بريال .... بريال ......... مين يشتري ؟؟؟
زوارنا
أهلا وسهلا بكم في هذه التجارة المتواضعة
ومثل ما تعرفون كل شي هنا بريال
وانتم الكسبانين إن شريتوا
أنا مكسبي الوحيد إني عرضت عليكم هذي البضاعة
لا تسألون كيف ؟ ولا تستعجلون !
السالفة وما فيها إني هنا بقولكم وش تسوون إن كان عندكم ريال وما
تدرون وش تسوون فيه
لان هذا الريال يقدر يسوي أشياء كثيرة في هذا المحل ....
أولا :بهذا الريال تقدر تنصح قرابة العشر
أشخاص ويمكن أكثر
قلتلي شلون ؟؟
راح أقولك كيف
تقدر تروح لمكتبه وتأخذ عشر مطويات عن موضوع انت تختاره وتوزعها
على عشر أشخاص يستفيدون منها ويمكن يعطونها غيرهم يستفيد
وش كسبت ؟
إن فعلوا ما أمرتهم به من إحسان وتركوا مانهيتهم عنه من منكر لك
مثل أجرهم لان الدال على الخير كفاعله
ثانيا : ممكن يكون عندك ورقه فيها فتوى موثقه من اللجنة الدائمة
للإفتاء تروح لأقرب مصور يطبعلك نسخ منها بريال
ووزعها على من حولك
واعتقد انك ماتحتاج مين يذكرك بأجر الأمر بالمعروف والنهي عن المنكر
ثالثا: اتقدر تدخل فيها السرور على قلب مؤمن
أكيد راح تسأل شلون ؟
لو مثلا كان عندك طفل أو أخت في البيت وجبت لهم شي من برا البيت
بريال(مشروب ,شبس,علك ) وفرح فيها
راح تكون أدخلت الفرح على قلبه
لا تستهين بهذي الطريقة لان القيمة ماتهم بقدر الرسالة اللي راح
توصله
واللي> إني فكرت فيك وأنا برا البيت <
أو وإن كان صغير أعطه الريال وراح يفرح فيه بعد
رابعا: عندكم أكيد في الحارة عمال مسلمين
لو وأنت جاي جبت معك ربطه خبز توك جايبه من المخبز بريال واعطيته
له مع كم كلمه حلوه منك او ابتسامه
راح تحسن له
وتخيل الآجر اللي راح يجيلك
أما يكفيك قوله تعالى (والله يحب المحسنين )
وتخيل إن الخبز أعطيته في رمضان وكان صايم وفطر عليه
راح تكون فطرت صايم بريال
هل هذه صفقه رابحه لك ؟؟
خامسا :وانت مار لقيت صندوق حق التبرعات حط الريال فيه ولا تستحقر
من المعروف شي
لان الله عز وجل لو تلاحظ في الآيات اللي تحث على الإنفاق وتبين اجر
فاعله ما حدد قيمه ولا وش تنفق
وهذا من كرم الله ولطفه
فليش تبخل على نفسك وما تكون من المنفقين وتأخذ أجرهم
وتذكر إن الصدقة تطفي غضب الرب وتدفع ميتة السوء
سادسا: إشتر مسواك
هو من السنن ومطهره للفم ومرضاة للرب
هذي هي بضاعتي مجرد أفكار
>>وش ممكن تسوي بريال<<
شفت بنفسك وش ممكن تكسب بريال !!
طيب لو كان معك اكثر من ريال ؟؟
تاجر فيه
وتذكر ان التجارة الحقيقيه هي مع الله
وهي تجاره رابحه بإذن الله لن تبور
وسلعة الله غالية
وهي الجنة
يالله جد واجتهد
كلما صرت من الله اقرب صار لك اقرب
وكانت الجنة اقرب واقرب
-------------------------------------------
بريال بريال كل شي عندي بريال
هل راح تشتري ؟؟
تجاره مع الله
بس ريال ونية صادقه
وانت الكسبان
********* *********** ********** **********
قريبا عندنا تنزيلات للي يبغى تجاره
بأقل من ريال
لا تفوتكم الفرصة
%%%%%%%%%%%%%%%
وفي الختام
إن كان عند كم شي ينشرى بريال
لا تبخلون علي بأفكاركم وجديد إبداعكم
منقوووووووووووووول
ريحة النفل @ryh_alnfl_3
عضوة فعالة
يلزم عليك تسجيل الدخول أولًا لكتابة تعليق.
مومي الحلووه
•
جزاك الله خير
ما شاء الله عليك أثر الريال ينفع...انا أذا كان معي ريال ما أحتفظ فيه احسه ما يسوي شي أعطيه بنت أختي الصغيره تفرح فيه تحسبه يجيب حاجات كثيره..
مشكوره على الموضوع الرائع...
مشكوره على الموضوع الرائع...
الصفحة الأخيرة