السلام عليكم
اخباركم حوائيات ان شاء الله تمام
انا اليوم كان عندي عزيمه غداء رياجيل
وطلب مني ماي هزبن <<يعنني اعرف انجليزي
اني اسوي له برياني من ايدياتي قلت ابشر تستاهل برياني
كفايه انك وديتني الرياض كم ساعه ورجعتني للدمام عاد المسافه قريبه <<ترى مااتطنز خخخخخخخخ
المهم شمرت عن يديني
وطبخت البرياني بقدر الضغط اي بقدر الضغط والطعم عجييييييييييييييييييييب
اعذروني الخطوات الاولى ماصورتها لانه ماجا على بالي اني انزله في عالم حواء بعدين تحمست وقلت ابي انزله لكم
معليش ترى هذرتي واجد دايم الناس يقولون لي اخلصي
اول شي نقصص بصل شرايح
وكل ماكان البصل كثير كان الطعم واو لانه هو السر
نحمس البصل في القدر مع زيت لين يصير لونه بني غامق نفس اللي نسويه للحشوه
بعد مايصير بني نطلعه من الزيت ونحطه بصحن لحد مايبرد في هالوقت نجيب الخلاط حق الطماطم ونحط فيه روب(زبادي) تقريبا نص دجاجه نحط لها علبة روب انا سويت ثلاث دجاجات بـ4علب روب لان زوجي مالقى في البقاله اللي جنبنا الاهالكميه وجابها وانصدمت لما صحيت انه بس 4 روب بس الحمد لله تسهلت
نحط الروب في الخلاط ونحط معاه حزمة كزبره وشوي نعناع وبهارات هنديه وكاري وكمون وثوم وملح ونحط اهم شي اللي هو البصل اللي حمسناه
ونضربه عدل
بعد كذا نحط هالخلطه على الدجاج طبعا الدجاجه تقطعونها اربع قطع
مثل الصوره
1
ونتركها تنقع
انا تركتها ساعتين وكل ماطولت احسن
بعدين نقصص بصل صغار
ونحطه في قدر الضغط
2
مع زيت وهيل وورق غار قرفه ومسمار وفلفل اسود طبعا كلهم حب
نحمس البصل لحد مايذبل
3
ثم نحط الدجاج مع خلطته ونسكر عليه قدر الضغط حبيب قلبي ونتركه تقريا ربع ساعه اول شي نعلي على النار لحد ماتصفر الصفاره ثم نقصر شوي
4
5
هنا انتهينا من الدجاج وحوسته
نروح للرز
بليز لحد يرد
لحد مااخلص
الساحرات الثلاثه @alsahrat_althlathh
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
نجيب القدر اللي بنطبخ فيه الرز
ونحط فيه (هيل قرفه مسمار فلفل اسود ورق غار ثوم ) كلهم عدلين يعني حب نحمسهم لحد ماتطلع ريحتهم
6
ثم نكبس الرز ونخليه يطبخ لما يقرب ينشف نحط سمن بري وصبغت زعفران ونكتمه بقصدير
انا حطيت مع الرز لما كان يطبخ
كزبره مفرومه
7
وهنا لما نشف
8
طبعا بعد مرور ربع ساعه نفتح قدر الضغط طبعا بعد مانسكر النار
ونكبس الرز فوق الدجاج ونرجع نضغطه مره ثانيه نعلي النار لحد مايصفر ثم نقصر شوي
نخليه شوي ثم نفتح قدر الضغط
ونتاكد بالملعقه ان الخلطه خلاص نشفت
نسكر النار ونقلب القدر
قبل التزيين
9
بعد التزيين
10
11
والله تعبت من تحميل الصور ومن الطبخ
وهنا بعد مارجع الصحن وترى بس كان ثلاث رجال
بسم الله ماشاء الله
12
وبالعافيه عليكم مقدما
وابي اشوف تجاربكم برياني بقدر الضغط