حبيبتي انتي تعرفي ماهي مشكلتك بالضبط يعني مثلا سحر او عين او الامر لسة غامض ومازلتي ترقي ؟
يعني مثلا لو الامر فيه سحر تركزي برقية السحر وتشربي ماء مقري
الزيت حاولي تقرئي عليه الرقية العامة والشفاء والسكينة وعلى حسب الحالة
التحصين مهم جدا الاذكار لا تهمليها وكوني على وضوء
تحصين البيت بان مايكون فيه نواقض زي الصور والتماثيل وتشغيل أغاني
أيضا تجيبي ماء مقري وملح خشن وترشي اركان البيت وعتبة الباب وتسمي قبل الرش وتكوني محصنة والأفضل بالنهار بعد اذكار المساء
بالنسبة للغرف ادخلي وقت عدم وجودهم حتى لو بالظهر يعني استغلي الفرصة
وقبل كل شيء وكلي امرك لله واحتسبي الاجر وثم انوي الشفاء دائما
حاولي تنظفي البطن كل فترة لان توجد اخلاط رديئة خصوصا لو كان الامر سحر
ان شاء الله ماكون نسيت شيء

لا ماعرف بالضبط شنو فيني ..
ومابي اترك للشيطان مجال يوسوس لي اتوهم انه مس مثلا وانا يكون فيني شي ثاني ..
مازلت ارقي واصلا انا لي سنتين يمكن وكم شهر وانا ارقي مره استماع والباقي قراءة وعلى ماي زمزم.. رمضان العام الماضي قريت على ماي زمزم الرقيه العامه اظن وشي للحسد... استمريت الى ما انتهى الماي... وبعد فتره اسابيع يمكن ..تفاجئت بالشفاء! كنت اشكي من الم ظهري سنين.... اللهم لك الحمد اختفى كله حتى ماني مصدقه انه راح ... هذا من فضل ربي..


**الحين اللي بكتبه لج ركزي فيه وافصلي اللي فيني عن اللي بالبيت عشان تفهمين قصدي بوضوح **،

*وضحت لج ان المفسره قالت لي اول مره اني بحاجه لرقيا بسبب أذى أصابني و بعدها بفتره طويله فسرت لي حلم ثاني وقالت ان العارض بدأ يضعف ، مع اني ما كتبت لها اني اشكي من شي غير التعطيل .. لكن الله اعلم يمكن واضح من حلمي ان فيه شي ..
* احلامي كلها حيوانات مفترسه(اسود/ضباع/نمر لونه أسود/ثعابين سوداء وشفافه/ كلاب/ قطط) وحشرات (( صراصير ،بريعصي، ومن قديم كنت اشوف جراد)) ... ويجي ببعض الاحلام اشياء تخص السحر مثل واحد من الاحلام شفت ساحره وجهها بشع تبي تلبسني شي فيه سحر ...فهمتي علي؟ يكون بالحلم علامه تخص السحر مثل هالشي..

*احلامي الفتره الاخيره مطاردات وهروب ومرات اكون خايفه بالحلم واحاول اهرب من اللي يلحقوني واتخبى بأي مكان.. واشوف ببعض احلامي ناس اغراب عني ماعرفهم هم اللي يلاحقوني..


*بالنسبه لتحصين البيت اللي اقصده اني ماقدر ادخل بعض الغرف واحصنها لأنها غرف الاولاد وهم يقفلونها وصعب علي اني اقول عطني مفتاح غرفتك..

*الرش تقصدين احط الماي بالعلبه تبع الرش؟ والا احطه بسطل مثلا وأكبه على العتبه؟ وضحي لي ربي يسعدج..


*بالنسبه لتنظيف البطن... هل تقصدين اشرب شي يحل بطني؟ مثل شنو بالضبط؟ عشان اعرف



*فلهذا السبب يا اختي انا ماني عارفه شنو الرقيه المناسبه لي بالضبط للحين ماني فاهمه هل بسبب الحسد والا اني اتأثر عشان السحر اللي بالبيت وللحين ما طلع؟ اذا كنت ماني مسحوره هل السحر اللي بالبيت يأثر علي شخصيا عشان انا قاعده اجتهد وارقي ويمكن انا الوحيده اللي بالبيت اسوي هالشي ؟؟ .. وماني عارفه اسوي لنفسي شي والا للبيت .. اتمنى اذا فهمتي كلامي توجهيني للشي المناسب لي ... والله ماحب اكتب واشكي ..لكن تدرين الامر فيه صعوبه اذا كنتي ماتعرفين شي.. واذا ربي هيء لي الاسباب لعلاجي وسهل علي اني اكتب هالكلام فبإذن الله ان الفرج قريب وكل اللي نعاني منه بيزول .



اعتذر لأني اتعبج معاي اختي ومافي احد بيرد على موضوعي غيرج, ربي يجزاج خير عطيتيني من وقتج 🌹🌹

خذي راحتك غاليتي
بالنسبة للاحلام كل حلم له معنى سواء بالحشرات والحيوانات والمطاردات ولانك ترقي نفسي
بالنسبة لنوع الحالة انتي أي الايات اللي تتاثرين فيها ايات السحر تاثر فيك لما تقرئيها او تسمعيها؟ اذا ماتحسي باي تاثير فهو مستبعد ان شاء الله
بالنسبة للعين والحسد استمري بالرقية نفسك
في أمور تكوني متميزة فيها سواء بالمظهر او العلم او حتى بالعبادة وامور كثير الناس ماتترك احد بحاله وكونك تاثرتي وحسيتي بتحسن حلو
واهم شيء التحصين مهم ولا تهملي ورد التلاوة


الماء المقري حطيها بمرش ورشي الأركان وان كان في صعوبة بغرف الولاد خلاص اجتهدي ببقية الأماكن
ومع استمرارك للرقية راح يتوضح لك أمور اكثر من اول
ودام في تاثير فهذا شيء جيد استمري حبيبتي واجتهدي ولا تضعفي
اسال الله ان يفرح قلبك بدعوات لا ترد