي على الخضار زي الفاصوليا الجزر الافوكادو<<-- هالفاكهه روعه للامساك والصحه حتى الي يعملو رجيم ممنوعين من اكلها لانها مليااانه سعرات حراريه ودهون مفيده
الكوسه اليقطين
لازم يوميا وجبة خضار
حطي معاه شوية شعير مجروش
ابشريها ناعم عشان مايحبو المعجون والمخلوط
ولاتنسي تعملي بصل وطماطم لاي طبخه <<< كشنه زي مايسموها البعض عشان يستطعموها
لوكل يوم عطيتبه منقوع الفواكه ووجبة الخضار بالشعير وعصير البرتقال او الكيوي بالزيت وتبتعدي عن الممنوعاتوكملتيله رضعة المويه
رح تنحل المشكله من جذورهابئذن الله ورح تندهشين من النتيجه لانها على طول تبان من ثاني يوم
ومع الاستمرار احسن واحسن الين تصير الحركه الهضميه عند الطفل ماشيه تمام بالتالي يصير يجوع وياكل الوجبات الي تقدميها له
لان بطنه نظيف
هالمشروب يرفع الوزن والطاقه ويعطي صحه ويخلي الشعر ينمو بشكل اسرع
نصف الافوكادو
حليب سايل طازج زي المراعي
حبة كيري اونص حبه
موزه
المقادير حسب عمر الطفل
واذا اكبر من سنه ملعقة عسل واذا تحت السنه حطي سكر نبات
هذي الافوكادو للي مايعرفوها
هالنظام الي ذكرته ينفع للاطفال كلهممن سن 7 شهور مع زياددة الجرعات اذا كان فوق السنه
اتمنى اكون قدمت شي مفيد لاطفالنا الغالين فديت قلوبهم
شاكره لكل ام مهتمه كلفت على نفسها وقرأت موضوعي للاخر
دعواتكم:):26:
اشوى كتبتيه قبل لا اروح السوبرماركت ههههه علشان اجيب الاغراض