جواهر وانت ماعندج اقتراحات يالله هذا الميدان يا حميدان :)
بس حلو اقتراح الروج .....عاد شنو احلى حمر موجوده ...يلا عطيني اسامي :)

يلا سلاموووووو

يا هلاااااا فيمتووووه

بقوووولج طريقة لعمل مكياج عيوووون سويته بعرس

الكل انهبل عليه

شوفي اول شي طبعا بعد ما تحطين كريم الاساس والبودرة وهالحجي
طبعاً افضل لو تلبسين عدسات رمادي .. انا كنت لابستها طلعوا فضيعات على مكياجي
حطي تحت الحاجب خط بقلم ابيض وبفرشاة الشدو امسحي بشكل عامودي من فوق لي تحت اخذي شدو لؤلؤي ابيض او فضي .. بس انا افضل الابيض

وانثريه على العين كلها حتى من تحت على شكل العين وهالشي يبرزها

بعدين اللون البنفسجي اخذيه وحطيه على عظمة العين فوق بشكل قوس من الخارج للداخل

بعدين اخذي اللون البنفسجي والوردي واخلطيهم مع بعض وحطيهم على الجفن المتحرك يعني يكون التدرج ابيض , وردي , بنفسجي ثلاث الوان

بعدين اخذي الاي لاينر وحطي على العين من فوق وقبل لا ينشف بس ما يكون طري حيل اخذي شدو بنفسجي وبفرشاة الظل اخلطي الاي لاينر مع الشدو
يعني لما يختفي شكل الخط بس مو ينمسح ديري بالج :28:

وبعدين سلمج الله ركزي على هالخطوة مهمه حييييييييييل

اخذي شدو وردي فاتح انثريه تحت العين بشكل قوس على رسمة العين هذا اللي الحين دارج ترا :19:
وبعدين حطي داخل العين قلم ابيض وبعدين بالاي لاينر ارسمي خط تحت الرموش بس لا تنزلين حيل .. اخذي الللون البنفسجي وامشي على الاي لاينر
انا بصراحة ما احب الاي لاينر احطه بس عشان يثبت الشدو فلما اسوي هالحركه يختفي ويبقى شكل الشدو

واخير شي الماسكارا .. وانصحج اذا كان عرس حطي رموش تلاقينهم عند اي هندي
ب750 وقصيهم وحطيهم على طرف عينج على الزاويه

في استيكرز صغار اخذتهم من بنت خالتي الصغيرة فيهم لمعة صغار حيل مثل اللي يحطونهم الهنديات بالافلام ..اخذتهم وحطيتهم تحت الحاجب على شكل قوس
هم ثلاثه بس ما كثرت وبصوب واحد

طلع شكلهم رهيب .. شفت سوسن تحط مثلهم حق عروس

والحين الحمرة مثل ما اقلت لج جوجوو عن الروج البنفسجي المتدرج

انا بصراحة استخدم طريقة نفسها بس احط شدو :o

احط المحدد اول شي طبعا بس قبلها اكثر بوردة على الشفايف عشان يثبت

وبعدين احط حمرة .. انا استخدم حمره اسمها قولدن ليدي وهي ايطاليا درجاتها رهيبه
وفي لون بني ترابي خطير وسعرها دينارين بالكثير يا بلاااااش

المهم اخلطها مع كريم اساس بس اللي عندي على شكل اصبع مو كريم سائل
تصير رهيبه .. بعدين اجيب كلينكس واحط عليها لمعة زري شوووووية
واروح اعض عليه (متوحششة هههه )

واخير شي اجيب الشدو بس اخذي اللون صدفي على بيج او فضي طافي
وحطيه بنص شفايفج اللي فوق واللي تحت .. والحين الشدو المائي يثبت اكثر
ما جربته بصراحه تطلع نفس حمر نوال الزغبي .... رهييييبه


وبعض المرات اجيب شدو اي لون بس مواخضر وازرق :28:
الوان تصلح حمرة واحط عليها .. الروج الشفاف اللي جنه ماي .. نسيت اسمه
يطلع جنه حمرة


او تقدرين تغيرين شكل الشدو تخلينه .... اسود ووردي نفس اليسا
وطبعا الاساس بالشدو حطي لون فاتح .. مثل الابيض اللؤلؤي او الفضي
وتحت على الرموش السفليه (ابوووك ياللغه :D ) حطي شدو اسود وتحته وردي
علشان يبرز العين
وهذا طريقة الشدو ما استغني عنهاا

بس تعبت
:07:




جوجووووو شدراج ان فيني عرج نذاااله ههههههههههه
استري على ما واجهتي :D

فيمتوووو جوجوووووووو يالله شرايكم بالمكياج .. انفع صالونه
:D

ماشاء الله صالونه بس تنفعييييييين فندقيه بعد :)
تسلميين على هالشرح ....انا بجربه باجر وقولج شصار معاي :)الف شككككككككر

يلا سلاموووووو

اسيل تكلمتي عن كريم او بودر من محمود سعيد ....ابي اعرف حق شنو وين نلاقييييه
وتسلمييين مقدما :)

يلا سلامووووووووووووو

الله يسلمج فيمتووووووووو

من ذوووووقج بسسسس :27:

يالله جربيه وقوليلي ....... البودرة هذي مالت الجسم حق المناسبات يعني

تلاقينها بزلزله بالفروانيه الدبوس ب3 دنانير ماخذتها

حلوه حق مناسبات وفيها لمعة

ياللا تشاااااو