اليوم جايبه لكم طريقتي في البرياني
سهله وسريعه والطعم لذيييييييييذ
اول شي قطعت بصلتين وسط وكشنتهم
بعدها قطعت فليفله وجزر وبطاطس مكعبات صغيره واضفتها للبصل
اضفت شوووي ماي وقصرت عليهم وغطيتهم عشان ينضجون شوي
قطعت صدور الدجاج مكعبات واضفتها على الخضار وقلبتهم
بعدها اضفت الملح وبهارات مشكله وبهارات البرياني وكركم وكمون وثوم بودره
وقلبتهم شوي لحد ما قرب الدجاج يستوي تقريبا بعدها اضفت علبة زبادي
وطيت عليهم النار وخليتهم لما تأكدت من نضج الدجاج وباقي الخضار
يتبع
بعد كذا نجيب قدر ونحط فيه شوية زيت او زبده شي بسييييط ونبدا نحط الرز والخلطه طبقات لما تخلص الكميه
طبقة رز
وفوقها شوي من الخلطه
ونرجع نحط رز وفوقه خلطه بحيث تكون اخر طبقه رز
ونذوب شوي زعفران او بودرة الزعفران في ماي ونصبه وق اخر طبقه ونوزع فوقه شوية زبده
بعدها نغطيه ونوطي النااار على الاخييير لحد مايترسى او يطلع بخاره
في هالاثناء قطعت بصلتين كبار جوانح وكشنتهم بالزيت عشان احطهم على الرز
وهذا الشكل النهااائي