برياني دجاج خوخه7...واااااو ولا ألذ

بسم الله نبدأ...

اليوم يا بناتي باعلمكم برياني الدجاج السري اللذييييذ :23: اللي ما أعلمه إلا للحبايب..

المقادير:
1- صحن أفخاذ كامله + صحن صدور دجاج (ساديا) تقطعينهم 5 سم في 5 سم
2- عدد 2 روب المراعي
3- كميه من الثوم + الزنجبيل+ملح+ زيت زيتون, مطحونين بالماكينه, والكميه حسب الرغبه
4- شبت+بقدونس+نعناع مفرومين+ كزبره , كلهم مع بعض يملون نصف كوب
5- عدد 2 بصل أحمر مقطع بالطول,
6- عدد 4 بطاطس حجم صغير , مقطع أنصاف.
7- 3 أكواب رز مغسول ومنقوع في ماء بارد لمدة 25 دقيقه , وبعدين تصفينه
8- عود دارسين+5 حبات هيل + ملعقتين ينسون(حب)
9- عدد 4 ورق غار طازج
10- 3 ملاعق أكل بهار البرياني( علبه بلاستك تجي فيهه بهارات البرياني صحيحه, إنتي طحنيهه و إستخدميها.
11- البهارات: ملح+ كركم+فلفل أسود+ لومي أسود
12- زيت للقلي

الطريقه:

:cook:

1- تقلين البصل في زيت غزير إلا أن يحمر وترفعينه من الزيت وخليه جانباً.

2- تقلين البطاطس في نفس الزيت الغزير بعد إضافة بهار البرياني وقليل من الملح إلا أن يحمر وترفعينه من الزيت وخليه جانباً.

3- نآخذ تقريباً 8 أكواب ماء وتغلينهم مع إضافة الملح, وبعدين أضيفي قطع الدجاج , وشيلي الزفر إلا أن يبتدي يغلي الماء والشوائب تقريباً إختفت. أضيفي عود الدارسين و الهيل الصحيح, وغطيه و خليه يطبخ لمدة ربع ساعه, بعدين رفعي قطع الدجاج.ونزلي في نفس الماء البصل المقلي ونصف كمية الشبت والبقدونس والنعناعوالكزبره, وورق الغار وخليه يطبخ, وبعدين أضيفي الرز إلين يستوي نصف سوه, و صفيه من الماء.

4- في طنجره ثانيه خلطي الروب ومعجون الثوم و الزنجبيل و البهارات وبهار البرياني ونزلي قطع الدجاج فيهه, وخلطيهم مع بعض كويس. بعدين رفعي قطعه قطعه و حمريهم في نفس الزيت اللي أستخدم للبصل و البطاطس, ولما يتحمرون شوي شيليهم من الزيت, في نفس الزيت المتبقي نزلي ملعقتين الينسون إلى إن تطلع ريحته,وأضيفي إللي تم من خلطة الروب على الينسون بس شوي , وسكري على النار, وردي صبي الروب على الدجاج.

5- في طنجره نظيفه, حطي زيت شوي, نصف كمية الرز, البطاطس والدجاج, وشوية منقوع ماءالورد , ونزلي بقية الرز, وعلى الوجه حطي بقية الشبت والكزبره والبقدونس والنعناع, ومنقوع ماء الورد. وغطيه بورق قصدير, وعلى (تنكه) ونار خفيفه لمدة ربع ساعه, لين بدت ريحته اللذيذه تطلع..:21:

وألف صحه وعافيه.. ودعواتكم الحلوة بالصحه و الستر والعافيه..

أختكم.. خوخه:27: