برياني دياي ماكو اسهل منه

مرحبن

حبيباتي اليوم بحط لكم طريقة برياني دياي
برياني هندي
ماكو اسهل منه



بس المقادير شوي يمكن وايد

المقادير :
دجاجة
علبة زبادي ندى
كزبرة شوي مفروم
نعناع شوي مفروم
بصلة مفرومة
بصلة واحد مقطعه شرايح ومحمره
البهارات: ملح ، كركم ، فلفل احمر ، ورق الغار ،،
ارز
ثوم وزنجبيل مطحونين ،، لازم وظروري
الطريقة :
قطعي الدجاج رصيه في القدر وحطي عليه الزبادي وكل البهارات مع شوي نعناع وكزبرة وكل المحتويات المذكوره ،،، ماعدا البصل المقلي ،،،
الحين اخر شي حطي عليه الزيت اللي قليتي فيه البصل ،، شوي بس
وخليه ع النار بدون ماتحطين ماي ولاشي ،،، بس نص ساعه تكفي وعلى نار راخييييه

الحين اطبخي الرز في شوي دارسين وهيل وفلفل اسود وقرنفل ،،، وملح واشخليه ،،،
بعد مايستوي الدجاج ،،، حطي الرز فوقه ،،، واخذي حبة ليمونه اعصريها فوق الرز ،،، وحطي ع الرز شوي ماء ورد وزعفران ،،، ورشي عليه البصل المقلي ،، مع شوي من الكزبره والنعناع المفرومين ،،، وصبي عليه شوي من زيت البصل اللي قليتيه

وغطي القدر شوي خليه ع النار ربع ساعه كذا ،،،

هذي طريقة امي ان شالله تعجبكم ،،، وبالهناء والشفاء

يقدم هالبرياني مع الزبادي بالنعناع ( الجكتني )

الطريقة
اخذي زبادي مع شوي نعناع وكزبرة وقرن فلفل اخضر وملح شوي واخلطيهم بالخلاط شوي بس عشان تنفرم المحتويات ،،،
وتقدم مع البرياني ،، بس هالجكتني صج رهيب ،،،

بالهناء والشفاء