برياااااااانى لذيذ

:27: مرحبا اخواتى
عندى طريقه بريانى لذيذ ودايما اسويه فحبيت اكتب لكم طريقته
المقادير : دجاجه ونص او دجاجتين مقطعه
3 علب روب ( زبادى)-فلفل اسود- بهارات -ملح -ماجى مكعبين- ورق الغار- شرايح بصل 4 وكل ماكثرتى احسن - فلفل بارد مقطع شرايح - فصين ثوم - زنجبيل طازج -4 كاسات رز -حبه طماطم صغيره - فلفل حار (على حسب الرغبه ) مسمار حب _ هيل حب _ عود دارسين - كزيره خضراء( حسب الرغبه ) قليل من ماء الورد - صبغه الرز- شويه خل - بياله ونص زيت (الزيت مش للحمسه بنستخدمه فى اخر الطبخه ) :D
:) الطريقه :1- تخلطين الروب مع ملح وفلفل اسود والخل وتنقعين فيه قطع الدجاج ساعه او ساعتين اللى تحبين
2-تحمسين البصل والثوم والزنجبيل بشويه زيت ولمن يتحمر خفيف نضع قطع الدجاج مع خليط الروب اللى تبلنا فيه الدجاج ونقلب الدجاج ونضيف الفلفل البارد ونحركه مع بعض ثم نضيف ورق الغار 5 او 6 ورقات طبعا صغار ورق الغار يعطيه نكهه حلوه بالاكل ونضيف ملح وماجى وحبه الطماطم وكم حبه هيل ومسمار ونص م ص بهارات ودارسين والفلفل الحار الاخضر على حسب الرغبه ونغطى الخليط ونتركه ينضج على نار هاديه بدون اضاافه ماء لان الدجاج بيطلع ماء مع الطبخ والبخار بيخلى الدجاج يستوى انا خليته ثلث ساعه وكل فتره احركه
3- نجى للرز نحط مع ماء السلق شويه حب هيل وعود دارسين ومسمار للنكهه
ونسلق الرز نص سلق ولمن يستوى نحطه بمشخاله تاخذين مقدار بياله ونص زيت وتحمينه على النار لمن يصير الزيت حار
4- تاخذين من صبغه الرزوترشينه على الرز وهو يالمشخاله رش خفيف بس يعطى الرز لون وتاخذين الزيت الحار اللى مسخنته مسبقا وترشينه على الرز اللى بالمشخاله وتقليبنه حتى يختلط الرز والزيت والصبغه
5- طبعا خلطه البصل والدجاج يكونو اخلصوا ونضج الدجاج تاخذين قدر وتحطين في القاع الدجاج مع الحمسه وتحطين الرز فوقهم واخر شى ترشي شويه كزبره وماء ورد على الوجه طبعا حسب الرغبه الكزبره وماء الورد وتغطين القدر بقصدير وتخلينه عشر دقايق على نار هاديه جدا وبالعافيه عليكم اتمنى شرحى واضح او اى استفسار انا مستعده
عندى صوره للطبق بحاول احط الصوره لانى ماعرف احط صور :27: