برواز جديد ... واليوم التركيز على السنفرة ( الحف )

بسم الله الرحمن الرحيم
أسأل الله انو يمسيكم بانوار الهدى يارب
اليوم عمل جديد إن شاء الله تعالى
بالمناسبة انا شاد همتي هاليومين لاني معطل عطلة ما بين الفصلين :time:
اسأل الله يبارك في أوقاتنا جميعا بما فيه نفع الدنيا والآخرة

وأبدأ بالعمل مباشرة

هذه الخشبة الي قصيتها وفرزتها على الداير بماكنة الفرمايكة ... ما عليكم انتو بتجيبوها جاهزة من أي نجار شغلها سهل جدا

1


بالمناسبة ممكن تعتبروا هاي القطعة نموذج لخزانة او طاولة بدكم تجددوها ... ما بحكي عن المواد فانتو بتختاروا المواد الي بتناسبكم سواء الوان زيتية او اكريليك .. لكن انا بركز اليوم زي ما ذكرت في العنوان على السنفرة

لي اركز على السنفرة ( الحف ) بلغتنا ؟
لانو بالحف بتصير القطعة جاهزة للعمل ..
لا تستهينو بالحف
انا بعتبروا اصعب من العمل كلو ...

بدات بورقة حف رقم 180 ... هي خشنة شوي
حتى يزول اي نتوء

2


طبعا خاصة للخشب

طبعا بدكم تنتبهوا عند الحف يكون تركيز الحف على الحرف الي مفروز .. وبالذات على حرف الحرف ..

بعدين بس خلصت الوجه الاول حف رح ابدا بالوجه التاني مع ورقة حف رقم 400 .. وهي ورقة ناعمة جدا
هذا الورق بيستخدموه لحف السيارات الوجه الاول .. بسمو ورق سنفرة ماء .. لانو لما يحفوا دهان السيارات بصبوا ماء على الورقة صب عشان ينزل الدهان القديم او المعجونة او دهان الاساس

3


بس خلصت منها بدأت بورقة حف انعم رقمها 1200 .. لاحظوا كل ما يكبر الرقم بتصير ورقة الحف انعم

4


وشوفوا خلفية ورق الحف تبع السيارات - طبعا بزبط لخشب - لونو اسود والحف تبع الخشب الي هو اخشن لونها بيج
5

لاحظوا في الصورة السابقة تركيزي بالحف على حرف الفرزة ...طبعا كلها لازم يمر عليها ورق الحف

طبعا هلا بنظف بسطحها بالاسفنجة


6


طبعا لا تستغربوا من كل هالخطوات .. هاي بسيطة بالنسبة للي بيشتغلوا دهان الموبيليا .. حبيت اطلعكم عليها علشان اذا بدكم تجددوا قطعة اثاث تكون مرتبة وناعمة جدا


هلا بنيجي على الدهان الوجه الاول - لون اكريليك - طبعا لسا ما خلصنا حف ههههههههه
7


لاحظوا الصورة كويس .. انا دهنت لون اسود وجه اول اكريليك مخفف بالماء وهدفي يغطي مسامات الخشب وتبعين الموبيليا بستخدمو لهاي المرحلة السيلر المخفف بالتنر ... لكن هاي رح تغلبكم وتتعبكم رائحتها فاختصرت الخطوة بالوان اكريليك لانها بتسد المسامات

لاحظوا اني عاودت بعد ما نشف اللون حفيت مرة تانية اللون الاسود بانعم ورقة حف والسبب انو اللون نفسو ولو مخفف بالماء بيعمل خشونة ... علشان تتاكدوا انو العمل صح لازم تطلع معكم غبرة زي الطحين من الحف لو اللون اسود

ركزو بالصورة بتلاقوها ظاهرة

8

حطيت هاي الصورة كمان علشان اقلكم لو ظهر لون الخشب من الحرف مو مشكلة بالعكس لازم يظهر لانو اللون الاسود الاساس كان خفيف جدا ... بعديها بتيجي خطوة بسموها التغبيرة بتسد كل اشي

10

هيك الخشبة جاهزة ...اخيرا ... طبعا انا هيك اختصرت مراحل الحف صدقوني ... لكن نفسي تلمسوا القطعة وتشوفوا كيف نعومتها زي المرآة ناعمة جدا وهذا الي بدنا اياه



نكمل .. حطيت طبقة وسيط كراكلي من دهانات ناشونال سبق حكيتلكم انها رخيصة وجيدة ...وكبيرة الحجم
وقلت بدي اجرب احط اللون وهي لسا مو ناشفة كويس .. يعني ناشفة ربع نشفان ... بس طلعت النتيجة بالنسبة الي جديدة وحلوة تابعوا بس

12