السلام عليكم ورحمه الله وبركـــــــــاته ..
دائم كنت اتابع هالقسم بالرغم انى ما اسوي ولا خلطه بس احب اشوف البنات وابتكاراتهم .. وكعادتي الدائــمه ما استمر على قسم معين .. الين جانى اتصال من اختي الموقره (( بث تجريبي )) وقالت لي على خلطه الفساتين للعضوه الغاليه (( سولوفانتي )) لان عندي زواج بالصيفيه وكنت شايله هم الفستان فصلته توب وانا من حملي الاخير ماراح الكلف من صدري .. فقررت اسويها واول مره بحياتي اتحمس لخلطه ومن كثر ما تحمست لها نشرتها للبنات معي في المسن اتمنى انهم يشرفوني في موضوعي (( لولوكاتي وبصمه مشرقــه )) << هذاني ذكرت اسمائكم في الموضوع يلا انبسطوا ههههههه :32:
الموهم مالكم بالطويله << اقول سوا براد شاهي الظاهر هذرتي ماراح تخلص :D
قلت مالي الا اني اسوي لي برنامج بسيط ما يتعب وغير مكلف بس قررت يكون داخلي وخارجي
مهما اعتنيتي بالبشره من برا وكان اكلك من جوا مو تمام ماراح تلقين النتيجه المرجوه ..
المهم بديت اول شئ انزل وزني والحمدلله باقي لي على الوزن المثالي تقريبا 5 كيلو وخلال شهرين نزلت 8 كيلو
بأشياء بسيطه اولها اللغيت الارز والخبز من اكلي بنسبه 80 %
العشاء اغلب الوقت سلطه او زبادي او حبه فاكهه
واكثر مويه عشان البشره تترطب من الداخل ..
نجي للبرنامج الخارجي لي اسبوع او اكثر على خلطه (( الاسكينول + الليمون + جلسرين سائل )) وكلها تكون بنسب متساويه
امسح فيها وجههي برقبتي وصدري ويديني واكواعي وركبي واكعاب قدمي بالقطن
وبعد المسح مباشره مساج خفيف بشكل تصاعدي من الرقبه للوجه
وهذي صوره الخلطه
وطبعا هالخلطه متى ما حسيت نفسي فاضيه خلال اليوم حطيتها واغلب الوقت اذا ناموا اولادي (( اثنين بس جننوني ))
والخلطه الثانيه كنت مقرره اسوي خلطه (( سولو )) بعدين قلت اجرب الخلطه الصابونيه الين تتوفر عندي اغراض خلطه كريم كاب
وسويت الخلطه الصابونيه وبديت فيها من امس صراحه روعه من اول استخدام ريحتها حلوه يعنى زي ريحه الصابون المغربي .. والرغوه يا سلام على الرغوه << اهم شئ عندي خخخخخخ
وان شاء الله مع الاستمرار راح اتوصل لنتيجه مرضيه ...
واخليكم مع الصور
وهذا رابط الموضوع للي تحب الاطلاع
http://forum.hawaaworld.com/showthread.php?t=1221937
واخر شئ في البرنامج سائل التبيض وطبعا غني عن التعريف للغاليه (( سولو ))
امسح فيه جسمي من بعد ما اتحمم بالخلطه الصابونيه ولي تعقيب على الخلطه بعد الصور
وهذا الرابط
http://forum.hawaaworld.com/showthread.php?t=1240849
التعقيب الا وهو زيت جنين القمح نصيحه لا تاخذون مثل اللي بالصور من وادي النحل لونه كأنه منقوع الزعفران بس الريحه شئ لا يطاق .. فأفضل لو تبحثون عن زيت جنين القمح من المعصره او اي نوع ثاني وتتأكدون من الريحه .. لاني سويت الخلطه بس اللى خربها الريحه حقت جنين القمح تهئ تهئ :06:
والا نعومه وترطيب رووووووعه لا تفوتكم ..
يتـــــبع
:unsure:
*
*
*
نـــكمل ..
واهم شئ لا تنسين حاجتييييييين :35:
الترطيب للبشره والجسم بأي نوع كريم تفضلينه وانا بالنبسه لي افضل ..
ومعكبات ماء الورد المثلج .. سواء اول ما تقومين الصبح او قبل ما تنامين مع مساج خفيف بشكل تصاعدي من الرقبه للوجه ..
خلاصه برنامجي اللي مع كثره الكلام شكله مو بسيط خخخخخخ
يوم استحمام بالخلطه الصابونيه + بعد الحمام ترطيب الجسم بسائل التبيض والنعومه
واليوم اللي بعده مسح الجسم بالاسكينول
واليوم اللى بعده حمام والخلطه الصابونيه ... الخ
..... وهكذاااا
وآخــر الاسبـــوع سوي تقشير للجسم كامل مع الوجه بأستخدام اي نوع مقشر وانا افضل هالنوعين
مقشر لوريال الاخضر
مقشر ستيفز بالمشمش
على فـــكره (( الصور اللي نزلتها صور للمقادير مو للخلطات جاهزه .. ))
تنبيــــــه مهم جداً : خلطه الاسكينول وسائل التبيض والتنعيم لازم تنحط بالثلاجه .. عشا فيها ليمون .. ولان كل ماكان الشئ بارد شد البشره ..
وان شاء الله اكون افدتكم وتكون الصور طالعه (( يا ويل اللى تقول الصور ما طلعت ههههههههه )) :22:
تهمـــني ردودكم ..:2thmup:
تنويـــه : اللحين كل وحده فيكم واذا خلصت الصيفيه والاعراس يخلص معها برنامجها لا لا لا خلي هالشئ عادتك الدائمه عشان تصيرين
(( صوره نهائيه للخـلطه الصابونيه .. موجوده في الرد 31 اقتباس لردي على الاخت ريميه ما مثلها ريميه ))
مووووووفقين
*
*
*