قبل كل شي اعرفي ان اي برنامج تتبعينه ماراح تبين
معك النتيجه ع طول لابد تمشين عليها اقل شي
من ثلاث اسابيع الى شهر كامل وممكن اكثر ع حسب بشرتك ...
البشرة الدهنيه والمختلطه ماتحتاج برنامج وخرابيط وكريمات كثيره لانها ممكن تزيد الحبوب ...
وتحتاج تنظيف مرتين يوميا اول ماتصحين
وقبل تنامين ..حتى لو ماتحطين مكياج كثير ...
خلصنا من النصايح نجي للبرنامج ...
طبعا اخذ مني شهر كامل لين شفت النتيجه المرضيه
تقريبا ٨٠ بالميه اختفت الحبوب ..
راح اذكر الاشياء اللي نحتاجه وعقب اشرحها ..
جهاز تتظيف البشره السليكون من فورايفر
اخذتها من موقع نون تقريبا ب٢٢ ريال بس مفعولها رووووعه ثاني حاجه غسول الطبي للبشرة الدهنيه سيتافيل
واخر حاجه مسحات لحب الشباب وممكن تستخدمين تونر او المرة المنقوعه 
واخر شي مرطب ستافيل الطبي ...اذا كانت المسحات سبتت لك جفاف في بعض المناطق تخطين منه رووعه 
وعشان مااطول بالموضوع بختصر لكم اول شي اغسلي وجهك بالمويا وبللي الجهاز وحطين عليه من الغسول كم نقطه وابدي وزعيه ع وجهك كامل بحركات دائريه لمدة دقيقه
وبعدها اشطفي وجهك ونشفيه بالطبطبه ع خفيف
وبعدها مسحي وجهك بالمسحات او التونر وانتظري عشر دقايق
وعقب حطي المرطب وخلاص وكرريها قبل النوم
وشوفي كيف تتغير بشرتك
في اشياء ابي اوضحها لاكن بيكون طويل الموضوع وممل
نزلت الموضوع لاني عارفه كثير يعانون مثلي وابي افيدهم ولا ابي غير دعواتكم لي
اي استفسار حكيه وارد عليك .....
