السلام عليكم ورحمة الله وبركاته
امس سويت بروستد تشيكن وطلع يهبل
الطريقة استوحيتها من وحدة من العضوات كانت ناقلة الموضوع من منتدى اخر جزاها الله خير
المقادير بكتبها على مجموعات:
المجموعة الاولى:
افخاذ دجاج حي (طازج) خليها بالجلد لا تشيلينه منقوعة في ماء وربع ملعقة بيكربونات الصودا وملعقة ونص اجينوموتو او ملح الطعام وخليهم لمدة 6 ساعات فالماي فالثلاجة
المجموعة الثانية:
طحين ابيض عادي
المجموعة الثالثة:
بيض وملح وفلفل اسود
المجموعة الرابعة:
طحين ابيض عادي وبهارات مشكلة (البهارات السبعة) و كورن فليكس مطحون خشن وبابريكا
الطريقة:
بعد ما تصفين الدجاج من ماء النقع حطيه فالمجموعة الثانية وبعدها الثالثة وبعدها الرابعة وبعد ما تخلصين منه ابدي اقليه في زيت غزير بالبداية حار وعقب وطي عليه عشان ما يحترق
و هذي الصور
واستمتعي بالذ واشهى وانظف طعم
اذا حبيتي تعملين معاه شيبس قطعي البطاطا اصابع ونقعيها في ماي وملح مدة نص ساعة وبعدين اقليها (طريقة العنود او نور الفجر مو متذكرة)
:)
ادعولي الله يرزقني واحمل بالبنات :42:
عيالي تمو يدورون كيس كنتاكي علشان يطلعون منه الالعاب
ههههههههههههههههههههههه