برواز جديد بالخطوات .. وطرق مبتكرة

صحيح انسيت أقلكو اني حطيت زوايا كرتون مقوى حتى ينشد البرواز اكتر للاحتياط
220314
وقصيت القماشة أكتر من البرواز شوي عشان حنلفها

220315

220316

بالنسبة الي ما بحب اغفل اشي
انتبهوا .. ممكن البعض يفكر هذا تفصي مو مهم لكن انا بشوفو مهم
هلا لما تشدوا القماش انتبهوا يكون مشدود منيح من كل الجوانب لانو مباشرة حيبين على البرواز
والشد بكون بانا بنختار جهة وحدة بنكبسها كاملة .. وبدين بناخد الجهة الي عكسها تماما .. وبنشدها بايدينا قبل الكبس .. لاحظوا بنشدها لجهة باطن الكف .. وبتكون الطرف المتحرر من الجهة التانية ارتخى برضو بنشدو .. يعني بنشد باليدين معا بتجاهات متعاكسة .. وبنثبت محل الكبسة باصبع وبنكبس كبسة وحدة .. وزي هيك كل كبسة .. والجهتين التانيات نفس الشغلة
الشد الكويس بيعطي برواز مثل الدف لما تعزلوا بالمواد وهاي علامة انو مشدود منيح

وهلا هيك مشدود منيح
220318

هلا رح نبدا العمل ان شاء الله تعالى

أول اشي انا همي اني اعزل القماش
ايش يعني اعزلوا ؟
يعني انو لو حطيت اي لون او مي او حتى مواد حارة شوي ما تتسرب ولا يبين اثرها من الجهة التانية
وبصراحة انا دايما بعزل بالسايكوت
لكن العزل مو مشكلة .. بإمكاننا نعزل بالغراء .. هدفنا نسكر المسامات عشان يتجانس التلوين ويصير أسهل
وحتى اختصر الوقت ومدة النشفان لونت نفس الغراء بلون الاساس الي بدي اياه للوحة .. لكنو أغمق شوي من الي بدي اياه لاني بدي الوسخ يروح نهائيا من وجه اللوحة

وهاي صورة لون مخلوط بغراء
وهذا اللون اكسيد .. او صحراوي او كموني .. أضفتلو حتى أفتحو أصفر ليموني
وبعدين أضفت باقي الكمية غراء ومو راح يعطي لون لانو زي ما بتعرفوا شفاف

هي الصحراوي
220319

وبضيفلو الاصفر الليموني للتفتيح
220320

والباقي غراء
220321
وبخلطهم مع بعض بيعطي هاي الدرجة الي حتغمق بس ينشف الغراء
220323
وهلا ببلش ادهن الوجه الاول للقماش
220324

وهاي اول وجه عازل وملون بالصفر
لاحظوا لسا الوسخ الي على القماش ما تسكر ..
220325

هلا بتركو ينشف تماما ..
وبدهن وجه تاني زيو رح يسكر على الاخر
وعشان تتاكدوا انو سكرت المسامات شغلتين .. البرواز كلو بشد اكتر .. ببطل ( مرهرط هيك عنا بالبلدي بنحكي )
والشغلة التانية .. حطوا وجهكو على القماش بالضبط واليد من الجهة الاخرى وانفخوا بقووووة لازم ما تطلع ولا نسمة هوا من الجهة المقابلة .. هيك بكون سكر القماش
وهلا بنبدأ التلوين ..
انتبهوا هون للتفصيلات التلوينية المهمة

اخترت لونين : البني الغامق المحروق .. والبرتقالي المشمشي

220326

ويحبذ انو يكون اللون أصنصات يعني ثقيل مو مخفف بالماء

220327

وبجيب الاسفنجة .. وبخليها فوق اللونين المتجاوين بالضبط
هاي اسهل طريقة لتدريج الالوان .. وبتعطي نتيجة ناعمة ودقيقة وحلوة وبدون جهد

220328

وبمسح اللونين مسحة واحدة باتجاه واحد .. ولازم اللونين يكونو على طرفي الاسفنجة ويختلطوا في الوسط مع بعضهم

220329

وعشان نتاكد انو اللونين اختلطوا مع بعضهم نعيد المسح بنفس الاتجاه على اي مكان لما نشوف اللونين على المكان الي لوناه تدرجو

شوفوا صورة الاسفنجة وصورة اللوحة الي تحتو هلا هيك جاهز للتلوين
220331

وبنبدا بطرف البرواز وبنترك الزاوية
220332

وبمسك الاسفنجة بالعكس .. وبخلي اللونين الي زي بعض متقابلين

220333

وبعيد نفس الكلام من الجهة التانية

220334

وبكمل اللن البني للزاوية ..
هلا هاي الطريقة وانتو ممكن تستخدمو الوان اخرى وبمساحات اخرى وممكن تخلطوا اربع الوان وممكن اكتر .. زي ما بدكو المهم هي الطريقة بين ايديكو

220335

وهلا بترك الالوان لتنشف وبجهز كلاشيهات جاهزة
ممكن اطبعها على الكمبيوتر .. وبنسخها على كرتون مقوى حتى تدوم معي اكتر وببلش بقصها بدقة متناهية بالمشرط
وطولو روحكو في القص لانو مو كل مرة عاملين كلاشيه

هاي كلاشيه زخرفة كان جاهز عندي
220336

وممكن تختاروا اي زخرفة بدكو اياها ..
وهلا بدي ارش اللون داخل الكلشيه .. لكن قبل ما ارشو بدي اجهز الالوان
ممكن تختاروا ألوان سبري رش من المحلات .. ولكن انا ما بستخدم كتير هاي العلب لاني عندي كمبريسا وبخلط الالوان وبرشها حسب ما بدي لانها هيك اوفرلي

طبعا بدي الالوان تطلع من نفس درجات الخلفية حتى ما تضرب الوان الخلفية .. والشغلة التاية بدي اياها افتحعشان حيجي فوقيها لفظ الجلالة ولازم تكون درجة الالوان تحتها فاتحة

هلا هاي الصورة عبارة عن اللونين الي لونا فيهم الخلفية بالاضافة الى أصفر كباتشينو او افتح شوي .. عبارة عن اصفر صحراوي مع ابيض

220337

وهلا لاحظوا نشا عندي لون بني كاكاو فاتح وابقيت من درجة لون الكباتشينو الفاتح لاني بدي الون فيهم مع بعض

هاي صورة اللونين
220338
اللون الي على الشمال نتيجة الخلطة واللون الي على الشمال بواقي اللون الفاتح