يااا بنات آنا وحده فيني هوووووووس اهتمام بس بوقت معين إلي هو بالصيف خخخخخخخ
أحب اهتم بنفسي حيييييييييييييل بشكل خيالي وطموحي أني أروح للأستقبالات بدون كريم اساس ..
وابشركم الحمدالله تحقق هالحلم والكل منبهر من طلتي وربي يا بنات لوني صااااير خيييييييييييييييييييالي ..
أولا بقولكم عن لون بشرتي آنا مو بيضه ولا سمره لااا حنطيه وأحب درجة لوني وبعمري ما طمحت للبياض كثر التوحيد .!
أبي لون واااااااااااااااااااحد إيدي ما تفرق عن وجهي ولا وجهي يفرق عن رقبتي ولا رقبتي تفرق عن ظهري ..
عرفتوا هدفي من عناااايتي .. والأهم كنت أبي شغلاااات طبيعيه مابي اضر عمري بشي يفرحني وقت معين ويدمرني العمر كله .!
أولا .. بشرتي .!
بشرتي الحمدالله صافيه بس كنت أعاني من أثر حب الشباب ولونها مو واحد
إلي ستخدمته فازلين قبل النوم
لااا تقولوووووون يسمر ومش عارف إيش ..
كل يوم قبل لا أنام أدهن وجهي كله بالفازلين وأسكر الليت روووووووعه يابنات شويه عليه
وربي أنه مثل السحر نعومه وصفاء ونضاره ولاااا وربي يشهد علي حيييييييييل خفف الهالات حتى أمي لاحظة هالشغله .!
ولا قعدة أغسل وجهي بصابونة بيبي جونسون إلي باللوز تقريبا مثل هذي " حاولت أدور نفسها بس ما لقيت "
نصيحه بنات لااا تغسلون إلا بشغلات خفيفه عالبشره لأن صوابين العطارين يجففوووون البشره ..
وعقب ارطب وجهي بكريم أولاي ..
انصحكم يا بنات تستخدموووونه لأنه روووعه خفيف على البشره وبسرعه تمتصه ما يترك أثر دهني ..
يناسب كل انواع البشره و عجييييييييييييييييييب صج صج ..
ولازم يوميا كل يوم أدهن بشرتي لو ساعه بزيت جنين القمح أو اللوز المر ..
رووووعه رووووعه شووويه عليه يعطون نضاااره مو طبيعيه للبشره ..
ويفتحون لون البشره ويخففون من الهالات السوده مع كثرة الأستخدام ..
ومرتين بالأسبوع أسوي هالماسك لكل وجهي ينعم ويفتح البشره ..
" هرده + حليب بودره " وأخليه ثلث ساعه على وجهي وااااااي عقبه بشرتي تصير خياااااااااااااليه ..
ولو تلاحضون آنا ما أستخدمت سكراب أو سنفره لوجهي كلش ليش .؟؟
لأني مثل ما قلت لكم أبي شغلات طبيعيه وبس
فبدال السنفره أسوي سنفره طبيعيه مره بالأسبوع لوجهي وإهي " روب + كمون مطحون "
وأفرك وجهي ليما ينششف الماسك وعقب أغسله عادي يهبببببببببببل شويه عليه والله يشهد علي ..
وهذا تقريبا برنااامج بشرتي بالكاااااامل شرااااااااايكم فيه بالذمه موووو سهل ؟؟؟
ثانيا .. جسمي .!
قبل الشور بساعه أدهن جسمي من رقبتي ليما رجولي بهالخلطه الخياااااااااااليه
إلي عرفتها من أمي وخالاتي إلي من عمر وإهم يستخدمونها والكل منبهر من نعومة أجسامهم الله يحفظهم يااارب .!
" كلونيا + جلوسيد الأحمر + علبة فازلين + علبة فكس + عصير ليمونه "
وربي يشهد علي تهبببببببببببببببببل عجييييييييييييييبه تنعم وتوحد اللون بشكل خيييييييييييييييال ومن أول شهر استخدام بتنذهلين من الفرق بس أهم شي الألتزام ..!
وقت الشور أول شي أبلل جسمي بماي وبعدين أتفر بسنفرة كاب ..
بس شنو أول أكون خالطه ملح الحليب ..
مع نص سنفرة كاب انتبهوا نصها مو كلها مع فنجال من زيت الجلسرين وفنجال من زيت اللوز ..
أخلطهم عدل واتفرك فيها عدل مدل جسمي كله وبعدين أغسله جسمي عدل ..
وأجيب الخلطه الصاااابونيه المشهور وإلي الكل يعرفها مالت مزيونه وشقره الله يعطيها العافيه ..
واتفرك فيهاا عدل مدل << إهم شي عدل مدل ما سكه معاي خخخخخ
وبعدين أغسل جسمي بشور جل بودي شوب الفانيليا لأني أحب ريحته لووووووول
وانشف جسمس عدل مدل وأرش عليه همن سبري بودي شوب الفانيليا ..
وأهم شي لثبااات النعومه الترطيب الترطيب ياااا بنات أهم شي الترطيب ..
أرطب جسمي بالكريم فيتامين سي الفتااااااااااك لأن عن جد فتاااااك يرطب بعمق وبسرعه تشربه البشره ولااا يبقى له أثر ..
وهمن عندي نقطه مهمه ياا بنات للركب والأكواع السبب الرئيس بخشونتهم واسمرارهم الأهمال بالترطيب ..
ولازم ترطبون بكريم قوووووي كريم خااااص لهم لما أرطب جسمي بفيتامين سي وأخلص ..
أجيب كريم لونا المصري وأرطب ركبي وأكواعي عدل مدل ..
وهمن أرطب فيه أيديني و رجولي وألبس دلاغات لأن أحلى ما في البنت أطرافها لازم تهتمون بالأطراف .!
وبالأخير لازم المجمووووعه تكتمل ألبس ملابسي وأتش تش من عطر الفانيليا ..
وهذي طريقت عناااايتي يا بنات شغلات سهله وبسيطه وما يبلهاااا شي
وربي يشهد علي بيوم الجمعه بيت جدي الكل ينبهر من طلتي مع أن لبسي بسيط ونو ميك آب مجرد قلوس خفيف وماسكره بس العانايه لها دور أساااااااسي بالشكل .!
وعشان تكتمل عنايتي هذا رابط عنايتي بشعري ..
http://forum.hawaaworld.com/showthread.php?t=2018740
شراااايكم اتمنى تعجبكم طريقتي ولااا تنسوني من دعائكم بالشفاء العاجل .!
امين يارب العالمين