بروح ماليزيا وانا عليميه

عندك موقع العرب المسافرون مره حلوه راح تلقين كل الي تبين .

احس اهم شي السوق الصيني رخيص وفية ماركات مقلدة شنط وساعات
اما با النسبة للسكن افضل شي الفنادق بصراحة الخمس نجوم راقية جدا وإذا تبين على تصميم اكواخ عندك فندق شيرتون لانكاوي مصمم على شكل اكواخ على البحر وجزء منة يطل على حديقة كأنهاغابة بس انا ماحبيتة احسها معزولة وهادية ومخيفة في الليل خاصة القرود يخوفون منتشرين في الغابة

هلا اختي

اولاً حياك الله بين اخواتك ويامراحب فيك

ماليزيا حلوه وكل شي فيها حلو بس الله يعينكم على الحر

السكن في الي يجي على بالك وفنادقهم روعه وراقية

بس انا انصحك تحجزين من مكتب سياحي بيوفر لكم كل شي وارخص لكم بكثير

واذا ودك اعطيك رقم شخص في ماليزيا عنده مكتب وثقه تعاملنا معاه على آخر الرحله

لأن الاولي ماكان قد الثقة الله يسامحه

وهذا الشخص يخطط لكم سفرتكم كامله وينصحكم بلاماكن السياحيه

اما عن الاسواق هو بيخبركم عن القريبه منكم والي تصلح او ماتصلح

وانتي لما تلفين في السوق بتشوفين الي يصلح لك

عندهم الجزم والساعات والشنط رخيصه مره

ولازم تدخلين منتدى العرب المسافرون بوبة ماليزيا

وتاخذين جميع المعلومات المتوفره عندهم

وهنا رابطين ممكن ينفعونك


http://forum.hawaaworld.com/showthread.php?t=351960&highlight=%E3%C7%E1%ED%D2%ED%C7

http://forum.hawaaworld.com/search.php?searchid=668246&pp=15&page=4

اولا تروحين وتجين بالسلامة..
ثانيا اهم شي تشترينه الجزم والشباشب رائعه و رخيصة اما الشنط التقليد ما انصحك فيها لانه مخيسة وجلدها شين وغاليه مثلا الشنطة اول ما يقولك الصيني ب120 او 90 مع العلم انها بالرياض في البطحا والمرقب ب30 فما انصحك فيها نهائيا ...
افلام الدي في دي اذا كنت من هواة الافلام لان السينما هناك زحمة ...وفي نفس وقت عرض الافلام تلقينها تنباع مع الصينين يعني افلامه جديدة بس اهم شي خليه يجربها لك ..وتلاقينها بالسوق الصيني في كوالا وبيننانج...
تحف البيت والشغلات الغريبة حلوه عندهم ...
اذا تبين اكواخ + براد+طبيعه ...عندك كاميرون هاي لاند تروحين لها بالسيارة يعني اي تكسي يوديك لها من كوالا ومن بيننانج ...فيها اوتيل اسمه Smoked houseعلى شكل كوخ صغنون وقدامه تلفون عمومي قدييييييييييييييييييم بس روعه تحسين انك بالريف الانجليزي رووووعه لا يفوتكم ...وعموما ستايل الفنادق والبيوت في كاميرون هاي لاند اكواخ ....
تمنياتي لك برحله سعيدة وتروحون وتجون بالسلامه

يسلا م فيه احد رد علي وعطاني وجه
مشكورات خواتي على رفع المعنويات
شكرا اختي لهلوبهانا اول مرة اسمع بموقع المسافرون وبشوف وش عنهم
شذى السوسن مشكورة اختي على المعلومات
الله يسلمك اختي ام عزان
انا سفرتي بعد بكرا ياليت بسرعه تساعدوني الله يخليكم
ولاحجزنا غير فندق اول ماناصل بس
انا خايفه مانحصل سكن