انا راح اكتب لكم برنامج بإذن الله وبعد توكلك عليه راح تشوفي الفرق واتمنى انكم تدعوا لي بالخير وبالشفاء
والله يشفي جميع مرضى المسلمين ..........
والله يابنات انا جربت هالبرنامج لي شهرين واخذته من وحده مرا ماشاء الله شعرها اتحسن .........
اول شئ راح اقولكم نوعية شعري مرا يتساقط وانا العام سويت له دفريزيه (( فرد )) الله لايوريكم الدفريزيه كمان
سويت عمليتين الاثنين مع بعض خلت شعري مررررررررا خفيف ويتساقط مرا شعري وسط مو خشن بس مو ناعم مجعد اندومي بالعربي لما يستشور يسير حلو
بس ينفش ويكش مع الحر والرطوبة الله يهديه ......
اول شئ انا بدات كورس والله يابنات احس انه بفضل من رب العالمين اتحسن عن اول يطول بس غزارة يعني مو مرا
وسويت له توحيد لون لانه كان من تحت لون وطبيعه شعري لون في اخر رمضان سويت له لون من ويلا بدون امونيا لون موف يعني
خلى لون شعري غامق بس لمعة الموف هذي صورتها
جدول عنايتي بالنسبة للشامبو استخدم شامبو بيبي جونسون للأطفال
بالنسبة للبلسم لوريال الفيف اللي لونه اصفر والله مرا حلو يابنات انصحكم فيه ......
حمام زيت فاشكول بالثوم طبعا......
وقبل لااغسل شعري لازم اسوي له زيت وهو زيت زيتون + زيت سمسم + زيت خروع + زيت نارجين وعملت فصين ثوم
ووصلتين بصل دقيتهم وخليتهم في نفس العلبة والزيوت كل زيت فنجان الشاي (( بيالة الشاي ))
واعمله يوم ايه ويوم لا ..........
بالنسبة لو عندي مناسبة اسوي خلطة مرا حلوة ملعقتين مايونيز + ملعقتين لبن زبادي + ملعقتين خل + ملعقتين عسل
واحيان اضيف ملعقتين فاشكول الثوم
بعد ماغسل شعري عندي ثلاث انواع ماستغنى عنهم ابدا قبل الاستشوار او بايامي العادي لازم احط منه وهي :
زيت فازلين + بانتين بديل الزيت + سيريوم كرستال
طبعا العيد خبصت برنامجي وكنت تقريبا يوميا استشوره دحين برجع للجدول العناية
بنات ادعولي ان ربنا يسهل اموري ويشفيني ويعافيني ويعافي كل بنات المسلمين وشبابها وكبارها وصغارها
ويفرج الهم عن المهمومين والمكروبين يارب العالمين ويرزق كل بنت وكل شاب بالزواج الصالح للدنيا والاخره ويرزقنا الذرية الصالحة يارب
اتمنى تستفيدو جميعاااااااااااا