حبيباتي الغاليات
الله يسعد مساكم بكل خير
بهديكم طريقة بروستد بإذن الله مظبووووطه وراح تدعون لي وتودعون المطاعه وزيتهم اللي يقلون به الف مره
المهم
ماطول عليكم
لازم دجاج مبرد والاخوين ممتاز اقطعيه 4 قطع وانزعي الجلد وانقعيه بمويه وملح وغطا خل ليله كامله
اليوم الثاني بيروح كل الزفره والدم تخلصي من المويه واضيفي مويه جديده
في خلطة بروستد متوفرة بالسوبر ماركت وهاذي صورته
فيه كيسين بودرة نقع خذي منها نصف الكيس واضيفيه للدجاج مع المويه واتركيه مايقارب خمس ساعات يعني من الظهر لانه بيكون عشا
والكيس الثاني بودرة تبهير بعد خمس ساعات واكثر صفي الدجاج من الماء بس لاتغسلينه وضعيه بكيس كبير مع بودة التبهير +بيالة دقيق+ملقعة بيكنغ بودر+رشة فلفل اسود وهنا السر واربطي الكيس وقلبيه جيدا حتي تمسك الخلط زين بالدجاج واتركيه الى ان تجهزي الزيت
ثم اقليه في نار متوسطة بس قادحه مايقارب20 دقيقه حتى يحمر وبالعاااااافيه
وهاذي صورته
نجي للسلطة جربوها طعم خيال
اقطعي جزء من الملفوف وانقعيه بمويه مغليه ومعاه جزرة مقشرة
ثم ضعي الملفوف في خلاط البصل وافرميه وسط ثم الجزر بس مومع بعض ياعسل
بعدين بيالة حليب سائل بارد مع 3 ملاعق مايونيز مع فنجان سكر واخاطيها جيدا واسكبيها على الملفوف والجزر وا1ذ تحبين ذرة ياسلام وحطيها بالثلاجه لين وقت التقديم
وهذي صورتها
والف صحة وهنا على قلوبكم
لاتنسوني من صالح دعائكم
الله ييسر ولادتي ويرزقني بمولود سليم معافى حسن الخلق والخلقة بار صالح مصلح
ودمتم بحفظ الرحمن ورعايته:26: