انا حصل نفس الموقف معي في اكثر من مره وفي البدايه كنت خايفه لان هذي اول زياره لنا كان ابو زوجي جاي عندنا وصحيح كنت خايفه شوي بس كانت معي جارتي الله يحفظه ارجعت للسعوديه والله مشتاقه لها حيل خخخخخخخخخخخخ قلت قصة حياتي المهم
الحمدالله قمت بكل شي على اكمل وجه وكل شي حطيته الحمدالله مانقص شي ولا بعد كان خالي وصديقه بس ايش بديت من اسبوع واناجهز وكاتبت المينيو من شهر وحتى كمان صورة العشا ونزلته في المنتدى قسم اطباق عالم حواء ,,,,,,,,لي عوده تعبت وانا اكتب (الصراحه مالي خلق اللحين بعدين اكمل)

شكرا اختي الدمعه الحزينه

ممكن نلف ورق عنب من قبل بوقت ونرفعه بالفريزر ولما بيجو الضيوف لعنا وبدنا نروح عالسوق مثلا ما بتكوني متلبكه شو رح تطبخي بنتزليه من الفريزر وبتصفيه بالطنجره وبكون جاهز لوقتا ترجعو بتحطيه عالنار وبعدين صحه وهنا على قلب الكل

عم استنى افكاركم يا شاطرات

السلام عليكم
مابعرف اذا كنت راح فيدك بردي بس باذن اللله احاول..
احنا هالصيف زارنا عمي والنا ماشفناه حوالي 16 سنه فكتير كنا متحمسين لجيته وبما انه اجازته كانت قصيره جدا حوالي اسبوع ونص كان لازم نتحضر لها كويس كتير ..

من ناحية النوم:
على الرغم من انه ساكنين بهاوس بس اسم الله نحنا عيله تسع اشخاص مو ممكن انه نجيب سرير تاني .. فرحنا اشترينا ماتريس (فراش) من عند الول مارت من اللي بتنفخ اسمها air bed . وهي بتجيك بعلبه كتييييييييير صغيره

بس لما بتنفخيها بالمنفاخ بتصير كأنه سرير كامل وجدا مريحه ..
بتلاقيها بالول مارت في قسم التخييم والرياضات.
وفي منها اشكااااااال الوان واحجام مختلفه وشوفي هي صورة اللي اشترينا منها وكانت جدا مريحه اله


واذا كان جاييك اطفال في منها احجام صغيره واشكال حلوة للاطفال

لما تشتري الفراش هادا تأكدي انه طرف من الفراش يكون مخمل عشان لو حطيتي مفرش على الفراش يثبت ومايطيح كل شوي..وجربيها قبل ماتعطيها لضيفك يعني انفخوها وجربو نامو عليها ليله وباذن الله تكون من النوعيه اللي تريح ...
شوفي هذي كيف من فوق مخمل
http://www.inflateus.com/airbed_risingrc_queen01B.jpg

ومن كتر ما ارتاح عليها عمي قرر ياخد منها لبيته في حالة اجاه ضيف :)

من ناحية التجهيزات:
هو كان ينام في الصالة اللي بالدور اللي تحت، وخديها قاعده الضيف مو ممكن تضمني امتى بيصحى وامتى بينام عشان هيك لازم تنظمي وضعيه يرتاح فيها ويتسلى
حطي غلاية مي وجنبها صينيه فيها كوب ماي وكوب فاضي وملعقة للتحريك
وجنبها حطي اربع علب فيهم (بن تركي-نسكافي-شاهي-سكر)
وكمان حطي علبة فيها علبة بسكويتات وشوكولاتات
جهزناله التلفزيون بغرفته وحطيناه على الاخبار (قناته المفضله) مشان امتى ماحب يشغل التلفيزون تكون قناته موجوده ومايطفش
حطينا شوية كتب ومجلات عربي/انجليزي على الطاولة كمان مشان لو حب يقرأ يتسلى

البرنامج:
بما انه اقامته كانت جدا قصيره فحددنا برنامج من قبل مايجي لأهم الاماكن اللي بدنا ناخده عليها واهم الشغلات اللي بدنا نسويها معه
وحتى كنا نقسم اليوم نصين يعني الصبح نحط انه نروح مشوار مثلا لنياجرا وبالليل نحط انه بدنا نتعشى على البحيره ..الخ
وعلى فكرة حاولي انك تملي البرنامج بقدر الامكان لأنه في الواقع كتير شغلات بدها تنلغى سواء للجو او للظروف ..

تنظيف وشغل البيت :
هي راح تكون من اصعب الشغلات اللي راح تكون دايما بالسرعه. امي كانت تنظم وقتها بحيث انه تجهز الاكل تقريبا كله بعد نص الليل والصبح تصحى بكير مشان تكمل الطبخ..
اما التنظيف فتعودنا نحنا انه نستغل الفرصه اللي يكون عمي فيها مو موجود مشان ننظف البيت
مثلا لما بيصحى الصبح مشان يتحمم كنا على طول ننزل غرفته ننظفها كلها نعطرها ونبخرها ونطلع لفوق بيطلع هو من الحمام اكرمك الله وغرفته بتكون عما تلمع
ونفس الشي لما بيكون فوق مع ابوي كنا ننزل ننظف الحمام ونعطره ونغير المناشف ونحط غيرها.


المظهر الخارجي:
تأكدي انه ضيفك راح يكون فايق ورايق يعني راح يراقب كل حاجه مو بس في بيتك لا كمان في مظهرك. بما انه اقامة الضيف غالبا ماتكون دائمة حاولي بقدر الامكان لبس اقدر قدر من الملابس اللي عندك وبصراحه دواليبنا كلنا محشية لبس عالفاضي استغلي هالشي لما يجي الضيف ..
دايما غيري ملابسك طريقة تسريحتك لاتكثري ميكاب بس يعني حطي بطريقة تكون مريحه للعين
دايما تأكدي انه رائحتك طيبه تسر ضيفك (طبعا لو كان محرم لك)
مو بس شكلك انتي لا كمان اولادك كتير مهم انه يكونو دايما على نظافه تامه ورائحه عطره لأنه هالشي جدا بيسعد الضيف وبيلفت انتباهه..

الأكل:
حاولي انك تقرري بالضبط ايش راح تطبخي وشوفي ايش الاكلات اللي مو اكلها ضيفك سويها .. طبعا بالنسبة النا كون عمي جاي من النرويج كان الاكل كله عربي بحت ههههه
بس يمكن انتي تحبي تسوي شوية تغييير بالاكل لو كان ضيفك من دولة عربيه ..
كمان شوفي نوعية ضيفك هل هو من النوع اللي يتعشى او لا؟ لو كان لا فمعناها انه تسوي وجبه خفيفه عالمغرب يعني قبل بكثير من وقت النوم .. ولو كان ايه تسوي عشا قبل النوم بكم ساعه..

حاولي تكون طبختك على كفاية اليوم نفسه يعني لاتكثري كثير لأنه كل يوم راح تطبخي صنف جديد فلو كثرتي ثلاجتك راح تنادي انقذووووووني :42: وراح يزيد من الاكل وينرمى بالاخير..

الظروف الشخصيه:
كلنا في اي مكان بالعالم عندنا ظروف شخصيه مانحب نشاركها مع العالم الخرجي سواء كان هالظروف شخصيه نفسيه او ماديه..بغض النظر عن نوعيتها ضيفك ممنوع يشعر مجرد شعور بهالظروف.
حاولي انه تخفي كل هذا وتعيشو فترة حياة مريحه بعيده عن المشاكل خلال فترة تواجد ضيفك.
كمان حاولوا ناه يكون في جو عائلي بالبيت بقدر الامكان يعني عالاكل كل العائله لازم تكون موجوده بغض النظر عن ظروف وقتهم. احنا كنا تسع اشخاص وبوقت الاكل كلنا لازم يكون موجود سواء عنا جامعه ولا شغل ولا اي حاجه اهلنا فهمونا انه وقت الغدا الكل غصب لازم يكون موجود وكل شي يتأجل وحددنا موعد الاكل بحيث اغلبنا يكون مناسب اله..
وماراح تتصوري فرحة الضيف بتواجد العائله حواليه..


وداع ضيفك:
طول فترة اقامة ضيفك هو يكون يطبع فكرة عنكم لكن الوداع هذي حاجه تانيه نهائي مستحيل ينساها.
اول شي تأكدي هاليوم انه مايكون في شغل ولا طبخ ولاهم يحزنون يعني خذيه بريك..
احكي لك ايش سوينا احنا..
كانت طيارة عمي على الساعه ثمانيه بالليل وطلب مني انه احجز في مطعم على حسابه لأنه وده يعزمنا وقلت له اوكي ولا يهمك:)
بنفس اليوم طلعت الصبح وشريت كيك وكتبت عليه we love you uncle
وصلته للمطعم وقلت لهم بدي ياكم تحطوه لما بيصير وقت الحلو بعد الاكل قالو اوكي

بعدين رحت لمطبعة الصور وطبعت كللللللللللل الصور اللي تصورناها مع بعض خلال فترة اقامته يعني وين مارحنا واشتريت البوم صور مخمل اسود وفضه وحطيت كل الصور فيه وربطت الالبوم بشريطه ساتان فضي..
بعدين رحت عالمطعم مرة تانية وبديت ازين الجناح اللي حجزته (طبعا استأذنت من المطعم) ماكثرت زينه بس يعني شوية شرايط وبلونات وهيك شي.. وتأكدت انه كل حاجه تمام وبعدها اجو اهلي للمطعم وكتير انبسط عمي لما دخل وشاف الجناح مزين النا ..

اكلنا وانبسطنا بعدين صار وقت الحلو والقهوة
وجابو الكيك وعطيناه الالبوم ماتتصوري فرحته وقتها كان طاااااير من الفرحه وهو يتفرج على الصور ويقطع الكيك..بعدها اختي كانت جايبه اللابتوب حقها وكانت مسوية فلم بسيط يعني زي باور بوينت برضو عرض صورنا مع بعض كلنا مع شوية تعليقات تضحك وشغلته مع انشوده رائعه للمنشد زين بيكا عن الذكريات والحياة ووفعلا جددددددا تأثر وانبسط عليه ..

بعدها رجعنا البيت اخذنا الشنط ورحنا عالمطار شربنا فنجان قهوة بعدين ودعنا بعض وقالها عمي لأبوي بالحرف الواحد انا لفيت العالم كله لكن عمري ما انبسطت باجازة مثل ما انبسط مع عائلتك :)
وودعناه وسافر ..

-------------------------------------
اتمنى تكون تجربتنا فادتك ..
وبالنهايه ما اعتقد انه في اي سبب يخليكي متوترة او متضايقه ..انبسطي ياقلبي واحتسبي الاجر وراح تكون تجربه رائعه وباذن الله راح يكون كله في موازين اعمالك..امين

اختك..رنيم:26: :26:

ماشاء الله عنكم يا اختي رنيم شو هالاستقبال وشو هالضيافه الحلوه تمنيت كون انا الضيفه مو عمك
على كل ان شاء الله بيتكم دائما عامر بالافراح وافدتينا كتير بمشاركتك بارك الله فيك

مناحية ورق العنب فانا صراحه اخذت جاهز من البقاله العربيه يعني ماتعبت في لفه
وكل شي زينته تقريبا قبل بيومين يعني في نفس الليله فقط زينت الرز والسلطات
لي عوده