حبيت اطرح هالموضوع بعد ماشفت كثير من البنات يعانون منه اللي هو العين والسحر والنفس والحسد(وتراها تعتبر امراض روحيه حالها حال الامراض العضويه) وتراها تفرق عن بعض بالاعراض
بس قبل لاتبدون لازم تتوكلون على الله واعرفوا ان هذا مجرد سبب من اسباب الشفاء وليش علاجا والشافي هو الله سبحانه وتعالى
وغير كذا انا كنت اعاني من الحسد والعين
وحطيت هالبرنامج وقد رسلت هالبرنامج للبنات في المنتدى يعانون من هالاعراض
وهذا هو البرنامج اريح من الروحه للمشايخ وهالبرنامج ارسل لي اياه شيخ بالسعوديه ونعم الشيخ صراحه قرايته ممتازة
تقرين البقرة يوميا او سورة الفلق والناس ميه مرة وتنفثين في جالون مويا المويا هاذي راح تكون للشرب والاكل يعني ماتشربين مويا الامنها واذا برا البيت خذي المويا بقارورة صغيرة واشربي منها على الريق وكثري منها
وتنفثين القرايه على زيت الزيتون والعسل
وبعد ماتشربين المويا انتظري بتروحين للحمام باقل من عشر دقايق والبول وانتي بكرامه بيطلع بنفس لون المااي وبدون ريحه بعد لان هاذي معناه ان العارض بيروح منك
وبعدها بالفطور اشربي حليب مغلي مع ملعقه عسل مع شويه حبه سودا
تتسبحين يوميا او مرتين بمويا بااردة او نفس المويا اللي قريتي فيها
الجلوس في البانيو في ماء بارد مع ماء ورد وكوب خل ابيض وسدر وملح خشن وكوبين ماء رقيه وترى الخل ممتاز للعين والسحر
تحافظين على الاذكاراليوميه واللي قبل النوم زي قبل دخول الحمام واذا طلعتي من البيت واذا خفتي من عين وحدة قولي ثلاث مرات اللهم اكفني شرها بماشئت بس بدون ماتسمعك
التسبيح 33 والتحميد 33 والتكبير 34 قبل النوم
وايه الكرسي قبل النوم بس قوليها بصوت مسموع
قبل النوم تقرين الاخلاص والفلق والناس ثلاث مرات وتنفثين في ايدك ثم تمسحين جسمك كله
انا الشيخ قالي استمعي لرقيه المس والسحر لانه شك ان فيني حسد وصدق تعبت فاانتي الرقيه اللي تتعبك اسمعيها
والقران دايم شغال بالبيت لين تنامين وسورة البقرة يوميا
والصدقه لو بفلس تسوى شي وتدفع البلاء
زيت الزيتون اللي قريتي عليه تدهني فيه كل يوم وخليه بالاكل ونقط من الزيت في تجويف الانف
استعمال المسك الاسود على الجبهه والصدر واسفل السرة (العورة) من الامام والخلف
استخدام السدر بالماء المقروء يوميا مع قليلا من الملح مع شرب رشفات منه
حنا مع السدر مع الزيت المقرئ عليه وماء الرقيه وتوضع عالراس طوال اليوم او 12 ساعه او على الاقل 5 ساعات
رش زوايا البيت العلويه بالملح والماي المقرئ عليه مع النفث باول عشر من الصافات سبع مرات
استخدام خلطة الرومي
كوب سنامكي (العشرق)وكوبين رقيه يتم غليها ثم تترك 6 -8- ساعات ثم تشرب عالريق وتسبب اسهالا لانها تشيل السحر اللي بالبطن يعني اشربيه في يوم اجازة
التبخر بالحبه السودا او القسط الهندي او اي بخور مقرئ عليه
عدم الوقوف امام المراءة قدر المستطااع
البعد عن الرقص والاغاني والافلام
وضع الارجل في ماء رقيه مع ملح خشن لفترات طويله وخصوصا وقت قراءة القران
شوفي اختي وانتبهي من شي واحد بهالفترة اللي بتقرين فيها لازم تكملين القرايه لان جسمك راح يتعب اكثر واكثر وراح تصيرين عصبيه مراا وبضيق بالصدر ويجيك زي الفزعه اذا سمعتي رقيه السحر
وغير كذا كل كريماتك صابوناتك وزيوتك ارقي عليها وطريقه الرقيه الصحيحة
(((اول شي تقرين الفاتحه عشر مرات ثم الفلق والناس والاحد عشر مرات ثم تقرين ايه الكرسي عشر مراات )))
حتي بالماي والزيت والعسل ارقي هالرقيه تراها شفاء لكل الامراض من عين وسحر ونفس وحسد
انا كتبت لكم البرنامج واتمنى اللي جربته او خذته مني تدعي لي بالتوفيقوان الله يكفيني شر هالناس
وتدعي لجدي ولجميع مرضى المسلمين بالشفاء العاجل
واي سؤال او استفسار انا حاضرة
طبعا الموضوع مش منقول هذا موضوعي وانا اللي كاتبته من قبل في منتدى ثاني
