مرررررحبن ياهلا ومرحبا
غداكن اليوم عندي ولاتتعدون .. حلفت خلاص بغديكن برياني بس بطريقة مختلفة شوي
المكونات أو المقادير ..
رز , دجاج مقطع بحجم متوسط (( حسب الكمية اللي تبين ))
بصل + فلفل أخضر بارد مقطع شراح نحيفة متوسط الطول
+ جزر مبشور + طماطم مقطعه صغار + ثلاث ملاعق صلصة
+ ماجي + بهارات عدلة (( هيل .. فلفل أسود .. عود قرفة .. ليمون أسود ))
+ بهارات مطحونة حسب رغبتك + ثوم + ثلاث ملاعق زبدة + ملعقتين سكر
بعد ماتغسلي الرز وتنقعيه خذي ربع الكمية
سخني ملعقتين أوثلاث زيت لمن يسخن حطي علية الرز ( ربع الكميه )
وقلبيه لين يشقر لونه بعدين أضيفي البصل وقلبيه معاه لين يذبل البصل
وبعد كذا حطي كل المقادير تقريبا
الفلفل الأخضر والجزر والطماطم والصلصة والماجي والبهارات العدلة والمطحونة
وقلبيها عشر دقايق
وبعدين نجي لسكر(( وهذا سر النكهة ))
احرقي السكر عالنار وصبيه عالخلطة وقلبيها
وأضيفي كاس موية وخليها تتسبك
وبعد كذا نسلق الرز نص سلق
نسيح الزبدة ونضيف لها الثوم الين يذبل شوي
بعدين نصب الزبدة عالرز ونقلبه شوي ونضيف الرز عالخلطة ويكون فيها شوي مويه مو ناشفه
ونغطي القدر بقصدير ونتركه على نار هايه لين يستوي
وسويت معها سلطة
مقطعة مكوناتها عادية ( خيار خس جرجير جزر وطماطم )
بس أضفت عليها ليمون وشوي خل ومالح ورشة فلفل أسود
لمن تاكليها مع هالرز تعطيك طعم راااائع ...
صحة وعاااااافيه وحياكم الله
من هنا طريق المغسلة :)
أحب أقولكم هالطريقة أخذتها من كتاب ( النخبة ) لأم عبد العزيز
بس كانت بالربيان طبيقته برضو كان روعة بعد وحبيت أجربه بالدجاج
وعجبني وحبيت أنقله لكم ...
شكله يهبل يممممممممم
الله يعطيك العافيه