بنات ممكن تجارب اكثر لو سمحتو كلنا نبي نستفيد

ما عليش ما اتوقع احد يقدر يفيدك الان
انت الوحيده القادره على مساعدة نفسك في البدايه


انت هدفك فقط الابتعاث وماحددتي غيره
طيب وش تبين تدرسين ماستر ؟ مافكرتي بالشي هذا؟
اول شي تسوينه ابحثي عن تخصص علم النفس وش الامتداد المناسب له في البعثات
هذي صفحة تخصصات البعثه للمرحله العاشره
http://www.mohe.gov.sa/ar/studyaboard/King-Abdulla-hstages/Pages/KAS10Majors.aspx


و ترا مو الدعوه تختارين التخصص الي يعجبك وتقولين ابي هذا
لازم يكون امتداد في وجهة نظرر التعليم العالي .. يعني احتمال مايكون له علاقه بتخصصك لكن وزارة التعليم تشوفه امتداد فتقدرين تدرسينه
وممكن يكون له علاقه بتخصصك بس وزارة التعليم مايشوفونه امتداد فما يحق لك تدرسينه


انت ابحثي عن امتداد تخصصك في وزارة التعليم العالي
عندك قوقل ما يقصر ابحثي فيه وبتحصلين اكتبي مثلا
امتداد تخصص علم النفس لدراسة الماستر
اكتبي تخصصي علم نفس و ابي اكمل ماستر وش الامتداد له
اكتبي امتداد تخصص علم النفس في وزارة التعليم العالي
جربي بكذا صيغه بتحصلين ناس نفس تخصصك وكاتبه تجاربها


اذا عرفتي الامتداد المناسب لتخصصك شوفي اذا كان من التخصصات المطروحه للابتعاث او لا
اذا مو مطروح جربي اكتبي
تخصصي علم نفس وش الامتداد المناسب له في المرحله العاشره
شغلي مخك و اكتبي بالف صيغه لين تحصلين الاجابات الي تبينها عن التخصص


اذا حصلتي التخصص و خلاص
بعدها قرري البلد الي تبين الدراسه فيه وفكري فيها
البعض يبحث عن اقوى جامعه في التخصص الي يبيه و يختار على اساسه البلد
البعض يبحث عن البلد الي متوفر عنه معلومات اكثر
البعض يبحث عن البلد المتوفر فيها تخصصه
البعض يبحث عن البلد الي شروط قبول جامعاته اسهل
البعض يبحث عن اسهل جامعه في الدراسه
البعض يبحث على اساس طريقة الدراسه في الجامعه
البعض يبحث عن البلد الي ممكن يحقق شروط قبولها
والبعض يحدد بلد هو حابها ويبي يدرس فيها
البعض يبحث عن البلد الاكثر امان او اكثر عرب و اسهل معيشه وتقبل
البعض يبحث عن بلد يعرف احد فيها
انت شوفي وش الاهم عندك وعلى اساسه حددي




من ناحية اللغه ماراح تحصلي صعوبه ان شاء الله
شوفي اعداد الي راحوا مبتعثين و كلهم تمكنوا من اللغه هل تتوقعين انك ضعيفه لدرجة ماتقدرين عليها؟
اللغه الي بتدرسينها راح تعدك للحياة و للدراسه و الدليل جميع المبتعثين
درسوا اللغه و استفادوا منها بالدراسه و الحياة






دعواتك لي


وبالتوفيق

طيب ادرسي في دولة عربية مو شرط برة ليش هم شعندهم من زود؟؟


درسي في الأردن أو مصر مثلا..

الاخت ظل السحاب
الي اعرفه ان الابتعاث توقف في الدول العربيه