برود+جفاء+لامبالاه+عصبيه زايده.....إالخ

تردد كثير اكتب عن مشكلتي يمكن بنظر الكثير ماتكون مشكله بس بالنسبه لي مشكله وكبيره بعد

مشكلتي بدت من حملت يعني من شهرين طبعا حملي هذا ماجا الا بطلعة الروح وعلاجات وعمليات ودنيا لين الله كتب والحمدالله تيسرت الامور وفرجها ربي وحملت .. من يوم حللت وطلعت حامل الحمدالله الكل فرحان فيني فرحه لاتوصف واكي زوجي اكثرهم .. الدكتور منع منعا باتا العلاقه الزوجيه بيني وبين زوجي الخمس شهور الأولى أولا لان حملي انابيب ثانيا لان حصل معي نزيف.. ومن قبل الحمل واحنا اصلا كان لنا فتره ممتنعين عشان الدكتور قال لازم فتره ماتجيها قبل العمليه...

هنا تبدأ المشكله الي مو قادره اصارح فيها احد طبعا انا شخصيتي اختلفت تمااااااما بعد الحمل اول كنت انسانه بااارده للو يقعد يصرخ من هنا لبكره ممكن اجيب صحن كيك واقعد اكل ماعندي مشكله بس الحين سايره نااااار موب عصبيه اي شي ينرفزني اي شي بايدي اكسره اي شي قدامي احذفه:angry2: بس تعبانه ومو قادره ارفع راسي وبس اتألم وأي شي حتى لو تافهه يبكيني حتى لدرجة اني مره شفت بس منسدحه بالشارع واقعد اصييييييح احسها متألمه:icon33:

للحين هذا بس انا أما من ناحية زوجي العزيز صحيح الشهاده لله مو مقصر معي بشي اطلب الشي يجيني على طول (( موب لسواد عيوني عشان البيبي )) :icon28: المهم

لاحظت علاقتنا مع بعض سارت باااااارده بشكل مو طبيعي لدرجة احس انه ماعاد فارقه معاه ان احنا عايشين مثل الاخوان واحيانا احس انه مبسوط عليها حتى من ناحية اللبس احيانا اغصب نفسي وانا تعبانه واقوم البس واتمكيج بس عاااااادي تي تي مثل مارحتي مثل ماجيتي ولا يلاحظ شي

دخوله للبيت بعد الدوام سار بااارد كأن كان معي قبل ساعه موب زي اول يدخل متحمس ..ولما الفت نظره يقول انتي تدققين على اشياء تافهه انا ادخل تعبان .. طيب اول شلون كنت تدخل كنت بعد تعبان بس تعبرني..

وقت النوم كل واحد يعطي ظهره للثاني ويغرق بالنوم موب مثل اول حتى الحين ماتفرق متى هو ينام ومتى انا انام برضو موب مثل اول كنت احرص ان موعد نومنا يكون واحد..

احيانا احس انه موب فرحان بالحمل مع انه كان بيموت عالبيبي بس معاملته اختلفت تماما معايا يمكن انا سايره حساسه شويه بس موب لدرجة اني احس من كل هالاشياء مره واحده..

اليوم لما جا من الدوام كنت مررره تعبانه من بالليل امس وانا الله يكرمكم بس استفرغ شي موب طبيعي المهم لما جا كنت طفشااااااانه قلتله ابي اطلع وقلتها وانا اصيح لاني مرره واصله معي حبسه بالبيت مافي لامشي ولااسواق ولاجمعات ولاشي لحد اربع شهور ..
قالي اوكي اصلي العشا وادق عليكي تطلعين قلت اوكي
المهم طلعنا رحت اول شي خذيت الابر قالي وين تبغي تروحي قلت اي مكان بس مو مكان مغلق لاني مشتاقه للشارع بصراحه قال اوكي هنا قلتله انا جوالي خربان ومره متعبني ودي اروح اشوف جوالات وابيع هذا ونزود الباقي واشتري جديد.... وانقلبت علي مشكله انتي وانتي وانتي وانتي كل هذا عشان قلت ابي جوال وانا والله والله موب من النوع الطلوب ابدا ابدا بس من جد انا اروح مواعيد كثير بالمستشفى واحيانا اتوهق بسبة جوالي ..يمكن تقولون يمكن عنده التزامات بقولكم لا بس للأسف اتعود ان اهلي مغرقيني هدايا فقال خلي ابوكي يجبلك اياه انا بسدد سيارتي هذا اخر قسط واخر دفعه انا سكت قلت مو معقوله كل ماقلت شي قال قولي لاهلك وانا ابدا ابدا ماقول انه بخيل لا والله حرام ويشهد الله علي يوم القيامه انه مو مقصر معاي بس انا السبب لاني لما كنت موظفه كنت ماخليه يحط علي ولا ريال الين حسيته تعود اني اشيل نفسي والحين يوم قعدت بالبيت احس اني تعبببببت كأني اتشحت مع انه عادي انا كل هذا ماهمني الحمدالله مو ناقصني شي ولو ابي اهلي ماراحو يقصرون معي لو اطلب عيونهم بس انا ماحب كل شي اهلي اهلي اهلي انا كنت حتى وانا موظفه لو اشتري شي وسألني عنه احد اقوله اهدالي اياه زوجي وكنت رافعته السما ومن غبائي كنت اجي اقوله اني قلت لفلانه انك انت الي جايبلي الساعه او الخاتم او اي شي ويفررح مرره

نرجع لسالفة اليوم المهم بعد ماهزأني انا قفلت معي وانسدت نفسي عن الطلعه قلتله رجعني البيت قالي موب على كيفك تطلعيني وانا تعبان وبالشارع تقولين رجعني ماعاد ابغى قلتله بس خلاص انا ماعاد ابغى ابغى ارجع بيتي طبعا مارجعني وقعد يلفلف يلفلف لين دخت وانا طبعا دموعي عشر عشر وهو ولا على باله .. رجعت البيت انا فعلا حسيت اني خلاص تعبانه ونفسي قلبت وكل شي قلب معي قعد هو بالصاله وانا دخلت غرفتي وانسدحت بسريري وطبعا انواع البكا مو لانه ماشترالي الجوال لا والله ماني بزره بس من المبدأ نفسه يعني كان في طريقه احلا من كذا يرفض فيها

قعدت بغرفتي ولاطلعتله بره بالصاله من 8 الى 11 وانا لحالي جوا اللهم قمت سويتله عشا وحطيتله اياه عنده ورجعت غرفتي هو كل شوي انا ظهري للباب احس بخطواته عالارض يجي يشوف انا وش اسوي مستغرب حبستي لحالي وبس ويمشي وعالساعه 12 سمعته يقرقع عرفت انه خلاص بيدخل ينام لما دخل انا سحبت نفسي بهدوووء خذيت جوالي وطلعت برره طبعا من غير اي كلام لا مني ولامنه وبس هذا الي سار والحين هو نايم زعلان وانا قاعده زعلانه وانا من النوع الي كنت اتنازل بسررعه حتى لو هو غلطان واروح اراضيه بس الحين مااااااسكه راسي اني راح امشي الي براسي لان لو يحس واحد% من التعب الي فيني كان قدر شوي:(
مو عارفه بكره وش اسوي ماودي بعد احبس نفسي بغيت اطق بالغرفه وبنفس الوقت لاتقولون راضيه انا ماغلط عشان اراضيه هو الي طول الطريق يقول عمرك ماراح تتعدلين حتى وانتي حامل:( ليش وش سويت حتى وانا تعبانه ومعاي نزيف اغسله واكويله وااكله ورافضه تماما اني اروح اقعد ارتاح عند اهلي مع انهم زعلانين مني عشان مارحت عندهم وانا تعبانه واقول لا بقعد ببيتي عشان ياخذ راحته ... وش اسوي انا تعبانه ولا فيني خلق نقاشات وخايفه على حملي اطالع الله ثم هالبيبي يجي يونسني بوحدتي...