جبل شامخ @gbl_shamkh

محررة برونزية

برنامج وجدان القلوب لعلاج وإطالة وتنعيم الشعر وحل كل مشكلاته،لا يفوتكم خطير

السلام عليكم ورحمة الله

هذي تجربة الأخت وجدان القلوب، وهي عضوة كويتيه قديمة بعالم حواء، الله يجزاها خير ويسعدها ويوفقها وين ما كانت.. نزلت الموضوع من خمس سنوات والحمد لله اني لقيت اني طابعه الجزء الأساسي من العلاج، لكن للأسف أسئلة وردود العضوات مو عندي.. بس شرحها واضح على كل.. وإذا فيه أحد عنده اللردود يا ليت يساعد وينزلها..

كانت تعاني من من تقصف وجفاف بشعرها وبطيء بالنمو بسبب كثرة الصبغات والاستشوار خابرين، لكن راحت لحرمه عطتها برنامج علاجي رااااااااااائع، وكثير اتبعوا البرنامج لما نزلته ومدحوه، وأنا اتبعت جزء من البرنامج (ممكن تتبعين جزء) وشفت منه تغيير كبييييييييييييير الحمد لله، ولأني هالفترة شعري تعبان تذكرتها وقلت ارجع لها واحطها لكم عشان الفائدة تعم :)

بسم الله نبدأ

*

*

*

قالت لي الحرمه إذا تبين شعرك يرد مثل أول : الصبر ثم الصبر ثم الصبر.. لأنه شعرك مثل النبته ،لازم نهيألها السبل علشان تطلع نبته سليمه، قلت لها إن شاء الله.. قالت لي أول شي:

أولاً:

قصي تقصين التالف من شعرك، الي تحسينه متقصف وتساوين شعرك مع بعض، وياليت تاخذين مقصك الخاص وتخلين العامله تستخدمه وتنبهينها تقول بسم الله وتذكر الرحمن قبل تبدا القص عشان يتبارك الشغل بإذن الله.. رحت وقصيت شعري.

ثانياً:

قالت شعرك جاااف وخفيف وبسرعه يتقطع ؟ قلت إيه، قالت: ابيك لمدة اسبوعين تنقعين شعرك بزيت الخروع الأصلي (وأكدت على الأصلي) يعني يوميا، قلت لها إن شاء الله (واسبوعين وأنا شعري منقع بالزيت كني هندية) بعدها قالت لي أبيك تخلطين زيت الخروع بزيت زيتون بكميات متساوية وتحطينها على شعرك باستمرار، لمدة شهر تقريباً .. ولاحظت شعري اختلف صار أقوى من الأول، استانست واااايد ولونه تحسن والضعف الي فيه بدى يتلاشى..

ووصتني برضه أسوي كذا شغله خلال فترة العلاج كللللها، وهي:

1-تدليك الرأس لمدة 10 دقائق يوميا على الاقل مره واحده
2-تمشيط الشعر من الخلف للأمام ومن الجانبين ، وذلك قبل النوم
3-حذاري تمشيط الشعر وهو مبلول لأن شعرك يكون خفيف قابل للتكسر
4-حاولي إنك تستعملين شامبو صحي ومناسب بدون بلسم طول فترة العلاج
5-كل أربعة أياك اعملي حمام زيت لشعرك عبارة عن (مايونيز + زبادي + زبدة+ زيت الذرة+ زيت الآس) بالمقادير التي تناسبك
6-دائما إذا غسلتي شعرك لا تحطين عليه أي شي خلال ساعة لأن فروة الراس بترتاح وتتنفس

هذي النقاط الي فوق اتبعيها طوال فترة البرنامج، وممكن على طووول

ثالثاً:

رحت عندها بعد شهر قالت الحين شعرك بدى يتجاوب مع الدهون بس هذا مو معناه انه صار أوكي ميه بالميه، يبيله ،بس الفترة الي راحت كان شعرك لازمه عنايه فائقة عشان يتحسن..

وأنا قلت الي هذي بدايته أكيد نهايته مسك ماشاء الله

قالت لي الحين تبدين بالوصفه هذي، وهي إنك تحطين الحنه اليمنية الأصلية (تأكدي إنها ماهي مخلوطة) + زبادي + بيض + زبدة + 3 ملاعق خل تفاح + 3 ملاعق عسل + فص واحد ثوم + ماء حار نسبياً
يتم خلط جميع الخليط جيداً ثم يترك 30 أو 45 دقيقة يرتاح، ثم يقسم الشعر وتضعين الحنا من الجذور إلى الأطراف ولفيه وغطيه واتركيه على شعرك 4-5 ساعات. قومي بهذه الوصفة كل 3 أيام.

ملااااحظة: إذا غسلت شعرك بعد الحناء بالشامبو فقومي بتنقيع شعرك بالزيت (زيت خروع + زيت زيتون + زيت جوز الهند + زيت السمسم+ زيت الثوم+ زيت الصبار)
وبعد يومين أي قبل وضع الحنا على شعرك بيوم، اعملي حمام زيت لشعرك (مايونيز+ زبادي + زبدة+ ملعقة عسل) ضعيه على شعرك لمدة ساعتين او ثلاث مع مراعاة تغطية الرأس بكيس نايلون، وفوقه فوطه معصورة من الماء الساخن.

قعدت على هذي الحال لمدة شهر، ومااخبي عليكم شعري استجاب للعلاج بصورة رهيييييييبه

وبعد شهر شافتني قالت لي حلو استمري عليه، بس بدال ماتحطينه كل 3 ايام خليه مره وحده بالاسبوع تسوين حنها، واليوم إلي بعده سوي حمام الزيت بالطريقة الي فوق.. واليوم إلي بعده نقعي شعرك بالزيت ، ثلاث أيام ورا بعض ، وباقي الأيام اعتني فيه بالتدليك .. (ومع ذلك صرت حت بالأيام ال3 الباقية أنقع شعري بالزيت بعد).. وقالت لي أرجع لها بعد شهر.

وبعد شهر جيتها بصراحه شعري كان روعه وملمسه ناااااااعم حيل وشكله صحي بالمره وطوله زايد عن المعدل قالت الحين شعرك ولله الحمد تعالج من آثار الصبغ وعدم الاهتمام والمبالاة ومن التقصف..

والحين بعطيك خلطة، عبارة عن حنا فيها أعشاب أجيبها من برا ،هذي الأعشاب تساعد على نمو شعرك وتحافظ عليه وتقوي شعرك، ومن يومها وأنا مستمره على هذي الخلطة وإلى يومكم وأنا اعتني بشعري زيوت وحمامات زيت وحنا وخلطه، ولله الحمد شعري بعد ماكان قصير منتف ومتقصف باهت خفيف معلق مايطول بالمره محروق من الصبغة، أصبح ولله الحمد نااااااااااااعم طويل طووووييييييييييييييل ولنه جميل صحي جدا جدا جدا ماشاء الله.

هذي رحلتي مع شعري والحمد لله واذا تبون نصيحه مني لا تصبغين شعرك أبد لأنك تقتلينه..

*

*

*

*

هذي رحلة الأخت وجدان القلوب الله يذكرها بما يساعدها..
مع العلم إني شخصياً جربت الحنا اليمنية الأصلية ولا ناسبت شعري، لكن استخدمت حنا المدينة وناسبني، طبعا كل وحده تستخدم إلي يناسبها

وبالنسبة للخلطة الأخيرة الي تجيبها الحرمه من برا، ماادري كيف ممكن نحصل عليه، كانوا البنات وقتها يرسلون لها رسالة على الخاص عشان ترسلهم رقم تلفون الحرمه ويوصونها، لكن ماكنت عضوة أنا وقتها ولا أعرف الرق، إذا وحده عندها لا تبخل علينا فيه.

إن شاء الله تستفيدون منها، وادعو لي بخيري الدنيا والآخره

:26:

يالله صفقوا لي :42:

يلزم عليك تسجيل الدخول أولًا لكتابة تعليق.

تسجيل دخول

*غنــوجــه* • 18 سنة

مشكوره اختي

النظام يبي له طولة بااااااااال

بس باين عليه جدا مفيد

دلة المزايين • 18 سنة

*غنــوجــه* :

مشكوره اختي النظام يبي له طولة بااااااااال بس باين عليه جدا مفيد

مشكوره اختي النظام يبي له طولة بااااااااال بس باين عليه جدا مفيد

إن شاء الله بمشي على هالنظام لأنه وااااااااايد عيبني
انزين كيف يعني تنقعين شعرج بالزيت
يعني تدهنينه وماتغسلينه؟؟؟؟؟؟

*الماسه* • 18 سنة

وش سالفة الصبر.......>>>>شدتني
هل الصبر هو نفسه (الحلتيته)؟؟؟واذا مو هو ياليت تقولين كان له اسم ثاني
ووووش فايدته للشعر؟؟

وجزيت خيرا

جبل شامخ • 18 سنة

*غنــوجــه* :

مشكوره اختي النظام يبي له طولة بااااااااال بس باين عليه جدا مفيد

مشكوره اختي النظام يبي له طولة بااااااااال بس باين عليه جدا مفيد

بس نتيجته تستاهل، بس تراه مو صعب بالمره عاد

شاكره لك مرورك :26:

جبل شامخ • 18 سنة

دلة المزايين :

إن شاء الله بمشي على هالنظام لأنه وااااااااايد عيبني انزين كيف يعني تنقعين شعرج بالزيت يعني تدهنينه وماتغسلينه؟؟؟؟؟؟

إن شاء الله بمشي على هالنظام لأنه وااااااااايد عيبني انزين كيف يعني تنقعين شعرج بالزيت يعني...

هلا بك حبيبتي،وإن شاء الله تجين تبشرينا بالنتائج، تنقعينه يعني تملينه بالزيت من الجذووور إليييييين الأطراف ويصير مليان زيت..

ممكن إذا ظروفك تسمح تتركين الزيت بشعرك ثلاثة أيام ورا بعض حلو (كانت وجدان القلوب تسوي كذا) ، أو إذا ظروفك ماتسمح تدهنين اليوم بعد الدوام وتتركينه لحد قبل النوم بالليل، أو بكرا الصباح قبل تروحين الدوام ، واذا رجعتي البيت تكررين نفس الشي وهكذا 3 أيام والرابع حمام الزيت أو الحنا.. (أنا كنت أسوي هالطريقة)

وحياك الله :)