السلام عليكم ورحمة الله وبركاته ,,,
اليوم سويت غداء بروستد من باب التغير ... وعشان يبسطون عليه الصغار ...
وهذي الخطوات مع الصوره ...
(1)
نقطع 2 دجاج ونظفه ونغسله ... ونشرحه خفيف عشان يتشرب البهارات ..
(2)
نسلق الدجاج في مـــاء فقط ... بدون اي إضافات ..
(3)
بعد ماينضج الدجاج نضيفه بالخلطه اللي بالصوره وهي عباره عن
كوبين حليب + 1 مكعب ماجي + 3 فص ثوم مهروس + شويه كزبره ناشفه +شويه ملح + شويه كمون + شوية فلفل اسود + شويه فلفل احمر بودره + بيضتين + كوب طحين ..
(4)
وهنــا بعد ماحطينا الدجاج بالخلطه ...
يتركـ بالخلطه أقل شي 3 ساعات وكل ماطول كان افضل ... ويفضل ليله كامله ...
(5)
نجهز بيضتين عشان نغمس فيها الدجاج ...
رجـــاء لاأحد يرد لين اخلص ...
بعد كذا نكون محضرين كوب من الدقيق الأبيض + كوب من البقسماط .. ونخلطهم مع بعض عشان الدجاج ..
(7)
نأخذ قطع الدجاج ونغمسها بالبيض مثل ماهو واضح بالصوره ..
(8)
ثم ع طول نشيلها ع خلطه الدقيق + البقسماط ...
(9)
وهذي صورته بعد ماخلصنا الدجاج كله وصار جاهز للقلي ...
نقليه بزيت غزير وحـــار لين يأخذ اللون الذهبي ... ويتركـ ع ورق قابل لإمتصاص الزيت ..
(10 )
هذي صورته بعد ماخلص وصار جاهز لتقديم ... صلحت معاه بطاطس مقلي ...
وهذي صوره ثانيه ...
---------------------------
هذا كان غدانـــا اليوم ... طلع طعمه رااااااائع مع اني ماتركته بالخليط إلا ساعه وحده ...
إن شاءالله يكون عجبكم ونال رضاكم ...