شحالكم حبايبي بنات حواء؟؟
طبعا هنا الكثير من وصفات الرز بالتونة بس طريقتي غير شوي عنهم جربوها أكيد مابتندمون..
مابطول عليكم ونخش بالموضوووووووووع..
المقادير:
رز مسلوق نص سلق مع بهارات صحيحة
علبة تونة مصفاية من الزيت ( طبعا على حسب كمية الرز )
2 بصل مفروم
2 ثوم مفروم ناعم
2 فلفل علوب حار
كزبرة مفرومة ناعم
حبة طماطم مقطعة مكعبات
2 ملعقة كبيرة صلصة طماطم
2 ملعقة كبيرة زبادي ( روب )
بهارات صحيحة ( هال – فلفل أسود – حبوب الخردل – بهارات مخلطة من شمر وورق اللوري )
بهارات بودرة ( بزار – كاري – فلفل أسود – كركم – ملح )
الطريقة:
1- نحمس البصل والثوم على النار دقيقة ثم نضيفلهم البهارات الصحيحة والفلفل الحار..
هذي صورة البهارات المخلطة تكون جاهزة بالجمعيات وعاليسار حبوب الخردل..
2- نضيف التونه ونحرك..
3- نضيف الطماطم..
4- نضيف البهارات البودرة..
يتبع >>>>>>>>
5- نضيف ملعقتين صلصة الطماط.. ثم ملعقتين الروب..
6- بالأخير نضيف الكزبرة ونتأكد من الملح والبهارات والطعم.. واذا احتجنا شي نزيد..
7- ألحين نبدي نحطي بالجدر..
أول شي نحطي نص الرز مع نص الحشوة ونخلطهم.. مع رشة كزبرة مفرومة..
ثم نضيف باقي التونة عليهم وعليه باقي الرز بدون خلط هالمرة.. ونحطي قطع من الزبدة مع اللون الأحمر .. ونقلبهم شوي..
ونقدم البرياني مع الروب بالبصل اللذيذ.. ( للي يحب البصل )
وهذي طريقته..
بصلة مقطعة صغار مع فص ثوم مقطع صغير مع القليل من الكزبرة.. وشوية ملح وزيت الزيتون..
وعوافي على قلوبكم..