برود زوجي مجنني دلوني شسوي

السلام عليكم ورحمة الله وبركاته

عزيزاتي أخواتي راح ادخل في مشكلتي على طول بدون مقدمات واتمنى منكم النصح وانكم تنبهوني وترشدوني لطريق الصواب

عزيزاتي أنا متزوجة من أربع سنوات عمري 26 وزوجي أكبر مني بسنتين ...

أعاني من زوجي وبروده في جميع النواحي وسأضرب لكم أمثلة كثيرة في ذلك

1- من ناحية ( العلاقة الحميمة ) عذرا لجرئتي ولكن تخيلو انا ما حملت الا بعد سنتين والناس كلتني صحيح اني كنت اعاني من تكيس ومشاكل ولكن كنت اتعالج وكانت الدكتورة توصف لي انو مثلا لازم يصير جماع في هذا اليوم يقوم الاخ ينام ويقول لي نسيت والدكتورة تكلم قدامه واكون مهيئة له الجو بس هو ولا كأنه يسمعني او يشوفني
لحد ما من الله علي وحملت وولدت والان رجعنا لنفس المشكلة تخيلو في الشهر يقبني بس مرتين او ثلاث والله تعبت يا ناس ابغى اعف نفسي والمغريت كثيرة والله اني اخاف من ربي شسوي بعمري تخيلو صرت اصوم والله

2- في الناحية ( العاطفية ) عمره ما قالي البسي لي او تزيني لي او احب هاللون عليكي عمره والله العظيم اني ما كذبت بشيئ عمره ما مدحني مع اني معروفة بين النس بكشختي وشخصيتي واسلوبي بس لا لبست شي اقوله حلو يقول اي حلو وبس يسكت ...

هداياه قليله بخيل في صرفه علي فيه انانية لدرجة كبيرة وهو يعترف بهالشيئ تخيلو اذا طلعنا يسكت طوال المشوار نروح لمطعم مثلا ولا كلمة ولا حرف يقوله واذا تكلم قال الاكل حلو وبس ما يعلق لا على لبسي ولا شكلي ولا شي مليت طفشت من هالعيشه ابي انسان يحس فيني

اليوم كنا متناقشين في موضوع وتخيلو قلت له قبل لا ينام يتخليني انام بدون ما تعتذر مني قال لي خلاص لا تزعلين وانا اسف ولف وجهه ونام

ياناس تعبت والله ما اعرف كيف اتصرف وغير كذا مقصر في بيته وولده لازم اذكره انه يودي ثيابه للمغسله اذكره انه يغسل سيارته اذكره انه يكام امه وابوه ويسأل عنهم اذكره بكل شي كأني عايشه مع طفل والقنه تلقين لكل شي تخيلو اقوله قولي احبك يقول احبك ببغاء حشى

والله العظيم اني تعبت تفسيا جاني اكتئاب وصدداع نصفي وحالتي النفسيه ما يعلم بها الا ربي بسبته والله هلكت وتعبت شسوي دلوني ارشدوني قبل لا انجن

كلمت اخته ونصحته وكلمت اخوه << وادري هالشيئ كبير بس غصب عني
ونصحه اخوه ويتعدل يومين وبعدها ترجع ريما لعادتها القديمة وانا كلمته بالطيب بالمسجات بالرسايل بالايميلات بالجو الرومانسي بالعتب بالزعل بالمهاوش والصراخ والله جميع الاساليب

الحين شسوي دلوني على اسلوب استخدمه هل اسحب عليه واحسسه انه نكره في حياتي واه ماله قيمه يعني البي طلباته على الصامت وما ابي ادخل اهلي في الموضوع