برنامج جميل عبداللطيف ممكن الأفادة ؟

اهلين اختي
برنامج عبداللطيف يدعم المشاريع الصغيره زي مشغل كوفي نسائي ...الخ ويصل دعمهم الى مئة الف ريال فقط

وشروطهم كالتالي:
1-ان يكون متفرغ تماما يعني ماعندك اي وظيفه لانهم يساعدون اللي ماعندهم دخل
2-ان لايكون عمر المتقدم يقل عن 21 سنه
3-ان يحضر كفيل حكومي لايقل راتبة عن 4000 الاف واذا كان موظف في قطاع خاص لاتقل مدة خدمتة في الشركة عن 3 سنوات
4-يكون الكفيل في نفس المدينة التي يتواجد فيها المشروع ومقدم المشروع
5-دعمهم يصل الى مئة الف ريال واول ثلاث شهور من مشروعك مايخذون منك اي فوائد بعد ثلاث شهور يبدأون ياخذون منك تقسيط يعني اذا مثلا مشروعك كلف مئة الف لمدة ثلاث سنوات كل شهر ياخذون منك 2500 وكل ماقلت تكاليف المشروع اكيد راح تقل سنوات التقسيط ويقل المبلغ اللي ياخذونه منك
6-يعطونك استمارات عباره عن دراسة جدوى للمشروع يمكن فيها اربع او ثلاث صفحات فيها اشياء كثيرة منها توقعاتك عن الارباح لمدة ثلاث سنوات يعني السنة الاولى في كل شهر كم تتوقعين الارباح وهكذا..
وفي الاستماره بعد اذا كان فيه مشروع منافس مثلا انتي تبين تفتحين مشغل تكتبين اسم كم مشغل وكيف ارباحهم ونقاط ضعفهم ونقاط قوتهم وطريقتهم في التعامل
وطريقتك في المشروع المقترح وكيف راح تساهمين في نجاحه مثلا عن طريق الدعايه او الاهل او ..الخ
المهم كل الاستماره هم كاتبين لك الاسئلة وتحتها الخيارات يعني انتي تختارين ماتكتبين شي
طبعا بعد ماتعبين هالاوراق تسلمينها لهم بعدها يسوون معك مقابلة شخصية بالغرفه التجاريه يعني عشان يشوفون تنفعين للمشروع وينفع تكونين مستثمرة او لا واذا ان شاء الله تمت المقابلة تبدئين في اجرائات الكفيل وتوقيع الاوراق الروتينيه من الكفيل ومنك ..

وان شاء الله اكون افدتك ووصلت لك اللي تبينه وبالنسبة للرقم انا عندي رقمهم اللي بالمدينة

لكي فائق ودي واحترامي لاتنسيني بالدعاء :26:

اختي ارسلت لك رساله على الخاص ياليت تردين علي بسرعه اذا امكن وشكرا لك على تعاونك

للرفع

رديت عليك اختي وماعليش عالتاخير لاني مادخل الا اوقات متاخره وماسوي تسجيل خروج

يعني ممكن يكون اسمي مبين انه متصل وانا مو موجوده

والله يوفقك..