برياني طماط بالسمك او الجاج

سلام يا أحلى بنات ييت يايبتللكم وصفتين في وصفه....نفس الطريقه بالظبط سواء دياي و اللا سمك طبعا السمك يكون مقطع و الدياي منزوع الجلد و مقطع 4 قطع يلله وراي نشوف المقادير: :23:
4 بصل مقطع شرائح
3 طماطم
5 ثوم مدقوق
1/2 كوب من كل من بقدونس و شبت
4 حبات لومي يابس مدقوق لبه مع الثوم
ملعقه كبيره معجون طماطم
كركم،بزار،ملح
الطريقه:21:
نفرك الدجاج او السمك بالملح+كركم+بزار(بهارات مشكله) ثم نقليهم و نتركهم جانبا
نسخن زيت في مقلاه عميقه أو جدر و نحمر البصل لين يحمر
نضيف الثوم مع لب اللومي اليابس و نقلب شوي بعدين نضيف البقدونس و الشبت
نضيف ملعقتين شاي(أو حسب الرغبه)من كل من بزار و كركم و ملعقة شاي ملح
نضيف معجون الطماطم و نقلب زين
نضيف الطماط و نقلب على النار لين ما تذوب
نضيف الدجاج أو السمك على خلطة الطماطم و نقلب زين و نرفعه عن النار
نسلق 3 أكواب عيش (اذا بتزيدون الكميه زيدو كمية الخلطه بنفس المقدار)
نضع نصف كمية العيش(رز) في جدر و نرشه بشوية فلفل أسود و نصف عليه الدجاج بالخلطه ثم باقي العيش و عليه فلفل أسود و يوضع على نار هادئه لين ينضج العيش.
عند التقديم نقلب العيش حتى يختلط تماما بالخلطه......و هنا و عافيه