المطاعم :
كل سنتر فيه مطاعم حلوه
وعندك بدبي
شارع المرقبات وشارع الرقه قعدات بره حلوه وبعد شارع السيف قعده على الخور وايد روعه وفي مطاعم بشارع جميرا جداً راقي وفيه محلات كثيره وإذا تبين الحلويات الأجنبيه بتلاقينها في سبينس بجميرا

الشارقه : شارع الوحده ، شارع الملك فيصل ، الكورنيش ( شارع بحيرة خالد )
نسيت مركز الفردان على البحيره

أبوظبي :مطاعمها روعه وكثيره

الفنادق :
حبيبتي ميزانيتك تحدد لك الفندق اللي تحبين تسكنين فيه بس أنصحك تحاولين تحجزين من الشركات السياحيه عندكم بيطلع أرخص وتضمنيين الحجز عشان زحمه وإذا ما لقيتي بدبي حجز سكني بالشارقه

اتمنى اكون افدتك وأنا حاضره لأي استفسار على الخاص

ياعمري ياام شملان وشما والله ماقصرتي تعبتك معي الله يجزاكي خير انا ودي اركب سفينه رحلة بحرية ويكون فيها مطعم وين القاها وبكم الدخول لبرج العرب وش يحتوي عليه

بالنسبه للسفينه مع رحله بحريه اعتقد بتلاقينها في مطعم البوم بدبي جربي قعدات شارع السيف وشوفي هناك ممكن تلاقين طلبك وبرج العرب الدخول فيه 200 درهم بيكون مسموح لك التنزه بالفندق اللوبي والطابق الأول وإذا قدرت تقنعينهم ممكن يأخذونك بجوله بالسياره في حديقة الفندق معظم الخدمات اللي فيه للي ساكنين بنفس الفندق بس ممكن تستمتعين بعشاء فاخر ومكلف جدا في المطعم

بالنسبه للجولات البحريه...

عندك قريه البوم السياحيه.... (( قسم المطاعم))...

الرحله للشخص الواحد 100 درهم.. ((للكبار)).. شامله وجبة العشا....

بس صدق روعه...