لـولـونـونـو :

البرنامج( الأسبوع الأول ) : السبت : ناخذ مقدار ( اللي يكفي جسمك ) ، من الخلطة الصابونية + مقشر المشمش . * نخلطهم مع بعض الين مايتجانسون . * يبلل الجسم بالماء الدافئ ..لحد مايصير الجسم بنفس حراره المويه بكذا تكون المسامات تفتحت . * سكري الماي .. وخذي الخلطة ووزعيها على جسمك بالكامل ماعدا الوجه .. * اتركيها على جسمك ربع ساعة او عشر دقايق . هذي الخطوة مهمه يابنات وهي اساس نجاح البرنامج معك .. * خذي صحن صغير او طاسه وحطي فيها ماي دافي مائل للحراره .. وخذي الليفه المغربيه او اي ليفه خشنه عندك بلليها بالماي الدافئ ..اللي حطيناه بالطاسه .. طبعا انتي الى الان برى الدوش .. * افركي جسمك بشكل دائري بالليفه وكل مانشفت غمسيها بالمويه اللي في الطاسه وارجعي افركي جسمك كله .. الفايده من هالخطوة ان الجسم يبدا ياخذ فايده الصابون .. * عند الانتهاء شغلي الدوش و ابدئي اشطفي جسمك بالماء الدافئ شطفا جيدا ..ثم بالماء البارد .. * قبل الخروج من الحمام تاخذين مقدار الغطاء من مويه ماي الورد وتحطينه بطاسه وتصبين عليه مويه بارده ورشي جسمك فيه ..وبكذا انتهينا من الاستحمام .. نجي للترطيب الحين : رطبي كامل الجسم بلوشن جونسون او كريمات الترطيب اللي انتي متعوده عليها ..ولاتبخين اي عطر بشكل مباشر عالبشره .. اللي تبي تتعطر تعطر الملابس قبل تلبسها وهذي طريقه امنه للحفاظ عالبشره من اضرار بعض العطور .. يوم الاحد الخطوة ( 1 ) : 1 ليمونه معصورة + ا م ملح خشن + ا م زيت الجلسرين + ا م خل التفاح + ا م زيت اللوز المر + ا م زيت بذرة الكتان تخلط هذه المقادير مع بعضها البعض ويدهن بها الجسم كاملا ماعدا الوجه .. تترك على الجسم لمدة نصف ساعه او ربع ساعه .. ( لحد ماتنشف على جسمك ).. <<< انا احطها والعب رياضه .. الخطوة ( 2 ) : يشطف الجسم بالماء الدافئ ونسوي نفس الخطواات اللي سوينها يوم السبت .. يعني نستخدم الخلطه الصابونية لكن بدون مانضيف لها مقشر المشمش .. نستخدم الخلطة الصابونيه لحالها .. بنفس الخطوات السابقه .. الخطوة ( 3 ) : يتم ترطيب الجسم بزبدة الكاكاو .. ملاحظة : هذي الخلطة لاتحطينها على وجهك بس لاخلصتي استحمام غسلي وجهك زي ما انتي متعوده ورطبيه بالكريم اللي تحبين او رطبيه بكريم قشطة الكركم .. لا احلل من تنقل الموضوع دون ذكر المصدر .. يوم الأثنين الخطوة ( 1 ) : 4 م او 2 م ترمس مطحون ( حسب اللي يكفي جسمك )+ نص ملعقة صغيرة خميرة فورية + علبه لبن زبادي ( الياغورت ) + 1 م ماء ورد . تخلط المقادير مع بعضها البعض لحد ماتتجانس وتصير زي الكريمه .. ( طبعا مقدار الخميره واللبن وماء الورد ثابت سواء حطيتي ملعقتين او اربع ملاعق ترمس ).. ادهنيها على جسمك بالكامل واتركيها عليه الين تنشف لمده نصف ساعه .. بعدين تدخلين دورة المياة ( الله يكرمكم ) وتبللين جسمك بماي دافي بس لاتروحين الخلطة من جسمك بس بلليه واطلعي من تحت الدوش .. (او خذي طاسه وعبيها ماي ورشي شوي على جسمك وافركي بشكل دائري) ، ابدئي افركي جسمك بشكل دائري الين تقشرين الخلطة من على جسمك .. وهالخطوة مهمه لانها بتشيل خلايا الجسم الميته معها .. بعدين اشطفي جسمك بالماي الدافئ لحد ماتروح الخلطه راح تحسين بنعومه خياليه ولمعه بجسمك :) الخطوة ( 2 ) : نستخدم الخلطة الصابونية بنفس الخطوات اللي شرحناها قبل في يوم السبت لكن زي ماقلت لكم بدون مانخلطها بشئ لحالها .. الخطوة ( 3 ) : الترطيب راح يكون بكريم يوكوسبا اللي مرسوم عليه بقرة .. واللي ماعندها يصير ترطب بزبده الكاكاو .. ملاحظة : خلطة الترمس ينفع تحطينها على وجهك زي الماسك .. والترطيب يكون بكريم قشطة الكركم ( بياري ) .. صور الكريمات موجوده هنا : لا احلل من تنقل الموضوع دون ذكر المصدر .. يوم الثلاثاء الخطوة ( 1 ) : 1 م زيت اللوز المر + 1 م زيت الجلسرين + 1 م زيت جنين القمح + 1 م زيت الخروع + ا م زيت بذرة الكتان + 1 م زيت زيتون + 1 م زيت المسك + 1 م زيت اللافندر ( ممكن تخلينها نص ملعقه حسب اللي يكفي جسمك .. واللي ماعندها بعض الزيوت تقدر تستغني عنها .. بس انا حطيت كل شئ بامانه زي ماسويت لنفسي ) تخلط جميع الزيوت السابقه مع بعضها البعض ويدهن فيها الجسم كاملا .. وتترك لمده ساعه او نص ساعه .. الخطوة ( 2 ) : يبلل الجسم بالماء الدافئ ويتم استخدام الخلطة الصابونيه كما سبق شرحه بالخطوات السابقه .. الخطوة ( 3 ) : ترطيب الجسم يكون بكريم قشطة الكركم .. واللي ماعندها تستعمل زبده الكاكاو .. او كريم يوكوسبا .. لا احلل من تنقل الموضوع دون ذكر المصدر .. يوم الاربعاء الخطوة ( 1 ) : ا م ملح خشن + عصير ليمونة ( قشر الليمون لا تقطينه بعد العصر ) + 1 م زيت اللوز المر . << لوماتكفي جسمك ضاعفي المقدار.. تخلط المقادير وتوضع على الجسم لمدة ربع ساعه او حتى تجف على الجسم . ناخذ قشر الليمون اللي عصرناه ونبدا نفرك فيه الجسم بالكامل .. الخطوة ( 2 ) : استعمال الخلطة الصابونية كما سبق شرحه بنفس الخطوات .. الخطوة ( 3 ) : الترطيب يكون بلوشن جونسون للاطفال .. لا احلل من تنقل الموضوع دون ذكر المصدر .. يوم الخميس الخطوة ( 1 ) : 1 م زيت اللوز المر + 1 م زيت الجلسرين + 1 م زيت جنين القمح + 1 م زيت الخروع + ا م زيت بذرة الكتان + 1 م زيت زيتون + 1 م زيت المسك + 1 م زيت اللافندر 1م مسك مطحون + نصف ملعقة شبه مطحونة + ام بودره جونسون باللافندر . تخلط المكونات السابقة جيدا ويدهن بها الجسم بالكامل وتترك لمده نصف ساعه او ساعه .. ناخذ طاسه او زبديه ونبلل الليفه المغربيه ونفرك بشكل دائري الجسم بالكامل .. يشطف الجسم بالماء الدافئ .. الخطوة ( 2 ) : يتم غسل الجسم بصابونة يوكوسبا ( المرسوم عليها بقرة ) ..او صابونة دوف الزرقاء .. الخطوة ( 3 ) : يتم ترطيب الجسم بكريم يوكوسبا ..او بلوشن جونسون للاطفال .. لا احلل من تنقل الموضوع دون ذكر المصدر .. يوم الجمعة هذا يوم الحمام المغربي وابيكم تنتبهون للخطوات زين مازين ..واللي بتطبق عدل صدقوني راح تنبهر من النتيجه :) وطبعا كل الاغراض اللي راح نحتاجها موجوده في المجموعه المغربية مع بعض الاضافات من عندي ^_^ واللي ماتعرف شئ تدخل على رابط التسجيل اللي بتوقيعي بتلقى كل الصور موجوده .. الخطوة ( 1 ) : جهزي حمام السونا واللي ماعندها مثلي عليها بالآتي : * تنظيف الحمام وتعقيمه بشكل جيد .. * سد جميع الفتحات الموجوده في الحمام بقصدير وحطي شطرطون ( لزقه ) زي ماسوينا بحرب الخليج خخخخخخخخ .. * جيبي دافور + قدر متوسط وحطي فيه ماي لما فوق النص .. وخليه بوسط الحمام او بمكان بعيد عن مكان استحمامك ..تحسبا لاي طارئ لاسمح الله .. * شغلي على الدافور وسكري باب الحمام وسدي الباب من تحت علشان البخار مايطلع برى .. * قفلي الحمام لمده نصف ساعه او ساعه .. الخطوة ( 2 ) : على بال مايجهز الحمام تعالي وحضري الخلطات اللي راح تستخدمينها داخل الحمام :) جيبي صحنين ^_^ ( الكمية ممكن تضاعفينها حسب مايكفي جسمك ) .. الخلطة رقم ( 1 ) : 2 م صابون مغربي + 2 م حناء + عصير ليمونة . اخلطيها مع بعض الين ماتتجانس تمام وخليها على جنب ^_^ الخلطة رقم ( 2 ) : 2 م طين مغربي مطحون + 1 م ماء ورد + عصير ليمونة . اخلطيها مع بعض الين ماتتجانس تمام وخليها على جنب ^_^ ملاحظة هامة : * اشربي كاستين او ثلاث كاسات ماي قبل لاتدخلين الحمام علشان ماتدوخين .. * لاتسوين الحمام وانتي جوعانه ولا تكون معدتك حيل مليانه اكل .. * لاتقفلين باب الحمام اذا عندك ضغط او قلب او ربو تحسبا لاي طارئ لاسمح الله .. * خلي القدر اللي يغلي بعيد عنك بمسافه كبيره في الحمام ولاتطفينه الا اذا قربتي من الخطوة اللي قبل الاخيرة .. * تاكدي ان الدافور مايسرب غاز او شئ على اساس ماتختنقين ولايصير شئ وتدعون علي ربي يحفظكم :( الخطوة ( 3 ) : خذي اغراضك كامله معك الحمام واول ماتدخلين الحمام .. * يشطف الجسم بماء دافئ ثم عليكي الجلوس لمده عشر دقائق ..حتى يتبخر جسمك بالبخار وتتفتح المسامات .. * بعد مضي العشر دقائق ضعي الخلطة رقم ( 1 ) على كامل جسمك ووجهك واتركيها لمدة عشر دقائق اخرى .. * يتم دعك الجسم بشكل دائري حتى يتم تقشير الخلطة ويفرك بالليفه المغربية .. * يشطف الجسم جيدا بالماء الدافئ .. الخطوة ( 4 ) : * نضع الخلطة رقم ( 2 ) على كامل الجسم والوجه وتترك لمدة عشر دقائق ايضا .. * في هذه الاثناء يتم استخدام حجر الخفاف في تنظيف القدمين ودعكهم وازاله الجلد الميت .. * يتم دعك الجسم بشكل دائري حتى يتم تقشير الخلطة ويفرك بالليفه المغربية .. * يشطف الجسم جيدا بالماء الدافئ .. * هنا نطفي على القدر .. ونوخر عنه .. الخطوة رقم ( 5 ) : * يتم غسل الجسم بصابون الطاووس المغربي .. * بعد شطف الجسم جيدا ..نبلل الجسم بالماء البارد .. * ناخذ مقدار ملعقه من ماء الورد مضاف اليها ماء بارد ويرش بها كامل الجسم .. الخطوة رقم ( 6 ) : يتم ترطيب البشرة والجسم بلوشن جونسون للاطفال ^_^ وحمام الهناء ياصبايا :) لا احلل من تنقل الموضوع دون ذكر المصدر .. ملاحظة لاوحده تسوي يوم قبل وقته يعني لاتقدمين يوم على يوم .. ولاوحده تحط استفسار عن اليوم اللي محنا فيه .. يعني مانكون بيوم الاثنين وتسالني عن يوم الخميس :( لاني ماراح اجاوبها على سؤالها نهائي.. على اساس مايكون مخربط والبنات اللي يتابعونا مايتخربطون .. نبي الموضوع يكون مرتب ومنظم بحيث الكل يستفيد منه .. واخر شغله بقولها لكم حبايبي :) اي قشر ليمونه او برتقاله عندك لاتقطينه جمعيها وجففيها لاننا راح نحتاجها بالاسابيع الاخيرة مو تقولون ماقلتي لنا ^_^ لا احلل من تنقل الموضوع دون ذكر المصدر .. بقية الاسابيع تابعونا على نفس الرابط :) اختكم لولونونو

البرنامج( الأسبوع الأول ) : السبت : ناخذ مقدار ( اللي يكفي جسمك ) ، من الخلطة الصابونية +...

@لانا@ :

مرحباااااااااااااااااااااااا الحمدالله طبقت برنامج يوم الاربعاااااء والترطيب كاالعاده((زبده الكاكاو..زيت اللوز..جلسرين))

مرحباااااااااااااااااااااااا الحمدالله طبقت برنامج يوم الاربعاااااء والترطيب كاالعاده((زبده...

@لانا@ :

حبيت اسئل عن صابونه البقدونس ناويه اصلحها بكره وانا عرفت الطريقه كامله بس السؤال لما احطها بالفريرز ساعتين واطلعها وين احطها هل عادى احطها برى الثلاجه ولا ضروري تكون بالثلاجه

حبيت اسئل عن صابونه البقدونس ناويه اصلحها بكره وانا عرفت الطريقه كامله بس السؤال لما احطها...