بروح عند اهلي

وعليكم السلام ورحمة الله وبركاته .
عسى الله يصلح مابينكم ويألف بين قلوبكم .
بصراحه حلو تروحين تزورين اهلج وتعيدين معاهم ،،،
بس لاتطلعين من بيتج زعلانه .
وماشاء الله انتي صبوره اللي قدرتي سنتين ماتزورين اهلج..!
وطبعا لج ظروفج . بس حلي المشكله وعقبها تقدرين
تروحين وانتي مطمنه ان الغلط مو منج .
وخلج متسامحه . ترى بعض الرجال يعصبون برمضان
مايتحملون الجوع و ترك التدخين والقهوه .

وعليكم السلام ورحمة الله
مو حلوه تروحي لاهلك وبينكم مشكله وبعد روحتك تزيد الفجوه بينكم اذا هو مجنون خليك العاقله واذا هو شاد انت ارخي

تصرفي عادي برسميه معاه بدون مقاطعه واذا بتنتظري اعتذاره مايعتذرو يشوفوها قلة رجوله لكن ممكن يترجم هالاعتذار بتصرفات ثانيه وانت ادرى بزوجك وبطبعه
اذا تقدري تفتحي الموضوع وتتناقشي معاه وتحليه قبل تروحي لاهلك كان بها حتى ماتصير تراكمات وماعاد تنحل بسهوله ومع ادنى كلمه او تصرف تنفجري



واحنا في شهر فضيل والدعاء مستجاب ادعي اللهم آلف بين قلوبنا واصلح ذات بيننا واهدنا سبل السلام وان الله يسخره لك ويبعد الشيطان عنكم لان الشيطان حريص انه يفتن بين الزوجين فلا تجعلو له عليكم سبيل

نصيحة لا تروحين بيت اهلك ، وتقعدين فترة طويلة ، ترى البعد يجيب الجفاء زود وماراح يحسن علاقتكم، اقتراحي لك تشوفين لك يوم مناسب لك وله تجلسون سوا جلسة مصارحة وتتفاهمون بمكان رايق برا البيت أو عادي بالبيت لو ماتقدرين تطلعين ، والأهم نومي أطفالك بدري عشان يصفى لكم الجو ، الله يسخر مابينكم ويهدي النفوس ♥️♥️

رتبي الكلام اللي بتقولين له ، وكوني هادية لما تفتحين معه الموضوع ، وخلي مكان جلستكم رايق من أنوار هادية وكذا ، والله يسخركم لبعض

سنتين من اهلك وانتو بنفس الدولة
كثير مرة
وش هالجفا
وتقولي مايجي البيت الا نادرا
اجل وين يروح ويقعد
عالعموم لاتعاندي معاه
عشان لايمنعكم من الروحة
وحاولي تلطفي الاجواء بينكم
لو كانت المشكلة اللي بينكم مو شي كبير
زي ضرب او خيانة او ادمان
لو جا سلمي عليه وقوليله رمضان كريم
واتكلمي معاه عادي
والله يهدي سركم ويحنن قلبه عليكم