فتيات حُلم :

تركيا حلوة شعبها مسالم مهو لطيف مرة بس طيوب يعني كافي خيره وشره مشكلتهم مو كثير يتكلموا عربي ولا انجليزي.. يعني تحوسي في التفاهم معاهم رحنا لها قبل سنتين مم احنا رحنا مناطق في الجنوب على ما أذكر كان اسمها فتحية.. مرمريس.. ووحدة نسيت ايش كان اسمها مرمريس بحر.. ماينفع لنا ما انبسطنا فيها كثير في منتجع اسمه ثيرما مريس.. رحنا له 3 ايام.. انبسطنا مررررررررة.. فيه مسبح خاص بالنساء.. وفيه حمام طين.. كلو نساء ومحجبات اللي يروحو فيه والناس اللي فيه قليل تحسي إنهم عايلتك مرة انبسطنا هناك بس هو على قده يعني مو 5 نجوم يجي 3 نجوم.. لكن الرجال صاحب المحل مرة مبدع واتصاحبنا معاه وكان قايل لنا انه بيطوره وناوي يستقطب العرب المجبين له لأن مافي محلات زيها شعار المحل سلحفة.. ابحثي عنه والله ما عندي صور له بس كان محل استجمام واسترخاء جيد.. لكن مافيه ملاهي ولا اسواق ولا خرجات ولاشيء.. بس كدا.. جلوس على قولة بابا وكتاب فتحية رحنا لها.. ورحنا منتجع برضو هناك نسيت ايش كان اسمه لكن هو مو عرب.. وما يستقبل محجبين بسهولة بس احنا كان واحد يعرفنا هذاك مرة خطير.. ركبنا فيه جتات وكدا اشياء وألعاب عالبحر وسكي عالبحر.. مرة جميل واخواني انبسطوا وفي الليل يعملوا شو ومسرح ومسابقات وآخر الليل يحطوا فلم على البحر على شاشة كدا كبيرة مرة كان جميل برضو ايوا رحنا في مرمريس رحلة سفاري بالجيب المفتوح.. كانت خطيييييرة صح انو الأماكن اللي ودونا فيها ضحك على الدقون وأكل زي المدري ايش.. لكن كان فيها حرب رشاشات موية بين السيارات""خدوا أكل في الشنط وعبوا رشاشات موية واشتروا من برة وروحوا".. وهذا اللي بسطنا طوال الطريق مع الناس مممم ايش كمان اسطنبول مو مرة انبسطنا فيها.. كانت زحمة وحر كمان من أسوأ الأشياء في تركيا انها أكبر شعب مدخن.. تحسي فوقك سحاب دخان.. عشان كدا احنا انبسطنا في الريف أكتر لأن الجو نقي ونظيف هناك في مطعم ايمو كليك في اسطنبول.. أكله يجنن.. أظن لو سألتي أي واحد ايش أحسن مطعم يوديكي له في عندهم أماكن كتيرة تعمل لك برامج سياحية باليوم.. ممكن تسجلوا فيها أسواقهم عادية.. غير لو رحتي للأماكن المفتوحة عندهم الفضة حلو ورخيص.. وأشياء وديزاينات مرة رخيصة.. بس ممكن تصدي لو كنتي ساكنة في مناطق رطبة زي جدة ممممم هدا اللي عندي:) وسفرة ممتعة إن شاء الله وأعديلنا نساااافر في الإجازة احنا كمان

تركيا حلوة شعبها مسالم مهو لطيف مرة بس طيوب يعني كافي خيره وشره مشكلتهم مو كثير يتكلموا...

* أم حمد * :

أنا رحت لتركيا ومهما وصفت لك معاناتي أناوزوجي ماراح اعطيك الوصف الصحيح لاننا لقيناهم في قمة الكراهية للخليجيين والعرب تعبنا واحنا نداريهم مع اننا ساكنين بحجز فندق من السعودية قبل مانروح وسكنا بفنادق خمس نجوم في اسطنبول وابانت وبورصة تعبنا من المعاناة من الناس الاتراك معاملتهم ونظرتهم لنا كاننا اعداء لهم لايبتسمون ولا يتكلمون معانا واذا اتفسرنا عن سوق او عن اي شيء ينظرون لنا ويردون بكلمة او كلمتين ولا غلاء الاسعار والله انها اغلى من اوروبا اول كانت قبل ثلاث سنوات واكثر اسعارهم مناسبة اما الان كأننا في لندن حتى المواصلات غالية جدا واكبر دليل على ذلك اننا وحنا راجعين بالطيارة كانوا كلهم زعلانين اللي نصبوا عليهم واللي يقول انا مع اعيالي وزوجتي صرنا نتعشى بمطعم 400 ريال اقل شي (مشويات ومقبلات) مطعم متوسط الخدمة وليس بفندق خمس نجوم ( نصيحة لوجه الله اسئلي ناس راحوا لتركيا انتي او زوجك يعرفهم شخصيا راحو لتركيا قريب

أنا رحت لتركيا ومهما وصفت لك معاناتي أناوزوجي ماراح اعطيك الوصف الصحيح لاننا لقيناهم في قمة...