أخواتي زهرات الحدائق
كل وحده منا عند زواجها تبدا تبحث عن خلطات وطرق عنايه ببشرتها .. وانا عني تعبت كثير من هذي الناحيه لكن في النهايه
عملت لنفسي برنامج خاص والحمد لله استفدت منه بصوره كبيره
وحبيت اسهل على كل عروسه واحط لها برنامجي عشان تتبعه وراح تشوف النتيجه بعينها وتدعيلي
بسم الله نبدأ..
اولاً : هذي الخلطه حطيها عند النوم .
المقادير:
زيت لوز مرّ _ زيت جلسرين _ زيت خروع _ ليمون
الطريقه:
خذي علبه صغيره واخلطي من المقادير بنسب متساويه من كل زيت
واعصري عليهم شوي من الليمون وحطيها في الثلاجه وقبل النوم
ادهني كل جسمك و اذا صحيتي من النوم استحمي .
........................................ .......
ثانياً : ** لكل عروس ..خلطه رهيبه** لبياض طبيعى صافي زي القشطه*.*
المقادير :
=حبه وحده صابون الغار
= كاس ماءورد
- علبتين جلوسليد الاحمر حجم صغير
قزازة جليسرين السائل
- فنجال قهوه لكل من
( زيت الزيتون + زيت الخروع + زيت اللوز المر )
- علبة فكس صغيره
- ملعقتين كبيره كركم للجسم مو للطبخ
(وهذا بتلقونه عند العطار قولو كركم طبيعي يجى على هيئة اعواد تدقينه وتطحنينه
او تلاقيه مطحون بس اهم شئ يكون طبيعى مو المعلب ) )
الطريقه :
تبشرون الصابونه برش ناعم
وبعدين تحطونها في كاس ماء ورد لمدة 4 او او5 ساعات
عشان يذوووووب الصابون في ماء الورد
وبعدين تضيفون الجلوسليد والجليسرين السائل والزيوت
وملعقتين كركم وعلبة الفكس الصغيره واخلطو المقادير جميعها واضربوها بالمضرب حق الكريمه الكهربائي
عشان تختلط زين بعدين تحفظونها في علبه زجاج او ممكن تعبيها فى زجاة ماء الورد والجلسرين السائل
والباقى تخزنيه فى الثلاجه لحين الحاجه اليه
عشان تبقى نظيفه وتستخدمونها اطول فتره ممكنه
وبعد كذا تحطونها على جميع مناطق الجسم (يعني الجسم كله )
وتخلونها ساعتين (( ممكن تلبسين بيجامه تخصصينها لهذى الخلطه))
ممكن تدهنين بطون رجلينك بالخلطه لانها تنعم مرررره(( تخلى جسمك نعومته مثل نعومة الاطفال
ممكن تشغلين نفسك خلال الساعتين بالاستغفار وقرائة الورد استفيدى من وقت جلوسك
وبعد كذا تجيبون ليفة الجسم حقة الحمام المغربي
اواللي من بودي شووووووووب صايره على شكل قفازات
ممكن تكون احسن من الليفه المغربيه
بعد انتهاء الساعتين ندخل تحت الدش ونتروش عادى بعدها
ناخذ الليفه
ونحط عليها ملح الخشن الطبيعى طبعا بعد مانطحنه
ونعصر ليمون فوق الملح ويالله تبدأون بالفرك
تفركين الجسم فرك جيد
والله يطلع لكم كل شي وتحسون بالنظااافه من اول استخدام وبعد كذا
يبدأ التفتيح يوم ورى يوم
وطبعا هذي الخلطه بشكل يومي واكيد اللي بيتزوجون (( احمم))
مهتمين اكثر ومع الاستمرار لمدة اقل شئ اسبوعين الى اكثر حسب البشره بيطلع لونك الاصلى وبتطلعين تلقين
بياضك الطبيعى بيطلع بلا عوده باذن الله للشوائب والاسمرار.
ملاحظة :
سوي نصف المقادير واستعمليها واذا خلصت سوي النص الثاني لأنك لو سويتيها كلها
بتطلع الكميه كبيره.
طبعا هذي الخلطة بعد ماتستحمي وتنشفي جسمك حطيها لأن المسام تكون مفتوحه وخليها مثل ما قلتلك
ساعتين.
........................................ ............
ثالثاً: دلكه للجسم قبل الاستحمام رهييييييبه
وهي مكونه من :
ترمس مطحون + سكر + زبادي
اخلطوهم مع بعض الين ما تصير زي خليط الكيك
وادخلي الحمام الله يكرمكم واستحمي بمويه حاره (مو مره حاره )
وبعدها أفركي جسمك بالدلكه بطريقه دائريه والباقي حطيه على جسمك لا تفركيه
خليه زي الماسك على الجسم وخليه إلين ينشف بعدها أغسلي جسمك بالمويه البارده
وشوفي النعومه والنضاره
ملاحظة:
طبعا إنتي تسويها كل أسبوع مرتين او ثلاث في الاسبوع
و تعمليها قبل الزواج كل يوم لمدة أسبوع وبعدها تعملي حمام مغربي في البيت.
........................................ .........
رابعاً : طريقة الحمام المغربي
لعمل الحمام المغربي نحتاج لـ ....... :
صابون مغربي
( يكون على شكل كريم متماسك لونه بني داكن مائل للاسود )
حناء
( يفضل انك ماتشتريها مطحونه جاهزه من العطار لانها تكون مغشوشه )
والمقدار تقريبا ملعقتين كبار ... تخلطينهم مع الصابون المغربي وعصير الليمون
ضيفيلهم شوية مويه حاره لين يصير عندك مزيج سائل شوي واستخدميه
عصير ليمون حامض
غاسول ( طمي مغربي )
ليفه مغربيه
حجر خفاف
صابون الطاووس الطبيعي
الطريقه :
- سخني الحمام عن طريق ملئ البانيو بالماء الساخن ( حسب تحمل جسمك )
واغلاق كل منافذ الهواء ( الابواب والنوافذ ) الى ان يمتلئ الحمام بالبخار
2- ادخلي البانيو الملئ بالماء الساخن لمدة عشر دقائق ..
بعد ذلك اخرجي واجلسي على كرسي داخل الحمام واتركي الماء بالبانيو
3- في اناء اخلطي الصابون المغربي والحناء وعصير الليمون
ابدأي بفرد الخليط ودعكه على جميع اجزاء جسمك واتركيه عليه لمدة عشر دقائق
خلال هذه الفتره .. اذهبي الى الوجه وافردي الخليط عليه وافركيه جيدا
وخصوصا المناطق الدهنيه منه .. واشطفيه فورا لان عصير الليمون يحرق العيون
كرري العمليه على الوجه مره اخرى .. واشطفيه فورا
4- بعد العشر دقائق .. اشطفي جسمك بالماء الساخن جيدا
وابدأي بفركه بالليفه المغربيه من الاسفل الى الاعلى لتنشيط الدوره الدمويه
ابدأي بوجهك ثم رقبتك ثم صدرك ثم بطنك ثم يديك ورجليك
وبعدين نادي على امك او اختك تسويلك نفس العمليه على ظهرك
ركزي بالفرك على المناطق الخشنه بالجسم مثل الاكواع والركب
وبعد الانتهاء اشطفي جسمك بالماء جيدا
5- الان تكون مسام الوجه متفتحه .. استخدمي عليها التقشير المفضل لديك
يمكنك تجربة مقشر ( زارا ) كما سبق وذكرت ..
ركزي على الانف والذقن اثناء فرك المقشر على الوجهثم اشطفيه جيدا
6- اخلطي الغاسول ( الطمي المغربي ) بماء ورد وعصير الليمون وافرديه على كامل الجسم مع الوجه والشعر ايضا واتركيه
في هذه الاثناء قومي بفرك قدميك بحجر الخفاف لازالة الخلايا الميته
7- اشطفي جسمك ووجهك وشعرك من الطمي جيدا
واغتسلي بعد ذلك بصابونة الطاووس بالعسل
8- نشفي جسمك جيدا ..
ومرري عليه قطنه مبلله بماء الورد ليضفي نعومه ورائحه زكيه
نعيماً ....
ملاحظة:
قومي بعمل الحمام المغربي مره كل اسبوع في اخر شهر قبل يوم عرسك.
بعد هذا البرنامج حتشوفي تغيير كبير .. وبياض ونعومه ونظاره شئ يبهر ( حتسيري عروسه عن جد )
وترى عن تجربه شخصيه مو من عند احد ..
جربوا ولاتنسوني من دعواتكم لي بالصلاح وصلاح زوجي والذريه الصالحه
الرجاء عند النقل ذكر المصدر وصاحبه
اختكم المحبه لكم / الحالمة
منقوووول
