برنامج مشي والفلوس

شفت امس منزلين موضوع هنا عنه وبحثت بتأكد اذا رابط هكر
وطلع في موقع حقيقي له وهدفه تشجيع الناس على الرياضه والمشي لمحاربة السكر والسمنه والامراض
ولقيت باليوتيوب مقاطع يتكلمون عنه ونزلت تحت اقرأ التعليقات
ببساطه مافيه ناس بتكب عليك فلوس بسهوله
الشروط شبه تعجيزيه وصعبه شوفي هذا تعليق من احد الاشخاص باليوتيوب
يقول ( على كل الف خطوه = عمله وحده وعلى كل ٢٠ عمله = دولار واحد وما يمديك تسحب الفلوس للباي بال الا اذا جبت ٢٠ الف عمله يعني الف دولار )
شخصياً ما احب مثل هذي الشروط واعتبرها مضيعة وقت
ومن هنا الى ان تراكضين أيام وشهور تجمعين الالف دولار يمكن وقتها الموقع يطلع نصاب ويتقفل ويروح تعبكم خساره 😅

مدري ماصدق ان في ناس بالسذاجة دي
تصدق اي شي
طيب ماقالولك مين المهبول اللي يوزع فلوس عاللي يمشون

ومو بس كذا الناس تهب في شي ماتعرف تفاصيله
الموقع اجنبي وليس عربي
والتعامل يكون بواسطة باي بال ومو كل الناس عندها حساب فيه
هذا غير سالفة ان الحد الادنى لسحب المبلغ 1000 دولار متى بيجمعونها 😅

في ايام عزي ورخائي وبحبوحتي الماليه
كنت من اصحاب المواقع اللي توزع عملات مجانيه على الزوار وبالتحديد كانت عملة البيتكوين
وطبعاً انا فايدتي كمالكة للموقع هي ارباح الاعلانات اللي تظهر بالموقع للزوار واغلبها اعلانات عملات واستثمار وتداول بالعملات الرقميه
يعني مافي شي يقدم مجاناً
ومن هذا المشروع عرفت ناس نصابين محتالين يستخدمون مثل هذي المواقع للتكسب من وراهم ثم اذا جمعوا مبالغ وقدرها ببساطه يحذفون الموقع وتطير استثمارات الناس وفلوسهم ويسحبون على الزوار اللي اشتغلوا نشر روابط موقعهم وجابو لهم زوار
عشان كذا اقول لا تنخدعون بكل شي يوصلكم

شفته بتيك توك اكسبلور والناس كلها تتكلم عنه ماصدقت علشان كذا قلت خلوني اسأل الي بعالم حواء كبيرات ومثقفات واخذ معلومات منهم