مساء الخير عالغالين00
اليوم حبيت افيدكم ببرنامج غذائي رااااااائع لاطفالكم بعد السنتين لانه مايتحمله احس الطفل قبل السنتين
اللي خلاني انزله اني جربته شهر على عيالي ولدي عمره5 سنوات وبنتي عمرها سنتين و4 شهور وربي اللي يعلم انه حتى الوانهم فتحت ووردت خدودهم وتربربو ماشاء الله فاللي حابه تجربه تدعيلي بصلاحهم وصلاح ابوهم ويعطيها الف عافيه 0
الصباح : طبعا انا اصحيهم مع ابوهم وهو مداوم الصباح يعني عالساعه 6 واعطي على طول كل واحد منهم ملعقه عسل عالريق
وبعد العسل اعطي كل واحد منهم كوب حليب
ومع الحليب اعطي كل واحد بيضه مسلوقه
وبعد ربع ساعه اخليهم يرجعو ينامو للساعه عشره الصباح 0
والساعه 10 : اول مايصحو اععطي كل واحد منهم 7 تمرات
وأ رجع اعطي كل واحد منهم كوب حليب0 واتركهم لين اذان الظهر يلعبو وينبسطو واول مايأذن الظهر اسوي لهم سلطة زبادي
اللي هي عباره عن خيار مبشور وزبادي مفروم وجزر مبشور واخلطهم بعلبه زبادي كبيره وأأكلهم 0
واتركهم لين يجي ابوهم من الدوام على1 ونص ويتغدو معنا من غدانا العادي 0
فترة مابين العصر والمغرب: اكون مجهزه لهم صحن فاكهه
اخذ مثلا برتقالتين وأأكلهم اياها كل واحد برتقاله وانا لانهم اثنين فكل واحد منهم يحاول يسبق الثاني ويساعدوني بانفسهم وبعدها بربع ساعه ابشر تفاحتين كل واحد وحده لانهم مايحبو التفاح فاذا بشرته يلاقوه اكله سهل 0 اتركهم بعدها لقبل اذان المغرب بشوي
واحط في الخلاط كوبين حليب وموزتين وميزه الخلطه هذي تزيد الطول عند الاطفال
واعطي كل واحد كوب يشربه0
بعد أذان العشاء : اقطع لهم سلطه خضراء
عباره عن طماطم وخيار وخس وبقدونس وأعطيهم 0 وبعده مباشره اكون مجهزه صحن مقطعه فيه جرجير صفار واعصر فوقه شوي بس ليمون عشان يتقبلوه0
وخلاص يتعشو معنا من عشانا العادي عالساعه 10 وقبل ماينامو عالساعه يمكن 11 اخلط لهم في الخلاط علبتين صغار لبن المراعي
واحط معها 4 حبات فراوله 
ونووووووووووووووووووووووووم العوافي وصحه على قلوبهم 0
ممنوع الكسل ياامهات واللي بتقول صعب ترى والله لاصعب ولاشي يوم يومين والله لتشوفيه سار اتوماتيك تسويه بدون ماتحسي
واللي عندها عيال ياكلو بانفسهم ياسلااااااااام ماياخذو من وقتها0
ادعووولي فهو غير منقول وانما مجهودي الشخصي ولاني احبكم وعيالكم مثل عيالي حبيت افيدكم فيه0
