برنامج نظرة على في قناة الجزيرة للأطفال

السلام عليكم و رحمة الله و بركاته ..


يمكن معظمكم يدري عن هالبرنامج اللي يعرض في قناة الجزيرة للأطفال و هو يناقش قضايا عامة في المجتمع و طبعا يناقشون الأطفال عن آرائهم . .

أنا ما بتكلم عن البرنامج ..

بتكلم عن موضوع البرنامج أو القضية المطروحة في هذي الحلقة .
موضوع الحلقة يتكلم عن الموضة .,. طبعا بكيفهم أنا مالي دخل هم و مواضيعهم .. لكن اللي صج عصب فيني . انهم مستظيفين تقريبا 5 أطفال ... أربع منهم لابسين و كاشخين على الموضة,, و وحدة لابسة عباة راس و منقبة ..




خلو كل طفل يتحدث عن لبسه و سألوه عن ملابس الشتا و الصيف والألوان و الخرابيط .. .. و المنقبة سألوها عن رايها بالموضة و عن ملابسها التقليدية .. هذا اللي قالته المذيعة



ليش يحطون في عقول الاطفال ان كل منقبة .. ما تمشي عالموضة و انها غيــــر ؟؟

ليش سألو كل الأطفال عن ملابسهم و المنقبة سؤالها غيـر :angry2:؟؟

مب عاجبتنهم و لا حاطينها عشان يوضحون للأطفال ان كل منقبة ما تواكب العصر ؟؟:angry2:


شي يقهر ... حسبنا الله و نعم الوكيل ..