همسات الشوق :

رغم ان الموضع قديم بس حبيت ارفعه عشان اشكر الاخت صاحبة الموضوع الله يجزاها كل خير جربته وطلع لذيييييذ ومقرمش ولا اروع مع اني ماحطيت بعض مقادير الخلطه ماكانت متوفره مع ذلك لذيذ بشكل يعطيها العافيه في كثير من الاخوات هنا يشتكون ماضبط معهم وانا اولكم هالطريقه سويتها قبل 4سنوات بداية زواجي وليتني ماسويتها زوجي المسكين جوعان ينتظر العشا عاد هو يموت ع شي اسمه بروست خاصة البيك واخرتها طلع محرووووق ولا استوى من جوى ياني تفشلت وبغيت اموت انحرجت من زوجي طلع جابلنا عشا المهم مالكم بالطويلة بعض الاخوات الله يهديهم لما يكتبوا موضوع يختصروا مرررره وكاننا قاعدين معهم وعارفين قصدهم او عارفين ايش الشغلات اللي ماكتبوها انا رجعت قريت الموضوع من جديد كل الصفحات مع الردود والاسئلة لين عرفت بالضبط ايش الغلط اللي صار معي اولاً الزيت حطيه بارد مش بارد من الثلاجه لا عادي يعني كان برا ماتسخنيه ثانياً وهذا المهم الدجاج يكون طبقه وحده في القدر لا تحطينه فوق بعض ابد حتى لو كان الزيت كثير طبقه وحده بس انتي وقدرك انا قدري صغير كفى نص دجاجه فقط تبغين تسوين كميه اكثر يكون القدر اكبر او سويه ع دفعات وهنا راح تاخذين وقت لان اذا استوت الدفعه الاولى لازم تنتظرين لين يبرد الزيت قبل ماتحطين الدفعه الثانيه ثالثاً الزيت يكون كثييييير يغطي الدجاج وزياده خلي الدجاج تسبح ههههههه رابعاً سوي بالضبط مثل ماقالت الاخت بعد ماتحطين الدجاج سكري الغطاء وحطي الصفيره وشغلي النار تكون عاليه واذا خوافه مثلي انحاشي غرفه ثانيه مجرد ماتسمعين الصفيره بدت تصفر احسبي ثلاث دقايق بالضبط لاتزيدين ولا تنقصين ثم طفي عن النار وشيلي الصفيره ع طول وانتظري لين يخلص البخار راح يطلع بخار مو زيت لا تخافون ومايحتاج تحطين القدر تحت المويه انا ماحطيته انتظرت البخار لين خلص وفتحت الغطاء وانصدمت من اللون كان واااااو ولما ذقته ياعيني ع الطعم وناضج من جوى طبعاً اكيد بتقولون ثلاث دقايق قليله انا قلتها قبلكم بس اكتشفت ان الدجاج يبدا ينقلى قبل مايصفر بشوي وكمان بعد ماتطفين النار وانتي تنتظرين البخار يخلص تسمعين صوت القلي يمكن ياخذ 5دقايق لين يخلص البخار يعني لو حسبنا وقت قلي الدجاج بيكون حول 10 دقايق او اكثر وبكذا يستوي الدجاج وبس حبيت انبهكم ع هذي لان هي اللي ماطبقتها المره الاولى وفشلت بس مقهوره لان زوجي مسافر خساره كان ودي يشوف كيف ضبطته مو مثل المره الاولى تفشلت لكن مو مشكلة يرجع بالسلامه واسويله احلى بروست ونصيحه للكل اذا جيتي بتسوين طبخه جديده اول مره سويها وانتي لحالك مو لزوجك او مناسبه عشان تحكمي هل راح تضبط معك او لا منعاً للاحراج ومتى ماضبطت معك سويها لمين تبغين طبقوا نفس ماقلت وصدقوني راح يضبط معكم

رغم ان الموضع قديم بس حبيت ارفعه عشان اشكر الاخت صاحبة الموضوع الله يجزاها كل خير جربته وطلع...