حبيت اكتب برنامجي البسيط للعناية ببشرتي واليدين والقدمين و بما انى كسولة شوية :hahaha:
فعملت برنامج سهل وشامل للاهتمام يعني لا يسمح بالكسل لانه اصلا سهل
نبدأ على بركة الله
ماشاء الله لا قوة الا بالله
الوجه والرقبة
باختصار
يوميا لما اصحى اغسل وجهى بغسول جونسون بالرغوة لطيف وخفيف على البشرة او صابونة الببايا لكن مش دايما جونسون هو المعتمد عندى
وبعدها انشف وجهى واضع تونر من نيفيا او ماء ورد او حليب بارد
وفي تونر ممكن تعمليه بالبيت تحفة وهو خيار مبشور وتنقعيه في الحليب في التلاجة لمدة يوم
وبعدين تصفيه من الخيار وتحتفظي بالحليب بس مش اكتر من اسبوع يعني اعملى كمية قليلة ممتاز وبيشد البشرة وينعمها ويديها نضارة
يعني اى واحد من الثلاثة اللى فاتوا نستعمله
بعدها كريم النهار كمان من نيفينا فيزاج Q10
وبصراحة لا اثبت على نوع واحد من الكريم كل ما يخلص اللى عندى اجرب حاجة جديدة
وبعدها كريم للعينين من اولاى
الخطوات اللى فاتوا صباحا ومساءا اوكى يا حلوين
يبقى باختصار
غسول + تونر + كريم الصباح او المساء + كريم العينين
شفتوا سهل ازاى:pinklove2
مرة في الاسبوع
حمام بخار + سكرب + قناع للوجه ثم بعدها كريم المساء اذا كنا بالليل او كريم الصباح اذا كنا الصبح :hahaha:
السكرب المعتمد عندى للوجه والجسم واليدين والقدمين وبعد تجربة العديد من السكربس الجاهزة والطبيعية
هو
ملح + زيت زيتون + عصير ليمون وممكن تضيفي فيتامين E
وممكن بدل الملح سكر بنى
بس الملح احسن لماذا ؟؟؟؟؟؟؟؟
اقراوا النصيحة دى
ملح البحر يتخلص من السموم من الجسم
قومى بعمل معجون من ملح البحر والماء وادهنى جسمك به قبل الحمام ودعيه لمدة دقيقة على جسمك على الاقل ثم اغسليه وستشعرين بالانتعاش
لذلك انا بحب استعمله بس بضيف زيت الزيتون لانه بيخفى عيوب البشرة والليمون لانه بيفتح وينور وفيتامين E
للتغذية خلصنا
وهنا صورة المنتجات امشوا بالترتيب غسول + تونر + كريم + كريم العيون
والسكرب في العلبة وطبعا ماء الورد ممكن نحطه في بخاخ في التلاجة ونرشه على الوجه شفتوا السرعة والسهولة:love:
الاقنعة دايما بعمل اقنعة طبيعية وطبعا حسب مزاجى اذا كان رايق بعمل
ماسك الكاكاو
زيت زيتون ودقيق وكاكاو بودره بدون سكر وحليب وماء ورد من كل صنف نصف ملعقه
يوضع على البشره عشر دقائق ويشطف بماء بارد
رووووووووووووووعة
ماسك الزبادى والعسل
معلقة عسل + معلقة زبادى
لو مستعجلة ومش رايقة اوى
زيت اللوز او الزيتون مع العسل
او
ماء ورد مع نشا
وخلاص خلصنا الوجه وماننساش الرقبة معاها
يتبع..........
الجسم
بحب منتجات دوف
للشاور كل يوم شاور كريم دوف اى نوع بس لازم الكريم مش العادى لانه بينعم وريحته بتطول
وللمنطقة الحساسة فيم فريش حلو وخفيف
وبعدها مرطب
عادة بستعمل دوف body silk cream
لانه من تجربتى بينعم اكتر من اى كريم تانى جربته
لكن قلت اجرب نيفيا الجل الخاص بالسيلولايت
حلو بس دوف عجبنى اكتر
وممكن زيت جونسون البخاخ بس بستعمله اكتر للمنطقة الحساسة
وبعد الحمام والمرطب بودرة جونسون للاطفال او بودرة enchanter من yardly
ريحتها واااااااااااو
بستعملها تحت الابط والصدر وبين الفخذين بتمنع الاحتكاك وبتحسي بنعومة وانتعاش
ولازالة العرق بستعمل كريم فيبكس الاخضر كمان ريحته حلوة
ومرة في الاسبوع بعمل السكرب المكتوب فوق وفرك خفيف جدا بالليفة المغربية
عشان الملح ممكن يجرح الجسم
وخلاص كدة يا حلوين
يتبع ..........