بعد الغـــــــــــــــــــــــــداء //
الساعه 2 تقريبا ( ملاحظه انوه لازم تكون مواعيدك ثابته للإفطار والغداء )
طبعا الغداء يكون اي شي من هالأنواع//
( قرصان مع خضار ولحمه) ووصحن سلطه وكوب عصير برتقال( ومايكون البرتقال حاامض)
أو
مصابيب ( اللي هي زي البانكيك بس تكون بر ومو منفووخه وفيها بصل اخضر وحبه سودا وشوي ملح وكمون)
وتصب عليها سمنه وعسل ( وتعالي شوفي الطعم كييييف تذذذبح ) :hahaha:
بس ركزي في غذائك على البر يعني واتركي النشويات او خففيها لأنها تسمن وماتفيد
وبعد الغداء بنص ساعه اشربي ( شاي الزنجبيل بالقرفه) طبعا يكون مر ومعروف كيف يتصلح ماء مغلي وزنجبيل وقرفه تطبخ وتصب في ترمس وحطيها على طاول بجمبك وصبيها في كاس وحطي كم حبه سكر نبات( يعني الخلاصه لا تضيفين سكر ابد لمشروبتك دائما حــــليها سكر نبات ) وعليك بالعافيه
وفوائد الزنجبيل والقرفه الكل يعرفها ( التنحيف وتنقية الدم ووتصفيه اللون وإزالة الكرررررش)
بعد كذا طبعا وجبه العشاء تكون الساعه 9 والنصف مساء ( علشان تهضمين قبل النوم )
ويكون بعد وجبة العشاء ( شاي الزعتر ) وفوائده مرررر كبيرررره للنساء ونفس طريقه شاي الزنجبيل( الزعتر ويكوون ورق مو مطحون مو زعتر الفطاير.. وتحلينه بسكر نبات وبس)
وابحثي بالنت واقرأيها كان بإمكاني اكتب فائده كل مشروب لكن راح يكبر الموضوع وحبيت انوه موضوعي يكون صغير ومرتب
اخيرا وليس آآخرا // عندي كم فائده بقولها لكم وهي
//
الكبو يستخدم بعد 25 يوم بتقولون ليش
لأني اكتشفت ان الكبو هو اللي يذوووب الخيوط واللحم لسى ماشد
والكبو عباره عن ( قشر بصل + كمون+ خوا جوا + ومره) وكلها بالعطاره
واستخدمي خلال النفاس فيتامينات لأنك مرره محتاجه الفيتامينات وهالتساقط في الشعر واللي يصيب الكثير سببه نقص الفيتامينات خلال الاربعين :35:
مثال على الفيتامينات( ميكسافيت) او اي فيتامين تحبين :27:
طبعا للخيااااطه استخدمي مرهم ميبو ( وتشطفي بملح وماء دافي بشرط ماتكون نسبه الملح زايده علشان لا تنشف لك خيووطك)
واستخدمي المره خلال نفاسك في الاشياء هذي ( تصبيها شوي منها على قهوتك كل 4 ايام عن الشمم) وتصبي منها في الفوووطه كل يومين )
وفي اخر النفاس تشطفي فيها تشد المنطقه
وبالنسبه للحلبه تسخدم اول 20 يووم فقط( حتى ماترتخي المنطقه لاتستخدميه اخر 20)
أمـــا الرشاد يستخدم اخر عشرين يوم ( حتى لا ينحبس الدم لا تستخدميه اول عشرين)
وقبل لا تروحين بيتك جففي ثمره مانجو او اكثر وواطحنيها وقبل لا تنامين انثري شوي منها على هذي المنطقه
وبالمره راح اذكرلكم الخلطه المشهوره لتسهيل الولاده وهي //
كاسين ماء يغلى مع 5 اعواد قرفه و5 حبات قرنفل وويحلى بعسل ويخلط بنص فنجال زيت السمسم
وتشرب منه عند احساسك بالطلق والله يسهل علي وعليكم
وسلامتكم ادعوا لي
اني اكون قرة عين زوجي //
ويرحم ابوي //
ويسهل ولادتي //
والسلام عليكم ورحمه الله وبركااته
الصفحة الأخيرة
ويعطيك العافية