برود خواتي مدري الى وين بوصلنا !

السلام عليكم


بدخل بالموضوع يابناات


احنا 5 بنات في البيت ماشاء الله لا اله الا الله

4 فوق العشرين الصغيره بالثانوي خواتي الحمدلله والشكر هااااااااااااديات وحبوبات مررره

وطيبوباااات لاخر درجه وحده منهم موظفه لو اطلب منها اي شي تديني وكثييير تساعدني مادياً الله يديها العافيه

وهن اخلاق وذوق ودين مو عشانهن خواتي لا وربي بس الشاهد الله انهن حالهن حال نفسهن وطيبات مع الناس





بتسالوني وين المشكله ؟؟؟




شغل البيت :angry:


احنا ما عندنا شغاله جبناها فتررره وجلست شهر بسسس وقامت تشكى وكذا

احاول في امي نجيب شغاله مو راضيييه وجلست احن على راسسسها الين قالت ابوك ما تصلح عنده الشغاله

وفعلا يابنات ابوووي من الرجال للي عينه طويله وكذا الصراحه تنقال وامي صادقه وخلاص هونا عن الشغاله مانبي:09:




المشكله الحيييييين والله ما حد يشتغل في البيت الا انا وامي

وربي شاهد ان خواتي ما يلمسن حاجه ولا يغسسلن موآعين

وكل الشغل علي انااااا وامي

وانا الحييين مسافره لفتره كم شهر لظروف خاصه وشايله هم امي والبيييييت

وحاله خواتي في البرود اللي مو طبيعي اللي عايشات فيه وامي ما تقول ولا كلمه

وتشيل وراهن من المواعين في البيت ولا تقول لاااااا !


اصلن امي ترا ما تربينا على شغل البيت يعني من وانا صغيره بس خليك بدراستك وانا شغل البيت علي وانا امك

لكن الحين كبرت وتخرجت وربي لو ما دخلت المطبخ ما تناديني امي تقول تعالي :44: !!!!


عندكم مثال على برود خواتي :

اختي اليوم الصبح حطت الفطور والقهوه < وماشاء الله كل يوم تفطر
وقامت تلبس وتتمكيج وجيتها وهي تلبس اكسسوارتها قلت لا تنسين تشيلن مواعين فطورك
قالت ما عندي وقت .. انااااااااهنا ما تحملت عصبت وتكلمت وقلت لها البنات شايلين اهاليهم
وانتي كارفه امك بالمواعين وامي ساكته ما قالت ولا كلمه
تخيلوا يابنات امي ما تكلمها تحط فطور وتاكل وقهوه وحلا وتقهوى وتطلع من الغرفه
قولووووا لي يابنات الحق مع مييييييييييين:44:

اجل لو تدرون في رمضان والله والله يصحن قبل المغرب ب 5 دقايق
وطول رمضان انا وامي بس بالمطبخ بسسسس
وحده من خواتي السنه ذي انخطبت قلت شكل رمضان تحمسس تتعلم طبخ
والله والله انها تفطر في رمضان بعد التروايح وعلى البي بي اخررر رواق ونفسيتها حلوه عااادي

ارجع واعيد واقول هن طيبات لاخر درجه وكل وحده حالها حال نفسها
يعني تغسسل ملابس دوامها وتتمكيج وتتلبس وتشتري لنفسها وكذا

لكن اللي يقهر ما يغسلن فنجال واحد علما اننا عاااااايله كبيره وشغل ما ينتهي بالمره عددنا حول 10 اشخاص

وربي اوقات احط الجلسوليد على يدي خلاص خلصت غسسيل الا داخله المطبخ مواعين ثانيه


ايوااا والمشكله امي احس انه عاجبها انهن هاديات وحالهن حال نفسهن عادي عندها

وانا تشوفني عصبيه لاني اتكلم واصارخ لا شفت بنت بعز الشباب امها تغسل فناجيل قهوتها

وربي يرتفع ضغطي متتتحمل الموقف اااااااااااااااه محد فاهمني الا يقولون عصبيه


كل المشكله اني الحين لا سافرت بتكرف امي كرررف مو طبيعي وياعمري ما تتكلم

ولا هي من النوع اللي يتامر ابدددددددن انا اخذ كل شي من يدها


ياروحي الحين اذا سافرت من بيساعدك يارب تعينها وتخليها لنا وتديها العافيه

وتهدي خواتي يااااااارب :44:


مدري وش السواه :icon33: