برنامج كااامل للتبيييض و علاج كل مشاكل البشرة

السلام عليكم

اليوم جبت لكم شي روووعة

روووعة ...برنامج كااامل للتبيييض و علاج كل مشاكل البشرة ...رح يخلي

بشرتج صاافية و ناااعمة و مشدودددة ...


و للاشارة انا الكورس هذا تابعته فقط مدة شهر او اقل ..و امس كنت ببيت

اهلي ...و ما كنت حاطة كريم اساس ...ومرت اخوي من كثر ما هي هو

مصدقة تاخذ شيلتها و تمسح فيها وجهي تبي تتاكد اني فعلا مو حاطة كريم

اساس لان وجهي فعلا صار صافي و يلممع قولوا ماشاء الله ...يعني صدج

صدج شي مو طبيعي و نتيجة خيالية ...


الكورس اولا يبي له انتظام لتحقيق افضل النتائج ...

اولا :

الالتزام بالحمام المغربي على الاقل مرتين في الاسبوع

و طريقة الحمام المغربي انا كنت كتبتها بالتفصيل الممل في مواضيع سابقة

بس ما يخالف انعيدها مرة ثانية لعيون الحبايب ...

اولا قبل الحمام المغربي اجهز الماسك العشبي ...

طبعا الماسك ممكن اتسوين كمية و اتخلينها بعلبة جاهزة عندج

طبعا ما رح اقول لكم داد او اعشاب ما تقدرون اتوفرونها ...بس رح احاول

اسهل عليكم الخلطات الى اقصى حد ... و ترى هذا نفس الكورس الي في

رابط موضوعي تقريبا بس نفس ما قلت لكم حاولت اني احط لكم بس

الشغلات الي تقدرون انوفرونها عشان

اولا :

اتجربونه و تستمرون عليه

ثانيا :

اتصيرون كلكم بياض على بياض .....و كل وحدة تستانس و اتعقد حمولتها

هههه

ثالثا :

تدعون لي اني اولد بالسلامة و ان الله يوفقني و يصلح عيالي ...


الماسك العشبي :

هو عبارة عن ماسك فيه مجموعة من الاعشاب الي اتسوي تنظيف عميق

للبشرة بالاضافة انها اتشد الجلد و اتسكر المسامات ..و يقضي على اثار

الحبوب و حب الشباب و الزيوان و البقع ...الخ

و الماسك عشان ما اطول عليكم يتكون من :

طين ابيض تلقونه عند العطارين و ممكن تستعملون السفيداب المطحون

كبديل الكمية فنجانين تقريبا

فنجان دقيق نخي

نص فنجان حلبة مطحونة

نص فنجان ترمس مطحون ناعم

ملعقة صغيرة شبة ناعمة ( مطهرة و اتشد الجلد ....يعني حلوة حق التجاعيد الخفيفة )

نص فنجان شومر مطحون

نص فنجان شوفان مطحون

نص فنجان بابونج مطحون

فنجان حليب بودرة

نص فنجان نشا

اتخلطينهم كلللهم و حطيهم عندج بعلبة

الاستعمال :

تاخذين ملعقة متوسطة من الخلطة و اتخلطينها ببياض بيضة او عسل او

ماء ورد و تحطينها ماسك على الوجه لمدة نصف ساعة ...

طبعا لو في جهاز بخار يكون احلى ...خليها ربع ساعة تنشف بعدين استعملي جهاز البخار لمدة10 دقائق ...

انا اول شي احطها ربع ساعة بعدين ابتدي اسوي الحمام المغربي و هم بعد

استفيد من البخار عشان الخلطة

هاذي نفس ما قلت لكم حيييييييييييل حلوة

و ممكن تستعملونها بس مرتين في الاسبوع يعني اليومين الي تخصصوهم

حق الحمام المغربي ممكن اتسووون فيهم كل الخلطات ...

انا مثلا عندي كل يوم اثنين و خميس ... اسوي كل خلطاتي بالاضافة للحمام

المغربي ...و ممكن كل وحدة تختار الايام الي تناسبها بس اهم شي تستمر

تاابعوني عشان اعلمكم بالبقية

مكعبات ماء الورد ضرورية جداااا من بعد الحمام المغربي ..فاحسن اتخليهم

جاهزين عندج عشان تستعملينهم على طووول


و الطريقة انج اتصبين ماء الورد في القوالب مالت مكعبات الثلج العادية


و اتحطينهم بالفريزر


منقووووووووووووووووووول من منتدى كويتيات والعضوة العزيزه خبيرة أعشاب

ادعولي الله يرزقني الذرية