حيا الله كل ورده دخلت موضوعي
شرفتوني والله ربي يسعدكم
واخليكم مع احلى واسهل برياني بجد لذيييييييذ
ونبدا بالخطوات المصوره
اول شي قطعي جوانح بصل وكشنيها شوي بالزيت
وضيفي لها ثوم مبشور وزنجبيل مبشور
وبعد ماتذبل الخضار نضيف لها حلقات فلفل بارد مثل ماتشوفون
بعد كذا نضيف لها طماطه مطحونه مع ملعقة معجون طماطم
ونخليها تتسبك شوي ونتبلها بالملح والماجي الابيض والبهارات والزنجبيل
والكاري والببريكا والفلفل الاحمر والكزبره المطحونه
والبهارات العدله اللي هي هيل ودارسين وفلفل اسود وورق غار
بهالشكل
نخلي البهارات تتسبك شوي مع الطماطم تقريبا عشر دقايق
على نار هاديه بعدين نضيف لها علبة زبادي ونحرك بسرعه لاتتكتل
والافضل نخفقها قبل مانضيفها ماتتكتل ابد ان شاء الله
ونخليها على نار هاديه عشر دقايق
وفي هالوقت نقطع الدجاج وننظفه وننزع الجلد ونذبحه ونقليه بدون تتبيل
بهالشكل
وهذا شكل الدجاج بعد القلي نخليه على ورق نشاف
نضيف الدجاج المقلي على التسبيكه ونخليها على نار هاديه ربع ساعه
وبعد عشر دقايق نرش على الدجاج شوي بقدونس وكزبره للنكهه
بهالشكل
طبعا نكون سالقين الرز ثلاث ارباع سلق ومتبل بالملح والبهارات العدله
هيل ودارسين وفلفل اسود وورق غار وشوي زيت بهالشكل
نجيب قدر ونغرف فيه نص الرز وفوقه تسبيكة الدجاج بهالشكل
بعد كذا نضيف النص الباقي من الرز ونرش عليه زعفران منقع
في ملعقة موية ورد او كادي بس الورد افضل
ونضيف قطع صغيره زبده وفلفل طازج بهالشكل
يتبع
وعند التقديم نحاول نحرك شوي عشان تختلط الالوان ونقدمه بهالشكل
وصور اقرب
وياسلام مع التبوله
ملاحظه : ممكن نستبدل الدجاج باللحم بنفس الخطوات
اتمنى يعجبكم وتقررون تجربونه
عليكم بالف صحه وعافيه
والقادم احلى واحلى باذن الله
:cook::39::cook: