MANAWI @manawi
عضوة نشيطة
برنامج MANAWI الخاص لكل شعر جاف ومتقصف و كشة.. مضمون ومجرب
مســــاء الخير و صـــــباح الخير على احلى بنات حواء
شخباركم ....
شمسوووووين ؟
انشاء الله تكونوا بخير
بدون مقدمات بدخل بالموضوع
طبعا كثرت الكشش بالصيف كل وحدة كشتي و آي يا شعري .. :(
لكني اليوم بعطيكم برنامج MANAWI للعناية بالشعر ..
هذا البرنامج لعنايتي بشعري و خصوصا ان شعري جاف و متقصف من كثر الاستشوار و هالخرابيط .. مع ان شعري كثيف وناعم وطويل بس تغير مع الزمن وصار جاف متقصف و باهت
اليوم طبعا بعطيكم السر
وما بخبي عليكم
وهذي الطريقة و الخطوات الي لازم تسونها للحصول على شعر طويل وكثيف وناعم .. وخالي من التقصف ولامع
وقبل ماتسوين البرنامج قصي اطراف شعرج يعني قد سنتيمتر واحد او انج واحد
ابدأي بالبرنامج بأي يوم وانا بديت بيوم الجمعة
الجمعة : بالليل مشطي شعرج بجميع الاتجاهات خلي الدم الي داخل الراسي يتغغل و تتحرك الدورة الدموية الي براس وهذا يساعد على نمو الشعر و اطالته
قبل ما تنامي حطي على شعرج زيت دابر املا الاخصر الي عليه صورت بنت عندها مراية . بعدين لفي شعرج وربطيه وحطي عليه ايشارب بس على الشعر مو على الرقبة .. يعني سوي مثل طريقة الحبشيات شلون يحطون الايشارب..يعني انتوا فاهميني
صباح يوم السبت : مشطي شعرك بجميع الاتجاهات
الظهر بعد الغداء :* اغسلي شعرج بشامبو دوف للشعر الجاف او المقصف او النوع الي يناسب شعرج من مجموعة دوف للشعر .
• حطي حمام زيت أي نوع تحبينه .. أنا استعمل حمام زيت شبش بالفراولة .
• اشطفي شعرج بالماي.
• حطي بلسم او مكيف الشعر .
• اشطفي شعرج بالماي
ضعي الفوطة وخلي شعرج يجف لمدة ساعة او نصف ساعة و خليه يتهوى زين .
بعدين حطي ماي بارد من الثلاجة على شعرج وجففي شعرج بالفوطة ومشطي شعرج و حطي سانسيلك سبعة زيوت .
مشطي شعرج وسوي تسريحة عادي يعني بس رفيعه و سويه على شكل حلزون و ولازم تلفينه .
وقبل ما تنامي بالليل تقدرين تسوين التسريحة الشعبية (( البلبول )) الي هي تقسمين شعرج نصين و كل وتعجفينه . (( وهالشي اختياري لان في ناس شعرهم يتجعد )) بس هذي التسريحة تطول الشعر
وكل يوم اول ما تقعدين من النوم بللي شعرج ماي بارد وحطي عليه سانسيلك سبعة زيوت .
اشياء لازم تسوينها :
1. كل يوم تغسلين شعرج بالماي البارد وتحطين عليه الزيت سانسيلك سبعة زيوت و لا تبللين شعرج كله بلليه جزئيا يعني خليه كأنه رطب و مو رطب .
2. اغسلي شعرج بالشامبو مرة او مرتين بالاسبوع (( للشعر الجاف يعني ))
3. بعد الشامبو لازم تسوين حمام زيت و بلسم .
4. قبل الشامبو بالليل قبل النوم لازم تحطين دابر املا الي عليه صورة الهندية الي ماسكة مراية .
5. لا تشدي على شعرج.
6. ابتعدي عن السشوار وكريمات التصفيف ولا تستعمليها بتاتاً ..فقط اعتمدي على الزيوت وخصوصا زيت ساسنسيلك وتقدرين تلمعين شعرج بزيت فازلين يعني تحطين شوي نقطة صغيرة فوق الشعر مو تخلينه يتغلعل
7. لا تمشطين شعرج واثناء الحمام .
8. اكلي الاكل الزين الي فيه بروتينات و فيتامينات كاللحوم و الاسماك و الخضروات و الفواكة و مشتقات الحليب و قللي بقدر الامكان من الدهون و الجوكليت والشبس واعتمدي في طعامك طريقة الشي والسلق وابتعدي عن القلي لان الدهون المشبعة ضارة فقط استعملي الزيوت النباتية لا الحيوانية لا تحرمين نفسج من الاكل الي تحبينه اكلي بس قللي ترا الاكثار مو زين والشي كل ما زاد عن حده ينقلب ضده .
9. احمي شعرج بلبس الايشارب بالمنزل وعارفين قصدي شلون بالايشارب طريقة وضعه مو مثل الحجاب.. غير بس على الشعر . ولا ننسى لبس الحجاب خارج المنزل الذي امرنا الله به.
10. كل يوم قبل النوم مشطي شعرج بجميع الاتجاهات
وباقي الايام تبلين شعرج بالماي البارد وبعدين زيت خصوصا قبل ما تروحين الدوام او المدرسة او الجامعة
على فكرة يا بنات خصوصا ايام الجامعة و المدرسة والعمل تكونين لابسة الشيلة او الحجاب يعني البرنامج يصلح حق هالايام بس اكثر شي يصلح حق ايام العمل
قبل ما تلبسينهم رطبي شعرج بالماي البارد وحطي زيت .. وعلى فكرة زيت سانسيلك ريحته مقبولة وحتى زين ووايد حلوة نتائجه وزيت فازلين بعد حلو وزين بس زيت فازلين تحطين شوي منه مو تعتمدين عليه وزيت فازلين تستعملينه حق التناتيش و الشعر الصغير الي جدام. :)
و زيت دابر استعمليه بالبيت بس قبل النوم تحملي تطلعين و حاطه زيت دابر .. وعشاني وعشان جمالكم استحملوا كلام ابو العيال.. :D
واذا كنتي تبين تعطرين شعرج بعد الاستحمام بخريه ببخور حلو او حطي بشعرج نقطة صغيرة من دهن العود وفركيه براحة يدج بعدين امسحي شعرج بيدج المعطرة .
وعلى فكرة الاغراض الي حق البرنامج موجودة وسهلة .. والحقوق محفوظة و الي يبي ينقل البرنامج هذا يكتب منقول وان هالبرنامج من منتدى حواء :27:
وأي استفسار او اي شي انا برسم الخدمة سواء هني او ع الخاص
واعتني بشعرج ترا شعرج دليل جمالج وتاجج
والله على ما أقوله شهيد
اختكم MANAWI :)
10
9K
يلزم عليك تسجيل الدخول أولًا لكتابة تعليق.
دعـــــاء
•
شكراً
ستاف
•
يعطيج العافيه, تدرين ذكرتيني بحركت امي واحنا صغار قبل لا نروح المدرسه تبل الشعر ماي وتحط زيت زيتون الله يخليها لنا كان شعري ولا الهنود الحيييين لا حوله ولا قوه الا بالله
شكراً كن كل يوم مزيت صعبة خاصة انو احنا في اجازه ولا اقدر اطلع وانا مزيته شعري
ما اقدر اسوي الخطوات في الليل وفي الصباح لما اغسلة احط كريم مغذي
هااا وش رايك ؟؟؟؟؟
ما اقدر اسوي الخطوات في الليل وفي الصباح لما اغسلة احط كريم مغذي
هااا وش رايك ؟؟؟؟؟
MANAWI
•
noreshamss
حطي زيت بس بشكل خفيف وبيطلع حلو وثانيا سانسيلك 7 زيوت وايد زين وريحته مقبولة
واذا تبين تستعملين الكريمات لا تفكرين الا في كريم دابر املا كريم ثاني ما بيعطيج نتيجة ..
باقي العضوات تسلمون ع الردود
حطي زيت بس بشكل خفيف وبيطلع حلو وثانيا سانسيلك 7 زيوت وايد زين وريحته مقبولة
واذا تبين تستعملين الكريمات لا تفكرين الا في كريم دابر املا كريم ثاني ما بيعطيج نتيجة ..
باقي العضوات تسلمون ع الردود
الصفحة الأخيرة