برودة. اطراف ولدي

بائعة المسك :

شوفي انا بنتي بعمرها كذا فدايم لبسها شراب او اكثر من الملابس اللي تجي كامله قطعه وحده لها الارجل مقفله لان اطرافها باااارده ورطبه وخشمها بارد وهي ماتمشي ولا تحبي بس بارده اذا جتها حرارة تقلب رجلينها دافيه ودينها وخشمها واشك انه فيها حراره واعطيها فيفادول واوديها للدكتور ويطلع معها اللتهاب واذا بردت اطرافها ارتحت ان الحرارة راحت بس كبرت الحين وصارت ام سنتين واطرافها دافيه بس انتي عشان ترتاحين انه ولدك مادخله برد جيبي حبة البركه وحب كمون خوذي مقدار ملعقه صغيره من كل النوعين وحطيهم بالنجر ودقيهم وحطيهم بصحن معدني وصبي عليهم زيت زيتون اصلي ( رحمه ، طيبه ، الجوف) ممتازات ذولي الزيت صبي المقدار اللي يكفي جسمه كله يعني كثري الزيت ودفيه على النار شوي لا يطبخ واشخلي الزيت وادهني الولد كله من تحت اذانه الين اطراف اصابعه وحتى حطي بالسره ولبسيه ملابس ثقيله قطيفه وشراب ومهديه زين ولبسيه طاقيته وغطيه بالبطانيه وخليه ينام عشان يعرق اذا عرق طلع البرد من جسمه اهم شيء لاتسوين هالشيء الا بوقت نومته عشان ينااااام ويرتاح اذا داخله برد راح تسمعين صوت الغازات تطلع منه كثير وشربيه رضعة يانسون دافيه ممتاااااز للحلق والبطن ويطرد البرد وبعد يطهر المعده من الجراثيم اللي تسبب الاسهال والنزلات المعويه وبعد يطرد الامساك وممتاز للحلق وقت الالتهاب سوي له باليوم رضعه او رضعتين بس يكون دافي مو بارد عشان يطهر بطنه والتسنين اوووووف متعب بعض الاحيان التسنين يسبب للصغار الاخت مدري وش تسمونها انتم الطفل بسبب التسنين ماياكل ولا يشرب وينزل وزنه الاخت لها علاج هو السعوط مرتين باليوم قبل الغروب وقبل الشروق لمده ثلاث ايام مع الرقية الشرعيه مره باليوم انا بنتي يوم كان عمرها خمس شهور جاها اللتهاب بالصدر وحرارة وتعب ماتقوم من النوم طول وقتها نايمه وصدرها يخشخش وديتها للدكاتره اخذ المضاد فوق الاسبوع وحالتها هي هي ماتغيرت الطوارئ عطوها ابرة كرتزون وقالوا لازم ترقيد ولله الحمد مارقدناها عطتني اختي سعوط وقالتي المقدار وكيف استخدمه قبل اذان المغرب اعطيها مقدار ملي واحد من محلول السعوط وارقيها الرقية الشرعيه والفجر برضو اعطيها لمدة ثلاث ايام مرتين باليوم والله ولله الحمد ان بنتي تعدلت صحتها بعد يومين من السعوط والحمدلله وكل ماتعبت بنتي عطيتها سعوط اذا مافادها ماضرها بس الحين ولله الحمد والمنه كبرت والحمدلله ماتحتاجه ان شاءالله

شوفي انا بنتي بعمرها كذا فدايم لبسها شراب او اكثر من الملابس اللي تجي كامله قطعه وحده لها الارجل...