برنامج رمضاني

السلام عليكم ورحمة الله وبركاته..


اسعد الله مساكم بكل خير,,

كيفكم يابنات شخباركم ؟؟


مالي بالمقدمات ,,, حابه تعطوني برنامج برمضان امشي عليه مو بس انا امشي عليه يعني كل وحده تسدح لنا افكارها وكلنا نستفيد ..

احس يومي كله بالمطبخ تجي صلاة التراويح وانا هملانه ودايخه ومافيني حيل:11:.. اصلي شي بسيط عمري ماصليت 12ركعه الله يتجاوز عني وعن كل مسلم قسما بالله مقهوره يجي رمضان ويروح واحس اني ماقدمت شي لربي ينفعني باخرتي عطوني افكاركم بقولكم وشلون اقضي يومي نتسحر وانظف المطبخ ,,اصلي الفجر وانوم حمودي واخوه واحط خشتي ونومه الى الظهر اقوم اصلي الظهر و ادخل المطبخ واسنتر فيه الى اذان المغرب طبعا فيه فواصل يعني اصلي العصر واقرى قران ( اقرى بعد كل صلاه عشان اخلص جزء كل يوم )
وفواصل اخرى ااكل الاولاد والا كالعاده حمودي يضرب اخوه:icon29: واقوم افزع وارجع اكمل <<<<<<طالت السالفه:icon30:



المهم نفطر فطور اول ونصلي يجي ابوسروال وفنيله من المسجد والفطور الثاني جاهز نكمل الفطوور واقوم اغسل المواعين:3_13_12: وانا دايخه مادري ليه بعد الفطور يجيني نوم مو طبيعي اخت زوجي اكتشفت اكتشاف عظيم تقول عشان اللبن اللي نشربه مع الفطور الأول :confused-؟؟؟؟؟!!!!!!! <<<<<احيانا ما اشرب لبن ومع كذا ادوخ (الدوخه عندي بمعنى نوم جامد)


اصلي العشا والتراويح واقرى قران واحيانا انام واحيانا لا بعدين اقوم وانظف البيت ونتسحر قبل صلاة الفجر بنص ساعه,,, وزي ماقلت اول نتسحر وانظف المطبخ واصلي وانوم البزارين وانام ...



يالله افكاركم لاتبخلون علي افيدو واستفيدو :heart:...

بنات حابه انوه ((اهم شي انوه باللغه العربيه الفصحى):10: المهم خلوني انوه <<<<صجيتينا نوهي محد مسكك


حبيت اقولكم اكثرو من تفطير الصائم والصدقه


يالله بانتظار مشاركاتكم