الله يسر امرك ويفرج همك و يسخر لك زوجك
بس انتي جربي مره تصيري على سنقه عشره
يعني البيت نظيف كل يوم
انتي كل ليلة متكشخة ومتعطره
بس الطبخ لاتطبخي إذا سألك ليش ما طبختي قولي الثلاجه فاضيه مافيها حاجه
او جربي ترسلي مسج لزوجك قبل لايرد فيها طلبات البيت الناقصة
وجربي انك تحسسيه انك تحبي اهله وامدحي امه واهله وكلمي اهله قدامه واسئليه دايم عن اخبارهم وروحي لجمعاتهم
الزواج مو كله مطاعم واسواق وطلعات وسفر لابد من التضحية الاول العطاء وبعده الاخذ
لاتقولي جربت وجربت لا
لابد تستمري ع الكلام الي قلتلك عليه اقلها 3شهور وبعدين يصير الي تبغيه
واكيد مع سهام الليل والاستغفار تتحسن احوالك
تحفة
•
ياعمري .. من الخطأ انك تعطين بلا أخذ .. الدنيا أخذ وعطاء ..
يا اختي أنت لاتقصرين في حقه عليك عشان يكون لك عين تطالبينه بحقك ..
عطيه حقه فقط وأكثر منه لا .. لا تدللينه .. إلا إذا دللك بشيء .
الدلال يفسد الرجل مثل ما يفسد الطفل ..
والفترة الاولى من حياتكم مع بعض من أهم الفترات لأن فيها يبني الزوج
فكرته عن زوجته .. دائما الإنطباع الأول أهم شيء وصعب تغييره ..
ياعمري يبي لك فترة طويييلة عشان تهدمين الفكرة الاولى وتبنين غيرها
اصبري ..الآن لك ستة أشهر بنى فكرته عنك ..
يبي لك ضعفها عشان يغير الفكرة ..
نصيحتي لا تصير حياتكم شد وتوتر كل شيء باللين والتدريج ..
هذي أحلى فترات حياتك قبل الأطفال وهمومهم ومشاكلهم .
وحقه يا اختي انك تحترمينه ..
لاترفعين صوتك عليه حتى لو هو صرخ إحتراما لنفسك ..
لأنك إذا احترمتي نفسك بيحترمك ، إذا صرخ في أمر هو على حق فيه
قولي ابشر حقك علي .. بسوي اللي يرضيك حتى بدون ما ترفع صوتك علي ..
وإذا مو على حق ..
اسكتي وخليه يصرخ بس بيني له إن هالشيء مزعلك بس بدون ما تقصرين في حقوقه
ولا تشدين معه بالكلام عن أهله أو طلعاته .. أو ليش تروح
ليش ما تطلعني .. خلصت فلوسك على اهلك وأنا ناسيني ..
لا .. شوي شوي .. بالهداوة والكلام الزين ..
وصلي له الفكرة اللي تبينها بدون عصبية أو تكشيرة أو نبرة إتهام أوهجوم
وينك فقدك يافلان .. تراي أشتاق لك وأمل لحالي عطني من وقتك ..
فلان محتاجة فلوس عطني إن ماعطيتني أنت من يعطيني ..
ابوي يقول خلاص زوجتك رجال مايخليك تحتاجين لغيره والله يخليكم لبعض ..
لا تحسسينه انك ضد أهله أو شايلة عليهم
أو تبين تتملكينه لا تدخلينه في صراع معك ..
ولو قال نطلع مع أهلي .. قولي الله يخليك لهم يله نمرهم .. وفي الطريق لهم
قولي أنا كنت مفكرة نطلع لحالنا شوي عشان يمدينا نرجع بدري يمدينا
نقعد سوى مع بعض قبل ننام لكن المرة الثانية إن شاء الله ..
خليه يحس انك كنت تبين تفاجئينه بشيء بس فكرته خربت عليه ..
ويحرص المرة الثانية تطلعون لحالكم ..
إذا جت جمعة اهله روحي وأنت مبسوطة ..
والله ترى هذي تأثر على الزوج بشكل ما تتصورين ،
إذا خايفة من المشاكل خلاص هي مرة بالإسبوع ..
خلي سوالفك في امور عامة ..
لا تتكلمين عن أي شيء يخصك انت وزوجك لا شر ولا خير ..
وحذار من الحديث في الامور الخاصة جدا بينكم ..
فيه حريم يحبون يتكلمون فيها خصوصا مع حديثات الزواج ..
لا تتجاوبين مع هالمواضيع وإذا خاضوا فيه امسكي جوالك قلبي فيه
ولو سألك أحد قولي هذا موضوع مايجوز لي الخوض فيه ..
لاترفعين صوتك .. لا تمسكين الجلسة بسوالفك ..
خليك مشاركة فقط .. ولو بجملة أو سالفة وحدة فقط .
لا تتكلمين عن أهلك ..
ولا تسألين احد أسئلة خاصة اللي يبي يقول يقول من نفسه..
حتى وين رحتوا أو جيتوا .. لاتعطين سرك لأحد منهم حتى سلفاتك
مومعناته تعادينهم أو تسيئين الظن فيهم ..
لكن تحسبا لأي مشاكل في المستقبل خليك مأمنة نفسك .
لا تتساسرين مع أحد في المجلس حتى لو أنتم كثار
لأن الناس صارت تشك بسبب ضعف الثقة بالنفس المنتشرة عند الحريم
خصوصا إذا كان بين سلفتين أمام أهل الزوج ..
أو بينك وأحد من أهل زوجك أمام سلفاتك أو إحدهن ,
أي أحد يرمي عليك كلمة مهينة أويتصرف بقلة أدب معك في الجلسة
لا تردين عليه أبد ..
قومي بهدوء ودقي على زوجك قولي أبي أمشي تعبانة ..
لو سألك في السيارة مثلا وش فيك
قولي شيء ضايقني وخلاص .. ( هالشيء لو تكرر أكثر من ثلاث مرات ..)
قولي الموقف موترني بقول لك إذا هدت نفسي ..
وفي آخر اليوم ممكن تقولين فلانة رغم إحترامي لها الله يهديها
قالت لي كذا وكذا بدون سبب ومو أول مرة ..
( لكن بهدوء وبدون تهجم وسب لها ..
ونصيحة لوجه الله بدون كذب وبهتان أو تحريض منك عليهم ..
ترى واقع مشاهد من حفر لأخيه حفرة وقع فيها . )
وقولي ما قلت لك عشان تتدخل ... ما أبي مشاكل لعل الله يهديها ..
بس حبيت أخليك في الصورة لو صارت المشاكل في يوم من الأيام أكبر من اني أتحملها
ولو قدر الله وصارت فعلا وماقدرت تتحملين .. اطلبي منه يتدخل بس مو في مواجهة مع أهله
وزعل .. خليه بس يحسسهم إن إحترامهم لك من إحترامهم له ..
ممكن يعاتبهم شيء بسيط ....
مايسمح انهم يجيبون طاريك بالسوء قدامه ..لو صار ينسحب منهم بهدوء وخلاص هم بيعرفون غلطهم .
وخليني أقول لك لو شاف نيتك صافية تجاههم من بداية الزواج وحرصك
على بره لهم وماتجيبين طاريهم إلا بالخير ..
صدقيني مايصدقهم لو كذبوا عليك ..
وحقك لو احتجتي شيء اطلبيه ولا تملين .. قولي أنا مسؤولة منك ..
ومالي غيرك يجيب لي .. وأصري لكن بدون هجوم وإتهامات ..
امدحي كرمه مع أهله والناس اللي مومسؤولين منه فماباله بك وأنت مسؤولة منه
قولي ماقصرت مع الناس ما اظنك تقصر معي وأنا مسؤولة منك .
قولي صرت استحي أطلب من ابوي كل ما قلت عطني يسألني زوجك مقصرك عليك !
ماعاد أبي أطلب اكثر لأنه بدأ يشك .
( على فكرة لا تقصرين في علاقتكم الخاصة أهم شيء ، حتى لو متزاعلين )
لكن كل ماحقق لك مطلب أو شيء تبينه أو أنت راضية ..
ارضيه أكثر خليه يحس بالفرق ..
بكذا كأنك تكافئينه ويحب يرضيك عشان ترضينه ..فهمتي .
بالنسبة لوقتك وتنظيمه ..
اشتري غسالة ملابس اتوماتيك ..
اطبخي بالليل اللي بتتغدون عليه بكرة ..
خليه بالثلاجة وسخنيه إذا رجعتي من الدوام .
ممكن تجهزين مرق الدجاج من الليل ..والظهر تكبين الرز عليه بعد التسخين
السلطة أنتم أثنين بتقطعينها في النص ساعة اللي يستوي فيها الرز ..
المرق أو الإدام سويه بالليل وممكن حق يومين تقسمينه كل جزء لحال ..
واحفظية في زبديات زجاج وغطيه زين .
أيام الإمتحانات فقط ممكن تخلين امك تسوي لك الغداء وتمرين تأخذينه
أهم شيء لايكون هالأمر متعب لامك أو يضيايقها ..
وبيني لزوجك ان امك اللي طرحت عليك هالفكرة عشان تتفرغين للمذاكرة ..
لأنك لو قلتي انك أنت اللي طلبتيها بيتوقع منك دايم تطلبينها وعلى أي شيء .
يا اختي أنت لاتقصرين في حقه عليك عشان يكون لك عين تطالبينه بحقك ..
عطيه حقه فقط وأكثر منه لا .. لا تدللينه .. إلا إذا دللك بشيء .
الدلال يفسد الرجل مثل ما يفسد الطفل ..
والفترة الاولى من حياتكم مع بعض من أهم الفترات لأن فيها يبني الزوج
فكرته عن زوجته .. دائما الإنطباع الأول أهم شيء وصعب تغييره ..
ياعمري يبي لك فترة طويييلة عشان تهدمين الفكرة الاولى وتبنين غيرها
اصبري ..الآن لك ستة أشهر بنى فكرته عنك ..
يبي لك ضعفها عشان يغير الفكرة ..
نصيحتي لا تصير حياتكم شد وتوتر كل شيء باللين والتدريج ..
هذي أحلى فترات حياتك قبل الأطفال وهمومهم ومشاكلهم .
وحقه يا اختي انك تحترمينه ..
لاترفعين صوتك عليه حتى لو هو صرخ إحتراما لنفسك ..
لأنك إذا احترمتي نفسك بيحترمك ، إذا صرخ في أمر هو على حق فيه
قولي ابشر حقك علي .. بسوي اللي يرضيك حتى بدون ما ترفع صوتك علي ..
وإذا مو على حق ..
اسكتي وخليه يصرخ بس بيني له إن هالشيء مزعلك بس بدون ما تقصرين في حقوقه
ولا تشدين معه بالكلام عن أهله أو طلعاته .. أو ليش تروح
ليش ما تطلعني .. خلصت فلوسك على اهلك وأنا ناسيني ..
لا .. شوي شوي .. بالهداوة والكلام الزين ..
وصلي له الفكرة اللي تبينها بدون عصبية أو تكشيرة أو نبرة إتهام أوهجوم
وينك فقدك يافلان .. تراي أشتاق لك وأمل لحالي عطني من وقتك ..
فلان محتاجة فلوس عطني إن ماعطيتني أنت من يعطيني ..
ابوي يقول خلاص زوجتك رجال مايخليك تحتاجين لغيره والله يخليكم لبعض ..
لا تحسسينه انك ضد أهله أو شايلة عليهم
أو تبين تتملكينه لا تدخلينه في صراع معك ..
ولو قال نطلع مع أهلي .. قولي الله يخليك لهم يله نمرهم .. وفي الطريق لهم
قولي أنا كنت مفكرة نطلع لحالنا شوي عشان يمدينا نرجع بدري يمدينا
نقعد سوى مع بعض قبل ننام لكن المرة الثانية إن شاء الله ..
خليه يحس انك كنت تبين تفاجئينه بشيء بس فكرته خربت عليه ..
ويحرص المرة الثانية تطلعون لحالكم ..
إذا جت جمعة اهله روحي وأنت مبسوطة ..
والله ترى هذي تأثر على الزوج بشكل ما تتصورين ،
إذا خايفة من المشاكل خلاص هي مرة بالإسبوع ..
خلي سوالفك في امور عامة ..
لا تتكلمين عن أي شيء يخصك انت وزوجك لا شر ولا خير ..
وحذار من الحديث في الامور الخاصة جدا بينكم ..
فيه حريم يحبون يتكلمون فيها خصوصا مع حديثات الزواج ..
لا تتجاوبين مع هالمواضيع وإذا خاضوا فيه امسكي جوالك قلبي فيه
ولو سألك أحد قولي هذا موضوع مايجوز لي الخوض فيه ..
لاترفعين صوتك .. لا تمسكين الجلسة بسوالفك ..
خليك مشاركة فقط .. ولو بجملة أو سالفة وحدة فقط .
لا تتكلمين عن أهلك ..
ولا تسألين احد أسئلة خاصة اللي يبي يقول يقول من نفسه..
حتى وين رحتوا أو جيتوا .. لاتعطين سرك لأحد منهم حتى سلفاتك
مومعناته تعادينهم أو تسيئين الظن فيهم ..
لكن تحسبا لأي مشاكل في المستقبل خليك مأمنة نفسك .
لا تتساسرين مع أحد في المجلس حتى لو أنتم كثار
لأن الناس صارت تشك بسبب ضعف الثقة بالنفس المنتشرة عند الحريم
خصوصا إذا كان بين سلفتين أمام أهل الزوج ..
أو بينك وأحد من أهل زوجك أمام سلفاتك أو إحدهن ,
أي أحد يرمي عليك كلمة مهينة أويتصرف بقلة أدب معك في الجلسة
لا تردين عليه أبد ..
قومي بهدوء ودقي على زوجك قولي أبي أمشي تعبانة ..
لو سألك في السيارة مثلا وش فيك
قولي شيء ضايقني وخلاص .. ( هالشيء لو تكرر أكثر من ثلاث مرات ..)
قولي الموقف موترني بقول لك إذا هدت نفسي ..
وفي آخر اليوم ممكن تقولين فلانة رغم إحترامي لها الله يهديها
قالت لي كذا وكذا بدون سبب ومو أول مرة ..
( لكن بهدوء وبدون تهجم وسب لها ..
ونصيحة لوجه الله بدون كذب وبهتان أو تحريض منك عليهم ..
ترى واقع مشاهد من حفر لأخيه حفرة وقع فيها . )
وقولي ما قلت لك عشان تتدخل ... ما أبي مشاكل لعل الله يهديها ..
بس حبيت أخليك في الصورة لو صارت المشاكل في يوم من الأيام أكبر من اني أتحملها
ولو قدر الله وصارت فعلا وماقدرت تتحملين .. اطلبي منه يتدخل بس مو في مواجهة مع أهله
وزعل .. خليه بس يحسسهم إن إحترامهم لك من إحترامهم له ..
ممكن يعاتبهم شيء بسيط ....
مايسمح انهم يجيبون طاريك بالسوء قدامه ..لو صار ينسحب منهم بهدوء وخلاص هم بيعرفون غلطهم .
وخليني أقول لك لو شاف نيتك صافية تجاههم من بداية الزواج وحرصك
على بره لهم وماتجيبين طاريهم إلا بالخير ..
صدقيني مايصدقهم لو كذبوا عليك ..
وحقك لو احتجتي شيء اطلبيه ولا تملين .. قولي أنا مسؤولة منك ..
ومالي غيرك يجيب لي .. وأصري لكن بدون هجوم وإتهامات ..
امدحي كرمه مع أهله والناس اللي مومسؤولين منه فماباله بك وأنت مسؤولة منه
قولي ماقصرت مع الناس ما اظنك تقصر معي وأنا مسؤولة منك .
قولي صرت استحي أطلب من ابوي كل ما قلت عطني يسألني زوجك مقصرك عليك !
ماعاد أبي أطلب اكثر لأنه بدأ يشك .
( على فكرة لا تقصرين في علاقتكم الخاصة أهم شيء ، حتى لو متزاعلين )
لكن كل ماحقق لك مطلب أو شيء تبينه أو أنت راضية ..
ارضيه أكثر خليه يحس بالفرق ..
بكذا كأنك تكافئينه ويحب يرضيك عشان ترضينه ..فهمتي .
بالنسبة لوقتك وتنظيمه ..
اشتري غسالة ملابس اتوماتيك ..
اطبخي بالليل اللي بتتغدون عليه بكرة ..
خليه بالثلاجة وسخنيه إذا رجعتي من الدوام .
ممكن تجهزين مرق الدجاج من الليل ..والظهر تكبين الرز عليه بعد التسخين
السلطة أنتم أثنين بتقطعينها في النص ساعة اللي يستوي فيها الرز ..
المرق أو الإدام سويه بالليل وممكن حق يومين تقسمينه كل جزء لحال ..
واحفظية في زبديات زجاج وغطيه زين .
أيام الإمتحانات فقط ممكن تخلين امك تسوي لك الغداء وتمرين تأخذينه
أهم شيء لايكون هالأمر متعب لامك أو يضيايقها ..
وبيني لزوجك ان امك اللي طرحت عليك هالفكرة عشان تتفرغين للمذاكرة ..
لأنك لو قلتي انك أنت اللي طلبتيها بيتوقع منك دايم تطلبينها وعلى أي شيء .
اختي النفقة من واجبات الزوج حتى لو كنتي غنيه وهذا شرع وحق من حقوقك ولك ان تقاضيه ....طبعا انا اقول هذا حتى تعلمي انا من حقوق الزوجه النفقه واي تخاذل من الزوج محاسب عليه عند ربه وكل راعي مسؤل عن رعيته...وتهاون زوجك بسببك لانك رضيتي ماينفق عليك ويمكن زوجك مايعرف حقوقك عليه .....لان زوجي كان مايعطين وفجاه اعطان مصروف بسيط جدا وحسيت ان احد مذكره ...,وشوي شوي تعلم يجيب للبيت مقاضي وانا اساعده وماحسسه انه ما يعرف لانه ماتعلم ع المسؤليه ...ولايجب انك تهملي بيتك وزوجك بالعكس اذا اهملتيه هرب لغيرك... اجلسي معه وتفاهموا واذ مايتفاهم اصبر اذا نزل الراتب قولي ابي اغراض واشتري للبيت قبل مايطير واطلبي بدلع وتوك في بداية الطريق.....والله ولي التوفيق
الصفحة الأخيرة
انا متزوجه 7 سنين غيرت كثير وباقي شغاله
١-اهله حسسيه انهم اهلك قولي له والله اشتقت لامك وروحي لها انا احب ام زوجي كنها امي
٢- اطلبي عادي وبدون تردد قولي ماعليك امر جيب لنا الشي الفلاني
٣- اقنعي نفسك ان لك حق عليه ٤- لاتناقشين معه ابد ابد عن علاقته باهله ولا اصحابه لين تتمكنين صح
واي سؤال انا جاهزه
دعواتك